بٷگٸن اقپارات جەنە قوعامدىق دامۋ ۆيتسە-مينيسترٸ مارات ەزٸلحانوۆ قازاقستان مۇسىلماندارى دٸني باسقارماسىنىڭ (قمدب) تٶراعاسى, باس مٷفتي ناۋرىزباي قاجى تاعانۇلىمەن كەزدەستٸ, دەپ حابارلايدى "ۇلت اقپارات".
مينيسترلٸكتەن مەلٸم ەتكەندەي, كەزدەسۋدە كارانتين تالاپتارى جەڭٸلدەتٸلگەن كەزدە دٸني عيماراتتاردىڭ جۇمىس ٸستەۋ مەسەلەسٸ تالقىلاندى. باس مٷفتي مەشٸتتەر اشىلعان جاعدايدا دٸني عيماراتتاعى قىزمەت سانيتارلىق نورمالاردى ساقتاي وتىرىپ جٷرگٸزٸلەتٸنٸن مەلٸمدەدٸ. ٶز كەزەگٸندە ۆيتسە-مينيستر قمدب-نىڭ مەشٸتتەردە كوروناۆيرۋس ٸندەتٸنٸڭ تارالۋىنىڭ الدىن الۋ بويىنشا بٸرىڭعاي ٸس-قيمىل تەرتٸبٸن ەزٸرلەۋدٸڭ ورىندىلىعىن جەتكٸزدٸ.
م.ەزٸلحانوۆ مەملەكەت پەن دٸني بٸرلەستٸكتەردٸڭ, ەسٸرەسە پاندەمييا سيياقتى جاھاندىق سىن-قاتەرلەر جاعدايىندا ودان ەرٸ ىنتىماقتاستىعى قاجەتتٸگٸن اتاپ ٶتتٸ. ۆيتسە-مينيستر قمدب تٶراعاسىنا دٸندار ازاماتتاردىڭ مەجبٷرلٸ كارانتيندٸك شارالارعا تٷسٸنٸستٸكپەن قاراعانى جەنە ولاردىڭ اراسىندا سانيتارلىق-ەپيدەميولوگييالىق نورمالاردى ساقتاۋدىڭ ماڭىزدىلىعىن تٷسٸندٸرۋدە مەملەكەتكە كٶمەكتەسكەنٸ ٷشٸن العىس ايتتى.
ٶز تاراپىنان باس مٷفتي بيىلعى 31 شٸلدە مەن 2 تامىز ارالىعىندا ٶتكەن قۇربان ايت مەرەكەسٸ كەزٸندە مينيسترلٸكتٸڭ كٶرسەتكەن قولداۋىنا العىس بٸلدٸردٸ.
«مينيسترلٸكتٸڭ كٶمەگٸمەن دٸني باسقارمانىڭ «Qurban2020.muftyat.kz» ارنايى سايتى ٸسكە قوسىلدى, سونىڭ ارقاسىندا ازاماتتار قاشىقتان قايىرىمدىلىق جاساي العانىن نازارعا سالامىز. جالپى, قازاقستان بويىنشا مەرەكە كەزٸندە 80 مىڭنان استام مۇقتاج ادام قۇرباندىق ەتٸن الدى.
سونداي-اق, تاراپتار دەسترۋكتيۆتٸ دٸني اعىمداردىڭ ىقپالىنا تٷسكەن ازاماتتار اراسىندا تٷسٸندٸرۋ جۇمىستارىن جٷرگٸزۋ مەسەلەلەرٸن تالقىلادى», - دەلٸنگەن ۆەدومستۆو اقپاراتىندا.
