دٷيسەنبٸ, مامىردىڭ 11-ٸنە اقش كونگرەسٸنٸڭ ٶكٸلدەر پالاتاسى رەسەي بيلٸگٸنٸڭ تەۋەلسٸز جۋرناليستەردٸ, وپپوزيتسيونەرلەردٸ, ازاماتتىق قوعام مەن دٸني ۇيىم ٶكٸلدەرٸن قۋعىنداپ, تٷرمەگە قاماعانىن ايىپتايتىن زاڭ جوباسىن ۇسىندى.
ٶكٸلدەر پالاتاسىنىڭ حالىقارالىق ٸستەر جٶنٸندەگٸ كوميتەتٸنٸڭ جەتەكشٸسٸ ەلليوت ەنگەل مەن رەسپۋبليكاشىل مايكل ماككول باستاما بولعان زاڭ جوباسىندا رەسەي تٷرمەسٸ مەن ٷيقاماقتا ٷش جٷزگە جۋىق ساياسي تۇتقىن بار ەكەنٸ ايتىلادى, ونىڭ التاۋىنىڭ اتى-جٶنٸ اتالعان: الەكسەي پيچۋگين, يگور رۋدنيكوۆ, كونستانتين كوتوۆ, اناستاسييا شەۆچەنكو, يۋريي دميتريەۆ جەنە دەننيس كريستەنسەن. رەزوليۋتسييا مەملەكەتتٸك دەپارتامەنت, ەقىۇ, حالىقارالىق قۇقىق قورعاۋ ۇيىمدارى مەن "مەموريال" قوعامىنىڭ مەلٸمەتتەرٸنە نەگٸزدەلگەن.
قۇجاتتا "مەموريال" قوعامى ساياسي تۇتقىن دەپ ساناعان ادامداردى قاماۋدان بوساتۋعا شاقىرعان. امەريكا زاڭ شىعارۋشىلارى مەملەكەتتٸك حاتشى مەن اقش قارجى مينيسترٸنە "ماگنيتسكيي اكتٸ" بويىنشا ٶكٸلەتٸن پايدالانۋ جەنە رەسەيدٸڭ ساياسي قۋعىنداۋعا قاتىسى بار رەسمي تۇلعالارىنا سانكتسييا سالۋ جٶنٸندە ۇسىنىس جاسادى.
"ۆلاديمير پۋتين بەرٸنەن بۇرىن شىندىقتان قورقادى, - دەدٸ كونگرەسسمەن مايكل ماككول. – زاڭدى رەسەي پرەزيدەنتٸ قۋعىن قۇرالىنا اينالدىردى. ول جۋرناليستەردٸ جاق اشپاۋعا مەجبٷرلەپ, ساياسي قارسىلاستارىن قورقىتىپ-ٷركٸتەدٸ... قىسىم كٶرگەندەردٸ قورعاۋ جولىندا داۋىسىمىزدى بٸلدٸرۋدەن قورىقپاۋىمىز كەرەك".
