اقش يەرۋساليمدٸ يزرايل استاناسى دەپ تانيدى جەنە ٶز ەلشٸلٸگٸن تەل-اۆيۆتەن وسى قالاعا كٶشٸرەدٸ. بۇل جايىندا اقش پرەزيدەنتٸ دونالد ترامپ يزرايل, پالەستينا اۆتونوميياسى, ساۋد ارابيياسى, ەگيپەت جەنە يوردانييا باسشىلارىمەن تەلەفونمەن سٶيلەسكەن كەزٸندە ايتتى, دەپ حابارلايدى ازاتتىق.
ترامپ يەرۋساليمدٸ يزرايل استاناسى دەپ تانيتىنى تۋرالى مەلٸمدەمەسٸن بٷگٸن جاسايدى دەپ جوسپارلانعان.
ەلشٸلٸكتٸ كٶشٸرۋ تەحنيكالىق جەنە ۇيىمداستىرۋ جۇمىستارىنا بايلانىستى التى ايدان ەرتە باستالمايدى.
اراب ەلدەرٸنٸڭ باسشىلارى دونالد ترامپتىڭ شەشٸمٸن قاتاڭ سىنعا الدى. ەۋروپا وداعىنىڭ (ەو) سىرتقى ساياسات جٶنٸندەگٸ باس كوميسسارى فەدەريكا موگەريني پالەستينالىقتار مەن يزرايلدٸكتەر اراسىنداعى بولاشاق بەيبٸت كەلٸسسٶزگە نۇقسان كەلتٸرەتٸن كەز-كەلگەن قادامنان تارتىنۋ قاجەتٸن مەلٸمدەدٸ. فرانتسييا سىرتقى ٸستەر مينيسترلٸگٸ يەرۋساليم مەرتەبەسٸ يزرايل-پالەستينا كەلٸسسٶزٸ نەتيجەسٸندە انىقتالۋى تيٸس ەكەنٸن مەلٸمدەدٸ.
اقش بيلٸگٸنٸڭ اتى-جٶنٸن اتاماعان ٶكٸلدەرٸ ترامپ ٶز شەشٸمٸ بەيبٸت كەلٸسسٶزدٸڭ العا جىلجۋىنا ىقپال ەتەدٸ دەپ بٸلەتٸنٸن حابارلادى. ولار دەگەنمەن بۇل شەشٸم ترامپتىڭ رەسمي مەلٸمدەمەسٸنەن كەيٸن عانا شارتتى بولاتىنىن ەسكەرتتٸ.
يەرۋساليمدٸ يزرايل استاناسى دەپ تانىپ, اقش ەلشٸلٸگٸن يەرۋساليمگە كٶشٸرۋ حالىقارالىق كەلٸسٸمگە قايشى. باتىس ەلدەرٸنٸڭ كٶپشٸلٸگٸ يەرۋساليمدٸ يزرايلدٸڭ استاناسى دەپ مويىندامايدى. پالەستينالىقتار مۇسىلمان, حريستيان جەنە ەۆرەيلەردٸڭ كيەلٸ ورىندارى شوعىرلانعان قالانىڭ ەسكٸ بٶلٸگٸ - شىعىس يەرۋساليمدٸ ٶزدەرٸنٸڭ استاناسى دەپ تانۋدى تالاپ ەتٸپ وتىر.
1995 جىلى اقش كونگرەسٸ يزرايلدەگٸ امەريكا ەلشٸلٸگٸن يەرۋساليمگە كٶشٸرۋدٸ مٸندەتتەيتٸن جەنە يەرۋساليمدٸ تۇتاستاي يزرايلدٸڭ استاناسى دەپ تانۋعا شاقىراتىن زاڭ قابىلداعان. بٸراق اقش-تىڭ بۇرىنعى پرەزيدەنتتەرٸ بيلل كلينتون, كٸشٸ دجوردج بۋش جەنە باراك وباما كونگرەستٸڭ ەلدٸڭ سىرتقى ساياساتىن انىقتايتىن قۇقىعى جوعىن ايتىپ, تابانداپ قارسى شىققاندىقتان ول زاڭ ورىندالماعان.
