اقش پەن قىتايدىڭ رەسمي تۇلعالارى كەلەسٸ اپتادا الياسكادا جوعارى دەڭگەيدە كەلٸسسٶز ٶتكٸزەدٸ. بۇل دجو بايدەن پرەزيدەنتتٸككە كەلگەلٸ بەرٸ ەلەمدەگٸ ەڭ ٸرٸ ەكونوميكا يەلەرٸنٸڭ جوعارى دەڭگەيدەگٸ العاشقى ديپلوماتييالىق كەزدەسۋٸ بولماق.
18 ناۋرىزدا اقش مەملەكەتتٸك حاتشىسى ەنتوني بلينكەن مەن ۇلتتىق قاۋٸپسٸزدٸك جٶنٸندەگٸ كەڭەسشٸ دجەيك سالليۆان قىتايدىڭ سىرتقى ساياسات جٶنٸندەگٸ ٸرٸ ديپلوماتى يان تسزەچي مەن سىرتقى ٸستەر مينيسترٸ ۆان يمەن انكوريدجدە كەزدەسەدٸ. بۇل جٶنٸندە اق ٷيدٸڭ 10 ناۋرىز كٷنگٸ مەلٸمدەمەسٸندە ايتىلعان. بايدەن ەكٸمشٸلٸگٸ ٶزٸنە دەيٸنگٸ دونالد ترامپ ەكٸمشٸلٸگٸنٸڭ قىتايعا قاتىستى قاتاڭ ساياساتىن جالعاستىرادى دەگەن بولجام ايتىلىپ جاتقان شاقتا تاراپتار كٶپتەگەن مەسەلەلەردٸ تالقىلايدى.
كەيٸنگٸ كەزدە ساۋدا داۋى, گونكونگتەگٸ دەموكراتييالىق قوزعالىستاردىڭ باسىپ-جانشىلۋى, اقش گەنوتسيد دەپ اتاعان شىڭجاڭ ايماعىندا مۇسىلمان توپتاردىڭ قۋدالانۋى, قىتاي ەسكەرٸنٸڭ تايۆان مەن وڭتٷستٸك قىتاي تەڭٸزٸندەگٸ ەرەكەتٸ مەسەلەلەرٸ تٶڭٸرەگٸندە ەكٸ ەل اراسىندا جاعداي ۋشىعىپ كەتكەن. بٸراق سولتٷستٸك كورەيانىڭ يادرولىق باعدارلاماسىنا توسقاۋىل قويۋ, ميانماداعى ەسكەري تٶڭكەرٸسكە تويتارىس بەرۋ جەنە عالامدىق كليماتتىڭ ٶزگەرۋٸ مەسەلەلەرٸندە اقش قىتايمەن ەرٸپتەستٸك ورناتۋ جولدارىن دا ٸزدەيدٸ.
"پەكيننٸڭ قيمىل-ەرەكەتتەرٸ اقش پەن وداقتاستارىنىڭ قاۋٸپسٸزدٸگٸ, ٶركەندەۋٸ مەن قۇندىلىقتارىنا قاۋٸپ تٶندٸرٸپ وتىر. سول سەبەپتٸ بۇل بٸز ٷشٸن كٶپتەگەن الاڭداۋشىلىقتارىمىزدى اشىق تالقىلايتىن ماڭىزدى مٷمكٸندٸك" دەدٸ بلينكەن 10 ناۋرىزدا.
