اقش بارلاۋ قاۋىمداستىعىنىڭ كٷللٸ ەلەمدٸ دٷرلٸكتٸرگەن COVID-19 كوروناۆيرۋسىنىڭ شىعۋ تەگٸنە بايلانىستى پٸكٸرٸ ەكٸگە جارىلدى, الايدا بۇل ۆيرۋس بيولوگييالىق قارۋعا جاتپايتىنىن ايتادى, دەپ حابارلايدى ازاتتىق.
Associated Press اگەنتتٸگٸ امەريكالىق بارلاۋ ەزٸرلەگەن ەسەپكە سٷيەنٸپ, قىتاي باسشىلىعى پاندەمييا باستالعانعا دەيٸن قاتەرلٸ ۆيرۋس جايلى بەيحابار بولعانعا ۇقسايدى دەپ جازادى.
قىتايدىڭ اقش-پەن قويان-قولتىق بايلانىستا جۇمىس ٸستەۋدەن باس تارتۋى ۆيرۋستىڭ شىققان تەگٸن تالداۋ ٸسٸنە قيىندىق كەلتٸرگەن. اقش ۇلتتىق بارلاۋىنىڭ جەتەكشٸسٸ قىتاي كوروناۆيرۋستى عالامدىق دەڭگەيدە زەرتتەۋگە كەدەرگٸ كەلتٸرٸپ, ٶزگە ەلدەرمەن اقپارات الماسپاي وتىر دەپ مەلٸمدەدٸ.
امەريكا بارلاۋى ەسەپتٸ ەزٸرلەۋ بارىسىندا وداقتاس ەلدەرمەن كەڭەسٸپ, بۇل جۇمىسقا ٷكٸمەتتٸك ەمەس ۇيىمداردىڭ ساراپشىلارى مەن ماماندارىن تارتقان.
اقش بارلاۋ قاۋىمداستىعىنىڭ بٸر بٶلٸگٸ COVID-19 زەرتحانادان تاراعان بولۋى مٷمكٸن دەپ توپشىلايدى. عالىمدار بولسا, بۇل ۆيرۋس تابيعي جولمەن, ياعني, ادامعا اۋرۋ جابايى جانۋاردان جۇققان دەگەن بولجام نانىمدىراق دەيدٸ.
جالپى العاندا, بارلاۋ قاۋىمداستىعى COVID-19 كوروناۆيرۋسىنىڭ شىعۋ تەگٸ تۋرالى ناقتى تٷسٸنٸكتەمە بەرۋ ٷشٸن قوسىمشا اقپارات قاجەت ەكەنٸنە نازار اۋدارادى.
اقش پرەزيدەنتٸ دجو بايدەن ٶز مەلٸمدەمەسٸندە اقش پەن سەرٸكتەستەرٸ قىتايدى ٸندەتتٸڭ باستاپقى كەزەڭدەرٸن زەرتتەۋدە بٸرٸگە قيمىلداۋعا ەرٸ اقپارات الماسۋعا كٶندٸرۋ ٷشٸن پەكينگە قىسىم جاساۋدى جالعاستىرا بەرەتٸنٸن مەلٸمدەدٸ.
"بۇل پاندەمييانىڭ شىعۋ تەگٸ تۋرالى ٶتە ماڭىزدى اقپارات قىتايدا بار, دەگەنمەن باسىنان باستاپ قىتايداعى ٷكٸمەت شەنەۋنٸكتەرٸ شەتەلدٸك زەرتتەۋ ماماندارى مەن دٷنيەجٷزٸلٸك دەنساۋلىق ساقتاۋ ۇيىمى مٷشەلەرٸنٸڭ ونداي اقپارعا قول جەتكٸزۋٸنە جول بەرمەۋگە تىرىسىپ باقتى" دەدٸ بايدەن.
- مامىر ايىندا اقش پرەزيدەنتٸ دجو بايدەن ەلدٸڭ بارلاۋ قىزمەتٸنە COVID-19 كوروناۆيرۋسى قايدان پايدا بولعانىن تەكسەرۋدٸ تاپسىرىپ, قىتاي زەرتحاناسىنىڭ بۇعان قاتىسى بار-جوعىن انىقتاۋعا ٷش اي ۋاقىت بەرگەن.
- 2021 جىلدىڭ باسىندا قىتايدىڭ ۋحان قالاسىنا (كوروناۆيرۋس سول جەردەن تاراعان) دٷنيەجٷزٸلٸك دەنساۋلىق ساقتاۋ ۇيىمى ساراپشىلارى بارعان. ولار زەرتتەۋ جٷرگٸزٸپ, COVID-19 كوروناۆيرۋسى جابايى جانۋاردان ادامعا جۇققان بولۋى مٷمكٸن دەگەن بولجام شىندىققا كٶبٸرەك كەلەدٸ دەگەن تۇجىرىم جاساعان.
- پەكين كوروناۆيرۋس پەن زەرتحانادان تاراپ كەتكەنٸ جايلى شىنايى اقپاراتتى جاسىرىپ وتىر دەگەن بارلىق ايىپتاۋدى جوققا شىعارىپ, دٷنيەجٷزٸلٸك دەنساۋلىق ساقتاۋ ۇيىمىنىڭ قوسىمشا زەرتتەۋٸنە قاتىسۋدان باس تارتقان.
- پاندەمييا باستالعالى بەرٸ ەلەمدە كوروناۆيرۋس جۇقتىرعان ادام سانى 215 ملن-نان استى, 4,4 ملن-نان استام ادام كٶز جۇمدى.
