اقش-تىڭ ازىق-تٷلٸك پەن دەرٸ-دەرمەك ساپاسىن باقىلاۋ جٶنٸندەگٸ باسقارماسى Johnson & Johnson كورپوراتسيياسى شىعارعان كوروناۆيرۋسقا قارسى ۆاكتسينانى ەگۋدٸ توقتاتۋعا كەڭەس بەردٸ. وعان ۆاكتسينا ەگٸلگەن التى ەيەلدٸڭ ترومبوفيلييانىڭ سيرەك كەزدەسەتٸن تٷرٸنە شالدىعۋى سەبەپ بولعان.
اقش Johnson & Johnson كورپوراتسيياسىنىڭ ۆەكتورلىق ۆاكتسيناسىن اقپان ايىندا ماقۇلدانعان. سىناق قورىتىندىسى بويىنشا, ونىڭ پايدالى ەسەرٸ شامامەن 66 پايىزعا جەتەدٸ. ٶزگە ۆاكتسينالاردان ەرەكشەلٸگٸ – ونى ەكٸ رەت ەمەس, بٸر رەت سالسا جەتكٸلٸكتٸ.
12 سەۋٸر كٷنگٸ مەلٸمەت بويىنشا, اقش-تا بۇل ۆاكتسينا 6,8 ملن ادامعا سالىنعان. ۆاكتسينا العان التى ادامنىڭ اعزاسىندا ترومبىلار تٷزٸلگەن. 10 سەۋٸردە ەۋروپانىڭ دەرٸ-دەرمەك جٶنٸندەگٸ اگەنتتٸگٸ Johnson & Johnson پرەپاراتىن قابىلداعان تٶرت ادامدا ترومبىنىڭ پايدا بولۋىن زەرتتەيتٸنٸن حابارلاعان.
بريتاندىق AstraZeneca ۆاكتسيناسىنا بايلانىستى دا وسىعان ۇقساس جاعداي بولعان. ول كەزدە ەيەلدەردەن ترومب انىقتالعان. ماماندار ەيەلدەردٸڭ ترومبوز مەن اۆتويممۋندى اۋرۋعا شالدىعۋىنا بەيٸم كەلەتٸنٸن ايتادى.
ۇلىبريتانييا ٷكٸمەتٸ 30 جاسقا دەيٸنگٸ ادامدارعا اتالعان پرەپاراتتى سالماۋ تۋرالى شەشٸم قابىلداعان. ەۋروپا اۋرۋحانالارىنا ۆاكتسينا سالعاننان كەيٸن جاعدايى ناشارلاعان ادامداردى تەكسەرۋ جەنە ەمدەۋ بويىنشا كەڭەستەر بەرٸلگەن. ەۋرووداق بيلٸگٸ ۆاكتسينانىڭ جاناما ەسەرٸنەن گٶرٸ پايداسى مول ەكەنٸن العا تارتادى.
