AQSh 9 tamyzdaǵy prezident sailaýyna qatysty áreketi úshin Belarýs biligine sanktsiiany kúsheitti.
Sársenbi kúni AQSh qarjy ministrliginiń resmi saitynda jariialanǵan habarlamada osyǵan deiin jasalǵan sanktsiia tizimine taǵy bir jeke tulǵa men tórt vedomstvonyń engeni jazylǵan. Olar "sailaý nátijesin burmalaýǵa jáne beibit sherýge qatysqandardy jazalaýǵa atsalysqany úshin" tizimge enip otyr.
"Tizimdegi tulǵalar Belarýstegi demokratiialyq protsester men institýttarǵa nuqsan keltirgeni úshin jaýapty" delingen habarlamada.
Sanktsiia tizimine ortalyq sailaý komissiiasy, memlekettik qaýipsizdik komitetine qarasty "Alfa" bólimi, arnaiy jasaq, qalalyq militsiia jáne ishki ister vitse-ministri Gennadii Kazakevich engen.
Sanktsiia salynǵan sheneýnikter men vedomstvolardyń AQSh-taǵy aktivteri buǵattalady. AQSh azamattaryna olarmen qarym-qatynas ornatýyna da tyiym salynǵan.
"Belorýs halqy negizgi azamattyq quqyqtaryn beibit júzege asyrýǵa tynbastan umtylyp keledi. Al memleket olardy qýdalaýyn doǵarar emes" dedi AQSh qarjy ministri Stiven Mnýchin.
9 tamyzda ótken prezident sailaýynda Aleksandr Lýkashenko altynshy márte prezidenttikke sailandy dep jariialanǵaly beri elde narazylyq tolastamai tur. Sailaý kezinde daýystardyń jappai burmalanǵanyn aitqan oppozitsiia nátijeni moiyndamaitynyn málimdegen. Oppozitsiia jaqtastary sonymen birge biliktiń sherýlerdi kúshpen basyp, belsendilerdi qýdalaýyn da aiyptaǵan. Narazylardy kúshpen taratý kezinde keminde 5 adam qaza bolǵan, 6 adamnan áli kúnge deiin habar joq. Quqyq qorǵaýshylar málimetinshe, shamamen 30 myń belorýs qýdalanyp, qoqan-loqy kórgen.
Narazylar Lýkashenkonyń otstavkaǵa ketýin, barlyq saiasi tutqyndardy bosatýdy jáne jańadan sailaý ótkizýdi talap etedi.
Eýroodaq pen AQSh Belarýstegi prezident sailaýynyń nátijesin moiyndamady. Lýkashenko sailaý nátijesi burmalanǵanyn joqqa shyǵarǵan jáne narazylardyń artynda "sheteldik qýyrshaqtar" tur dep tujyrymdaǵan.
