اقش 9 تامىزداعى پرەزيدەنت سايلاۋىنا قاتىستى ەرەكەتٸ ٷشٸن بەلارۋس بيلٸگٸنە سانكتسييانى كٷشەيتتٸ.
سەرسەنبٸ كٷنٸ اقش قارجى مينيسترلٸگٸنٸڭ رەسمي سايتىندا جارييالانعان حابارلامادا وسىعان دەيٸن جاسالعان سانكتسييا تٸزٸمٸنە تاعى بٸر جەكە تۇلعا مەن تٶرت ۆەدومستۆونىڭ ەنگەنٸ جازىلعان. ولار "سايلاۋ نەتيجەسٸن بۇرمالاۋعا جەنە بەيبٸت شەرۋگە قاتىسقانداردى جازالاۋعا اتسالىسقانى ٷشٸن" تٸزٸمگە ەنٸپ وتىر.
"تٸزٸمدەگٸ تۇلعالار بەلارۋستەگٸ دەموكراتييالىق پروتسەستەر مەن ينستيتۋتتارعا نۇقسان كەلتٸرگەنٸ ٷشٸن جاۋاپتى" دەلٸنگەن حابارلامادا.
سانكتسييا تٸزٸمٸنە ورتالىق سايلاۋ كوميسسيياسى, مەملەكەتتٸك قاۋٸپسٸزدٸك كوميتەتٸنە قاراستى "الفا" بٶلٸمٸ, ارنايى جاساق, قالالىق ميليتسييا جەنە ٸشكٸ ٸستەر ۆيتسە-مينيسترٸ گەنناديي كازاكەۆيچ ەنگەن.
سانكتسييا سالىنعان شەنەۋنٸكتەر مەن ۆەدومستۆولاردىڭ اقش-تاعى اكتيۆتەرٸ بۇعاتتالادى. اقش ازاماتتارىنا ولارمەن قارىم-قاتىناس ورناتۋىنا دا تىيىم سالىنعان.
"بەلورۋس حالقى نەگٸزگٸ ازاماتتىق قۇقىقتارىن بەيبٸت جٷزەگە اسىرۋعا تىنباستان ۇمتىلىپ كەلەدٸ. ال مەملەكەت ولاردى قۋدالاۋىن دوعارار ەمەس" دەدٸ اقش قارجى مينيسترٸ ستيۆەن منۋچين.
9 تامىزدا ٶتكەن پرەزيدەنت سايلاۋىندا الەكساندر لۋكاشەنكو التىنشى مەرتە پرەزيدەنتتٸككە سايلاندى دەپ جارييالانعالى بەرٸ ەلدە نارازىلىق تولاستاماي تۇر. سايلاۋ كەزٸندە داۋىستاردىڭ جاپپاي بۇرمالانعانىن ايتقان وپپوزيتسييا نەتيجەنٸ مويىندامايتىنىن مەلٸمدەگەن. وپپوزيتسييا جاقتاستارى سونىمەن بٸرگە بيلٸكتٸڭ شەرۋلەردٸ كٷشپەن باسىپ, بەلسەندٸلەردٸ قۋدالاۋىن دا ايىپتاعان. نارازىلاردى كٷشپەن تاراتۋ كەزٸندە كەمٸندە 5 ادام قازا بولعان, 6 ادامنان ەلٸ كٷنگە دەيٸن حابار جوق. قۇقىق قورعاۋشىلار مەلٸمەتٸنشە, شامامەن 30 مىڭ بەلورۋس قۋدالانىپ, قوقان-لوقى كٶرگەن.
نارازىلار لۋكاشەنكونىڭ وتستاۆكاعا كەتۋٸن, بارلىق ساياسي تۇتقىنداردى بوساتۋدى جەنە جاڭادان سايلاۋ ٶتكٸزۋدٸ تالاپ ەتەدٸ.
ەۋرووداق پەن اقش بەلارۋستەگٸ پرەزيدەنت سايلاۋىنىڭ نەتيجەسٸن مويىندامادى. لۋكاشەنكو سايلاۋ نەتيجەسٸ بۇرمالانعانىن جوققا شىعارعان جەنە نارازىلاردىڭ ارتىندا "شەتەلدٸك قۋىرشاقتار" تۇر دەپ تۇجىرىمداعان.
