اقش پرەزيدەنتٸ دونالد ترامپ پەن سولتٷستٸك كورەيا پرەزيدەنتٸ كيم چەن ىننىڭ سەرسەنبٸ كٷنٸ ۆەتنامدا بولعان ٸسكەرلٸك تٷسكٸ اسى كەيٸنگە شەگەرٸلگەن. دونالد ترامپ پەن كيم چەن ىن ەكٸ كٷندٸك كەزدەسۋدە ٶزارا كەلٸسٸمگە كەلە الماعان, دەپ حابارلايدى اق ٷي.
اقش پرەزيدەنتٸ دونالد ترامپ پەن كحدر تٶراعاسى كيم چەن ىننىڭ حانويدا ٶتكەن كەزدەسۋٸ «جاقسى ەرٸ كونسترۋكتيۆتٸ» بولعان. بۇل تۋرالى ەكٸ ەلدٸڭ باسشىسى مەلٸمدەدٸ. «قازٸر ەكٸ جاق كەلٸسٸمگە كەلگەن جوق, بٸراق ولاردىڭ كوماندالارى مۇنى اسىعا كٷتٸپ وتىر», دەلٸنگەن اق ٷيدٸڭ حابارلاماسىندا.
كەزدەسۋ نەتيجەسٸنە سٷيەنسەك, ەكٸ جاقتى دەكلاراتسيياعا قول قويىلماۋى مٷمكٸن. ال سامميت باعدارلاماسى بەلگٸلەنگەن ۋاقىتتان ەرتەرەك اياقتالادى دەپ بولجام جاسالىپ وتىر.
سولتٷستٸك كورەيانىڭ دەنۋكلەاريزاتسييالانۋى مٷمكٸن بە?
بۇعان دەيٸن كيم چەن ىن اقش پرەزيدەنتٸ دونالد ترامپپەن ەكٸنشٸ كٷنٸ كەزدەسۋدە يادرولىق قارۋدان باس تارتۋعا دايىن ەكەنٸن مەلٸمدەگەن بولاتىن. قوس باسشى دا دٶڭگەلەك ٷستەلدە پٸكٸر الماسىپ, دەنۋكلەاريزاتسيياعا قاتىستى ورتاق شەشٸمگە كەلۋگە تىرىستى.
«يادرولىق قارۋدان باس تارتۋعا دايىنسىز با?» دەگەن جۋرناليستەردٸڭ سۇراعىنا كيم چەن ىن: «ەگەر مەن دايىن بولماسام, مۇندا كەلمەس ەدٸم», دەپ جاۋاپ بەرگەن. الايدا, سولتٷستٸك كورەيا باسشىسى دەنۋكلەاريزاتسييانى قالاي جٷزەگە اسىراتىنىن جەنە قانداي شارالار قولداناتىنىن اشىپ ايتپادى.
اقش ٶز تاراپىنان كحدر-دٸڭ يادرولىق قارۋدان تولىعىمەن باس تارتقانىن, ال كحدر بٷگٸندە اقش-تىڭ ازييالىق وداقتاستارىن – وڭتٷستٸك كورەيا مەن جاپونييانى – قورعاپ تۇرعان يادرولىق قالقانىنان باس تارتقانىن قالايدى.
ترامپتىڭ سٶزٸنە سٷيەنسەك, سولتٷستٸك كورەيانىڭ دەنۋكلەاريزاتسيياسىنا اسىعۋدىڭ قاجەتٸ جوق.
«ەۋەل باستان مەن ۋاقىتتى تەزدەتۋدٸڭ ماڭىزدى ەمەس ەكەنٸن ايتقان بولاتىنمىن. يادرولىق راكەتالاردى سىناقتان ٶتكٸزۋ دوعارىلعانىن ٶتە جوعارى باعالايمىن. كيم مىرزا ەكەۋمٸز دۇرىس كەلٸسٸم جاساعىمىز كەلەدٸ», دەدٸ ول.
كيم چەن ىننىڭ ترامپپەن كەلٸسٸم-شارتقا قول قويۋ مەسەلەسٸ جۇمباق كٷيدە قالدى.
«ەلٸ بٸر نەرسە ايتۋعا ەرتە. بٸراق, مەن پەسسيميست ەمەسپٸن. بٸزدە جاقسى نەتيجە بولادى دەپ ويلايمىن», دەدٸ كيم چەن ىن.
جۋرناليستەردٸڭ كيم چەن ىنعا قاراتا قويىلعان «ادام قۇقىقتارى تۋرالى مەسەلە تالقىلاندى ما?» دەگەن سۇراعىنا ترامپ: «بەرٸن تالقىلادىق», دەپ جاۋاپ بەردٸ.
«بٸزدە پرودۋكتيۆتٸ پٸكٸرتالاس بولدى. قارىم-قاتىناسىمىز ەدەتتەگٸدەي, مٷمكٸن ودان ەلدەقايدا جاقسى», دەدٸ ول.
سالتانات شىنەدٸل
