اقش مامانى تەتiشەۆ ٶلiمiنە بايلانىستى ساراپتاما قورىتىندىسىن جارييا ەتتi

ەرجان تەتٸشەۆتٸڭ ٶلٸمٸنەن كەيٸن تٶرت مەرتە ساراپتاما جاسالعانى مەلiم. بٸراق, بٸر قورىتىندىدا گەرمانييالىق مىلتىق ٶزدٸگٸنەن اتىلۋى مٷمكٸن ەمەس دەسە, ەندi بٸرەۋلەر ولاي بولۋى مٷمكٸن دەگەن ۇيعارىمعا كەلگەن. مارقۇم بانكيردٸڭ وتباسى بۇل مەسەلەگە نٷكتە قويۋ ٷشٸن ساراپتاما سالاسىندا 20 جىلدان استام تەجٸريبەسٸ بار امەريكالىق مايكل پاتريك مەرفي, سكوتت مايكل پەركينس پەن يريس دەللي ەسٸمدٸ ماماندارعا جٷگٸنگەن. ولار بٷگiن تارازداعى سوتقا قاتىسىپ وتىر. وتىرىسقا سونداي-اق تەتiشەۆتەر وتباسىنىڭ ادۆوكاتى ەۆگەنيي ياۆورسكيي قاتىسۋدا.

مايكل پاتريك مەرفي قىلمىستى زەرتتەۋ, ونىڭ iشiندە ادام ٶلiمiن تەرگەۋ سالاسىندا 25 جىل جۇمىس iستەيتiنiن ايتتى.

«ماعان وسى ٶلiمدi زەرتتەۋ ۇسىنىسى تٷستi. سول سەبەپتەن سوت-ساراپتامالىق توپ قۇردىم. مەن وسى توپتىڭ جەتەكشiسiمiن. توپتا مەديتسينالىق, كريمينالدىق, قان تاڭبالارىن زەرتتەيتiن ساراپشىلار جۇمىس iستەدi. بiز قازاقستاندىق پوليتسييا قىزمەتiمەن جۇمىس iستەپ, قاجەتتi اقپارات جينادىق. قىلمىس بولعان جەرگە دە باردىق. بارلىق ساراپشىلار ٶز زەرتتەۋiن جٷرگiزiپ, قورىتىندىسىن جاسادى. مەنiڭ نەگiزگi جۇمىسىم - وقيعانىڭ سەبەبiن انىقتاۋ. وسى وقيعا جايلى ايتسام, ادام (ەرجان تەتiشەۆ - اۆت.) ارت جاقتان اتىلعان. قارۋ وعان ەدەيi باعىتتالعان. ال جانىندا وتىرعان ادام ونى ٶلتiرە المايدى. جٷرگiزۋشi العا قاراپ كەلە جاتقاندا ٶلتiرiلگەن. بۇعان وقتىڭ ۇشۋ باعىتى مەن مارقۇمنىڭ العان جاراقاتتارى دەلەل. قارۋ ٶتە قىمبات بولعان. بۇنداي قارۋ ەشقاشان ٶزi اتىلمايدى. بiز وسى قارۋدى تازالايتىن اداممەن سٶيلەسكەندە, ول قارۋدىڭ جاعدايى جاقسى بولعانىن ايتتى. وسى وقيعادان كەيiن قارۋ پوليتسييادا دا تەكسەرiلگەن. ولار دا قارۋ ٶزدiگiنەن اتپايدى دەگەن. قارۋدىڭ سەرiپپەسiن باسپاسا, ول ٶزدiگiنەن اتىلمايدى. قارۋ كەيiننەن بiرەۋمەن ٶزگەرتiلگەن», - دەدi مايكل پاتريك مەرفي.

جۋىردا سوت پروتسەسiندە تەتiشەۆ ابايسىزدا ٶلتiرiلدi دەپ تانۋ ٷشiن قارۋعا مەحانيكالىق ٶزگەرiس جاسالعانى بەلگiلi بولدى. وسىلايشا, قارۋ ٶزدiگiنەن اتىلدى دەگەن قورىتىندى شىققان. ٶزگەرiس جاساعان كۋەگەردەن دە جاۋاپ الىنعان ەدi.

مايكل پاتريك مەرفيدiڭ ايتۋىنشا, ەرجان تەتiشەۆ قاساقانا ٶلتiرiلگەن. سەبەبi, قارۋ وعان ەدەيi باعىتتالىپ, ول ٶلتiرگەن ادامنىڭ قولىندا قالعان. ال, ابايسىزدا جاسالعان قىلمىس بولسا, قارۋ قولدان قۇلاپ, باسقاشا جاتۋشى ەدi.

اتاپ ٶتسەك, كەشە سوت وتىرىسىندا تاراپتار وقيعا ورنىندا تٷسiرiلگەن ۆيدەومەن تانىستى. ۆيدەودا توقمەدي تەتiشەۆتi قالاي ٶلتiرگەنiن كٶرسەتتi.

ەسكە سالساق, تارازدا تۇران ەلەم بانكiنiڭ بۇرىنعى تٶراعاسى ەرجان تەتiشەۆتi ٶلتiردi دەپ ايىپتالىپ وتىرعان بيزنەسمەن مۇراتحان توقمەدي iسiنە قاتىستى سوت پروتسەسi ٶتiپ جاتىر. وسىلايشا, 14 جىل بۇرىنعى قىلمىس قايتا تەكسەرiلۋدە. ال, 11 جىل بۇرىن بيزنەسمەن توقمەدي دەل وسى قىلمىسى ٷشiن جازادان سىتىلىپ كەتكەن بولاتىن. سول كەزدە قىلمىس ابايسىزدا جاسالدى دەلiنiپ, مۇراتحان توقمەدي تاراز قالالىق سوتىنىڭ 2007 جىلعى 3 قىركٷيەكتەگi ٷكiمiمەن بiر جىلعا باس بوستاندىعىنان ايىرىلىپ, راقىمشىلىقپەن جازادان بوساتىلدى. بۇل iس بويىنشا تەرگەۋ امالدارى مەن سوتتار 3 جىلعا سوزىلعان ەدi.

2017 جىلعى 12 ماۋسىمدا الماتىداعى ارنايى وپەراتسييا بارىسىندا «قازسترويستەكلو» جشس باس ديرەكتورىنىڭ كەڭەسشiسi مۇراتحان توقمەدي ۇستالدى. بيزنەسمەن «Iرi كٶلەمدەگi مٷلiككە يە بولۋ ماقساتىندا بوپسالاۋ» بابى بويىنشا قىلمىس جاسادى دەگەن كٷدiكپەن قۇرىقتالىپ, ٷش جىلعا باس بوستاندىعىنان ايىرىلدى. 2017 جىلعى قازاندا كتك ارناسىنان كٶرسەتiلگەن فيلمدە توقمەدي ەرجان تەتiشەۆتi ٶلتiرگەنiن مويىنداپ, بانكيردiڭ كٶزiن مۇحتار ەبلەزوۆتىڭ تاپسىرىسىمەن جويعانىن ايتتى. سونداي-اق, ەبلەزوۆتەن تەتiشەۆتi ٶلتiرۋ ٷشiن 2 ترانشپەن 4 ملن دوللار كٶلەمiندە سىياقى العانىن دا جاسىرمادى. وسىلايشا, مۇحتار ەبلەزوۆ ەرجان تەتiشەۆتiڭ ٶلiمiنەن كەيiن تۇران ەلەم بانكiنiڭ باسشىلىعىنا كەلگەن. 2018 جىلعى 16-اقپاندا جامبىل وبلىستىق سوتىندا توقمەديدەن جاۋاپ الىنىپ, ول وسى ايتقاندارىن راستادى.