Cheliabinsk soty (Resei) AQSh-taǵy prezident sailaýynda jeńgen Djo Baidennen kómek surap, videomálimdeme taratqan qala turǵyny Valentina Volkovaǵa 20 myń rýbl aiyppul saldy. Oǵan qoǵamdyq shara ótkizý erejesin buzdy degen aiyp taǵyldy.
12 jeltoqsanda arasynda Volkova bar 16 turǵyn Baidenge arnap video túsirip, qalanyń nashar ekologiialyq ahýalyna halyqaralyq qaýymdastyq nazar aýdarýy úshin kómektesýin ótingen. Narazylar Resei biligi buǵan nazar aýdarmaidy dep shaǵymdanǵan.
Keiinirek Volkova aqparat quraldaryna "turǵyndar Resei men halyqaralyq qaýymdastyqqa únderin osyndai amal arqyly jetkizgisi keldi" degen.
"Meniń oiymsha, maqsatymyzǵa jetken siiaqtymyz" dedi ol sot sheshiminen keiin. Belsendi sot sheshimin apelliatsiiaǵa beretinin, odan túk shyqpasa adam quqyǵy jónindegi Eýropa sotyna júginetinin aitty.
