اقش-تىڭ جاڭادان سايلانعان پرەزيدەنتٸ دونالد ترامپ ٶز جۇمىسىنا كٸرٸسپەي جاتىپ-اق ٶز ەلٸنٸڭ قىتايمەن اراداعى بايلانىسىنا سىزات تٷسٸرٸپ الدى. بۇل ٶز كەزەگٸندە كەلەر جىلى ەلەمدٸك نارىققا قاتەر بولىپ تٶنۋٸ مٷمكٸن دەپ جازادى ٸnvesting باسىلىمىنا سٸلتەمە جاساعان «ەگەمەن قازاقستان».
پرەزيدەنتتٸك تاققا وتىرماي جاتىپ دونالد ترامپ اقش-قىتاي قاتىناسىن ۋشىقتىرىپ الدى. 3 جەلتوقسان كٷنٸ تايۆان ەكٸشٸلٸگٸنٸڭ باسشىسى تساف ينۆەيمەن 10 مينۋت تەلەفون ارقىلى سٶيلەسكەن. وعان جاۋاپ رەتٸندە قىتاي ترامپتان ٶزدەرٸنٸڭ «بٸرىڭعاي قىتاي» ساياساتىنا قۇرمەتپەن قاراۋدى تالاپ ەتتٸ. ٶيتكەنٸ, قىتاي تايۆاندى ٶزدەرٸنە تەۋەلدٸ ايماق رەتٸندە تانيدى.ال دونالد ترامپ جەكسەنبٸ كٷنٸ Fox News ارناسىنا بەرگەن سۇحباتىندا امەريكانىڭ تايۆانمەن اراقاتىناسىنا پەكيننٸڭ ارالاسۋىنا جول بەرمەيتٸنٸن مەلٸمدەدٸ.
«قىتايدىڭ ماعان جٶن سٸلتەگەنٸن قالامايمىن. بٸز نەگە «بٸرتۇتاس قىتاي» ساياساتىن ۇستانۋ كەرەكپٸز?», — دەدٸ اقش-تىڭ بولاشاق كٶشباسشىسى. قىتاي تاراپى ەگەر ترامپ وسى بەتٸنەن قايتپايتىن بولسا, ەكٸ ەل اراسىنداعى بارلىق بايلانىستى ٷزەتٸنٸن جەتكٸزدٸ.
ەستەرٸڭٸزگە سالا كەتەيٸك, 37 جىل بۇرىن اقش قىتايدىڭ «بٸرىڭعاي قىتاي» ساياساتىن قولداۋ ماقساتىندا تايۆانمەن بايلانىستى ٷزگەن ەدٸ. ەگەر ترامپ تايۆاندى ٶز الدىنا تەۋەلسٸز ەل رەتٸندە تانىپ, ونىمەن تٸكەلەي ەرٸپتەستٸك قۇراتىن بولسا, 1972 جىلدان بەرٸ قالىپتاسقان اقش-قىتاي ەرٸپتەستٸگٸنە سىزات تٷسپەك.
«ترامپ ەلگٸ قادامى ارقىلى وتپەن ويناپ جاتىر. قىتاي ەشقاشان دا مۇندايعا تٶزە المايدى», — دەيدٸ Danske Bank ساراپشىلارى.
اقش-قىتاي داعدارىسى حالىقارالىق ينۆەستورلار ٷشٸن دە جاعىمدى جاڭالىق بولماۋى تيٸس. نەتيجەسٸندە قوس الىپتىڭ تەكەتٸرەسٸ 2017 جىلى قارجىلىق داعدارىسقا سەبەپ بولۋى مٷمكٸن.
انار لەپەسوۆا
