رەسەي پرەزيدەنتٸ ۆلاديمير پۋتين اقش-تاعى پرەزيدەنت سايلاۋىنا ىقپال ەتۋ تالپىنىسىنان حاباردار بولدى. Reuters اگەنتتٸگٸنٸڭ امەريكا بارلاۋ قىزمەتٸندەگٸ قۇپييا دەرەككٶزٸنٸڭ ايتۋىنشا, بۇل تالپىنىستىڭ ار جاعىندا پۋتيننٸڭ ٶزٸ تۇرعان بولۋى مٷمكٸن. مەسكەۋ جالعان اقپارات تاراتىپ, دجو بايدەن جاقتاستارىن اداستىرعىسى كەلدٸ, دەيدٸ بارلاۋ قىزمەتٸنٸڭ ٶكٸلدەرٸ.
رەسەيدٸڭ 2020 جىلى اقش-تاعى سايلاۋ كامپانيياسىنا ارالاسقانى جايلى تۇجىرىمدار 16 ناۋرىزدا جارىق كٶرگەن اقش ۇلتتىق بارلاۋ قىزمەتٸ جارييالاعان 15 بەتتٸك باياندامادا ايتىلادى. قۇجاتتا ترامپتىڭ وداقتاستارى مەسكەۋ مٷددەسٸنە ساي ەرەكەت ەتٸپ, رەسەيشٸل قىزمەتكەرلەردٸڭ بايدەندٸ سىناۋىنا اتسالىسقانى جازىلعان.
سوعان قاراماستان پرەزيدەنت سايلاۋىندا دەموكرات دجو بايدەن رەسپۋبليكاشىل دونالد ترامپتى جەڭٸپ, 20 قاڭتاردا پرەزيدەنت قىزمەتٸنە كٸرٸستٸ.
اقش بارلاۋ قىزمەتٸ رەسەيدەن بٶلەك, ٶزگە دە بٸرقاتار ەلدەردٸڭ سايلاۋ قورىتىندىسىنا ىقپال ەتپەك بولعانىن انىقتاعان. اتاپ ايتقاندا, يران ترامپ جاقتاستارىنىڭ سەنٸمسٸزدٸگٸن ارتتىرۋعا تىرىسقان. تەگەران اقش-تى يرانمەن جاسالعان يادرولىق كەلٸسٸمنەن شىعارىپ, يرانعا جاڭا سانكتسييا سالعانى ٷشٸن ترامپتان ەسە قايتارماقشى بولعان.
بايانداما اۆتورلارى قىتاي سايلاۋ كامپانيياسىندا بايدەندٸ جاقتاپ, سونىڭ جەڭۋٸنە ىقپال ەتۋگە تىرىستى دەگەن ترامپ جاقتاستارىنىڭ تۇجىرىمىنا دا رەاكتسييا بٸلدٸرگەن. بارلاۋ قىزمەتٸنٸڭ ساراپشىلارى پەكيندە امەريكاداعى سايلاۋعا ارالاسۋ نيەتٸ بولعان جوق دەپ سانايدى.
"قىتاي اقش-پەن قارىم-قاتىناسىنىڭ تۇراقتى بولعانىن قالايدى جەنە نەتيجەسٸ قانداي بولماسىن, ونى ٶزٸنٸڭ مٷددەسٸ ٷشٸن تەۋەكەل ەتۋ مٷمكٸندٸگٸ دەپ قاراستىرعان جوق" دەيدٸ بايانداما اۆتورلارى.
امەريكا بارلاۋ قىزمەتٸنٸڭ ساراپشىلارى سونىمەن بٸرگە كۋبا, ۆەنەسۋەلا جەنە ليۆاندىق راديكال توپ "حەزبوللانىڭ" سايلاۋعا ارالاسۋعا تىرىسقانىن دا اتاپ ٶتەدٸ. الايدا ولاردىڭ مٷمكٸندٸكتەرٸ رەسەي مەن يرانمەن سالىستىرۋعا كەلمەيدٸ دەپ سانايدى.
