چەليابينسك سوتى (رەسەي) اقش-تاعى پرەزيدەنت سايلاۋىندا جەڭگەن دجو بايدەننەن كٶمەك سۇراپ, ۆيدەومەلٸمدەمە تاراتقان قالا تۇرعىنى ۆالەنتينا ۆولكوۆاعا 20 مىڭ رۋبل ايىپپۇل سالدى. وعان قوعامدىق شارا ٶتكٸزۋ ەرەجەسٸن بۇزدى دەگەن ايىپ تاعىلدى.
12 جەلتوقساندا اراسىندا ۆولكوۆا بار 16 تۇرعىن بايدەنگە ارناپ ۆيدەو تٷسٸرٸپ, قالانىڭ ناشار ەكولوگييالىق احۋالىنا حالىقارالىق قاۋىمداستىق نازار اۋدارۋى ٷشٸن كٶمەكتەسۋٸن ٶتٸنگەن. نارازىلار رەسەي بيلٸگٸ بۇعان نازار اۋدارمايدى دەپ شاعىمدانعان.
كەيٸنٸرەك ۆولكوۆا اقپارات قۇرالدارىنا "تۇرعىندار رەسەي مەن حالىقارالىق قاۋىمداستىققا ٷندەرٸن وسىنداي امال ارقىلى جەتكٸزگٸسٸ كەلدٸ" دەگەن.
"مەنٸڭ ويىمشا, ماقساتىمىزعا جەتكەن سيياقتىمىز" دەدٸ ول سوت شەشٸمٸنەن كەيٸن. بەلسەندٸ سوت شەشٸمٸن اپەللياتسيياعا بەرەتٸنٸن, ودان تٷك شىقپاسا ادام قۇقىعى جٶنٸندەگٸ ەۋروپا سوتىنا جٷگٸنەتٸنٸن ايتتى.
