اقش-تىڭ USS Fort McHenry ەسكەري كەمەسٸ قارا تەڭٸزدەگٸ رۋمىنييا پورتىنا باردى. اقش كەمەسٸ قاراشانىڭ سوڭىندا كەرچ بۇعازىندا رەسەي كٷشتەرٸ ۋكراينا ەسكەري كەمەلەرٸن تەڭٸزشٸلەرٸمەن بٸرگە ۇستاعاننان بەرٸ بٸرٸنشٸ رەت قارا تەڭٸزگە ەنٸپ وتىر.
رۋمىنييا مەن اقش شەنەۋنٸكتەرٸ دەسانت كەمەسٸ كونستانتا پورتىنا 7 قاڭتار كٷنٸ بارعانىن جەنە ول جەردە 10 قاڭتارعا دەيٸن بولاتىنىن ايتادى. بۇدان سوڭ ول رۋمىنييا فرەگاتىمەن بٸرگە قارا تەڭٸزدٸڭ رۋمىنيياعا تيەسٸلٸ بٶلٸگٸندە ەسكەري وقۋ-جاتتىعۋ ٶتكٸزبەك. جاتتىعۋعا قانشا امەريكالىق ەسكەر قاتىساتىنى بەلگٸسٸز.
اقش ەسكەري-تەڭٸز كٷشتەرٸنٸڭ ٶكٸلٸ تاسس اگەنتتٸگٸنە USS Fort McHenry كەمەسٸ قارا تەڭٸزگە ەسكەري كەمەلەردٸڭ تەڭٸزدەردە جٷرٸپ-تۇرۋ تەرتٸبٸن ايقىندايتىن حالىقارالىق مونترە كەلٸسٸمٸنە ساي بارعانىن ايتادى.
25 قاراشادا رەسەي شەكاراشىلارى كەرچ بۇعازى ارقىلى ماريۋپولگە بارماق بولعان ۋكراينانىڭ ٷش كەمەسٸن ۇستاعان. رەسەي بيلٸگٸ كەمەلەر رەسەيدٸڭ قىرىم جاعالاۋىنداعى اۋماعىنا زاڭسىز كٸرمەك بولدى دەپ سانايدى. كيەۆ بولسا, رەسەي مەن ۋكراينا اراسىندا 2003 جىلى جاسالعان كەلٸسٸم بويىنشا ۋكراين كەمەلەرٸنٸڭ قارا تەڭٸزدٸڭ رەسەيگە تيەسٸلٸ اۋماعىندا جٷرۋٸنە بولاتىنىن ايتادى.
ٷش كەمەدە بولعان 24 ۋكراين تەڭٸزشٸسٸ سوت سانكتسيياسىمەن مەسكەۋدەگٸ تەرگەۋ اباقتىسىنا قاماۋعا الىندى. ولار رەسەيدٸڭ مەملەكەتتٸك شەكاراسىن بۇزدى دەپ ايىپتالىپ وتىر. تەڭٸزشٸلەر ٶزدەرٸن ەسكەري تۇتقىنبىز دەپ سانايدى.
