اقش پرەزيدەنتٸ دجو بايدەن جاقىن ارادا اۋعانستاننان امەريكا ەسكەرٸن ەكەتۋ تۋرالى مەلٸمدەمە جاسايدى. ۆاشينگتون 2021 جىلدىڭ 11 قىركٷيەگٸنە دەيٸن اۋعانستاننان ەسكەرٸن ەكەتۋدٸ جوسپارلاپ وتىر. بۇل تۋرالى امەريكا اقپارات قۇرالدارىنا رەسمي اقپارات كٶزدەرٸ حابارلاعان. وسىلايشا ۆاشينگتون 1 مامىرعا دەيٸن ەسكەر ەكەتۋ تۋرالى بىلتىر بەرگەن ۋەدەسٸن ورىندامايدى. بىلتىر دونالد ترامپ ەكٸمشٸلٸگٸ كەزٸندە تەلٸپتەرمەن كەلٸسسٶز كەزٸندە مامىر ايىنا دەيٸن ەسكەر ەكەتۋ تۋرالى كەلٸسٸم بولعان, - دەپ جازادى بي-بي-سي.
بۇعان دەيٸن بايدەن 1 مامىرعا دەيٸن ەسكەر ەكەتۋ وڭاي شارۋا ەمەستٸگٸن مويىنداعان. اقش پەن ناتو ٶكٸلدەرٸ تەلٸپتەردٸڭ ۋەدەدە تۇرماي, اۋعانستاندا كٷش كٶرسەتۋٸن دوعارماي وتىرعانىن بٸرنەشە رەت ەسكەرتكەن. ەگەر اقش ەسكەرٸن ەكەتۋگە دايىندىق كەزەڭٸندە تەلٸپتەر شابۋىلىن توقتاتپاسا, وندا ولارعا "جاۋاپ قايتارىلاتىنى" جايلى ەسكەرتۋ دە جٸبەرٸلگەن.
ەسكەر ەكەتۋدٸڭ جاڭا مەرزٸمٸ 2001 جىلى 11 قىركٷيەكتەگٸ تەراكتٸنٸ ەسكە الۋ كٷنٸمەن سەيكەس كەلەدٸ.
دجو بايدەن مەلٸمدەمەسٸن سەرسەنبٸ, 14 سەۋٸردە جاسايدى دەپ ايتىلادى.
