قر پرەمەر-مينيسترٸ ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا قازاقستاننىڭ بيىلعى 10 ايداعى ەلەۋمەتتٸك-ەكونوميكالىق دامۋ قورىتىندىسى قارالدى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ۇلتتىق ەكونوميكا مينيسترٸ ەلٸبەك قۋانتىروۆتىڭ ايتۋىنشا, اتالعان كەزەڭدە رەسپۋبليكادا جٸٶ ٶسۋ قارقىنى 2,5%-دى قۇرادى. اتاپ ايتقاندا, ەكونوميكانىڭ ناقتى سەكتورى 2,8%-عا, قىزمەت كٶرسەتۋ سالاسى 1,6%-عا ٶستٸ. سالالار اراسىندا اۋىل شارۋاشىلىعى (8,2%), اقپارات جەنە بايلانىس (7,1%), قۇرىلىس (5%), ٶڭدەۋ ٶنەركەسٸبٸ (4,3%), ساۋدا (4,1%), كٶلٸك جەنە قويمالاۋ (3,9%) وڭ ديناميكانى كٶرسەتٸپ وتىر.
بيىلعى قاڭتار-قىركٷيەك ايلارىندا ەلدٸڭ سىرتقى ساۋدا اينالىمى 35%-عا ٶسٸپ, $98,4 ملرد-تى قۇرادى. ەكسپورت بويىنشا كٶرسەتكٸش 47,5%-عا ($63,8 ملرد), ٶڭدەلگەن تاۋارلار ەكسپورتى 37,5%-عا ($19,3 ملرد) ٶستٸ. يمپورت $34,6 ملرد-تى قۇرادى (16,5%-عا ٶسكەن). جالپى قازاقستاننىڭ وڭ ساۋدا تەڭگەرٸمٸ $29,3 ملرد-قا جەتتٸ (2,2 ەسە ٶسكەن).
پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆتىڭ دەرەكتەرٸ بويىنشا, مەملەكەتتٸك بيۋدجەتكە 12 ترلن 427 ملرد تەڭگە كٸرٸس تٷستٸ (جوسپار 104%-عا ورىندالدى). اتاپ ايتقاندا, رەسپۋبليكالىق بيۋدجەت 8,4 ترلن تەڭگەگە (102%), جەرگٸلٸكتٸ بيۋدجەتتەر 4 ترلن تەڭگەگە (108,5%) تولىقتىرىلدى. مەملەكەتتٸك بيۋدجەت شىعىستارى 96,7%-عا, ونىڭ ٸشٸندە رەسپۋبليكالىق بيۋدجەت شىعىستارى 98%-عا (14,5 ترلن تەڭگە), جەرگٸلٸكتٸ بيۋدجەتتەر شىعىستارى 94%-عا (8,1 ترلن تەڭگە) ورىندالدى.
Cونىمەن قاتار ۇلتتىق بانك تٶراعاسىنىڭ ورىنباسارى بەرٸك شولپانقۇلوۆ تا بايانداما جاسادى.
بايانداۋشىلاردى تىڭداپ بولعان پرەمەر-مينيستر بٷگٸنگٸ تاڭدا ەل ەكونوميكاسى قالىپتى ٶسۋ قارقىنىن ساقتاپ وتىرعانىن, ناقتى سەكتور ەكونوميكانى تۇراقتاندىرۋدىڭ نەگٸزگٸ فاكتورى رەتٸندە دامۋدىڭ وڭ ٷردٸسٸن كٶرسەتٸپ وتىرعانىن اتاپ ٶتتٸ. اتاپ ايتقاندا, ٶڭدەۋ ٶنەركەسٸبٸندەگٸ ٶندٸرٸس كٶلەمٸ 4,3%-عا, ماشينا جاساۋ سالاسىنداعى ٶندٸرٸس كٶلەمٸ 7,7%-عا, اۋىل شارۋاشىلىعىندا 8%-دان استامعا ٶستٸ.
ەليحان سمايىلوۆتىڭ ايتۋىنشا, ٸشكٸ جەنە سىرتقى ينۆەستيتسييالاردى تارتۋ – ەكونوميكالىق ٶسۋدٸڭ ماڭىزدى فاكتورى. جالپى اتالعان كەزەڭدە نەگٸزگٸ كاپيتالعا ينۆەستيتسييالاردىڭ ٶسۋٸ 6,7%-دى قۇراپ وتىر.
«ونىڭ ٸشٸندە ەكونوميكانىڭ شيكٸزاتتىق ەمەس سالالارىنا تارتىلعان ينۆەستيتسييا كٶلەمٸ ۇلعايىپ كەلەدٸ. ينۆەستيتسييانىڭ جوعارى ٶسٸمٸ جىلجىمايتىن مٷلٸكپەن جاسالاتىن وپەراتسييالاردا, سونداي-اق كٶلٸك جەنە قويمالاۋ, اۋىل شارۋاشىلىعى جەنە ٶنەركەسٸپتە تٸركەلدٸ», — دەدٸ پرەمەر-مينيستر.
ٷكٸمەت باسشىسى بارلىق نەگٸزگٸ ماكروكٶرسەتكٸشتەر بويىنشا قوستاناي, اقمولا, جامبىل, شىعىس قازاقستان, قىزىلوردا وبلىستارىندا, الماتى جەنە شىمكەنت قالالارىندا ٶسٸم بار ەكەنٸن قوسا ايتتى. ەڭ تٶمەنگٸ قارقىن ۇلىتاۋ, اباي جەنە ماڭعىستاۋ وبلىستارىندا تٸركەلدٸ.
ەليحان سمايىلوۆ تۇراقتى دامۋ قارقىنىن ۇستاپ تۇرۋ ٷشٸن ەكونوميكانى ەرٸ قاراي ەرتاراپتاندىرۋ, ينۆەستيتسييا تارتۋ جەنە تۇراقتى جۇمىس ورىندارىن قۇرۋ بويىنشا جۇمىستى كٷشەيتۋ قاجەتتٸگٸن اتاپ ٶتتٸ.
«ٶڭٸر ەكٸمدٸكتەرٸ جوسپارلانعان كٶرسەتكٸشتەردٸ قامتاماسىز ەتٸپ, ينۆەستيتسييا تارتۋ جۇمىستارىن جانداندىرۋى قاجەت. سونداي-اق ينۆەستيتسييالىق جوبالاردى ٸسكە اسىرۋعا تۇراقتى مونيتورينگ جٷرگٸزۋٸ تيٸس», — دەدٸ ول.
ودان بٶلەك, پرەمەر-مينيستر باعانىڭ ٶسۋٸن تەجەۋ جۇمىستارىن تۇراقتى باقىلاۋدا ۇستاۋ كەرەك ەكەنٸن ايتتى. سەبەبٸ ازىق-تٷلٸك تاۋارلارى باعاسىنىڭ ٶسۋٸ ينفلياتسيياعا ايتارلىقتاي ەسەر ەتٸپ كەلەدٸ.
«بۇل, بٸرٸنشٸ كەزەكتە, ەكٸمدٸكتەر تاراپىنان قابىلدانىپ جاتقان شارالاردىڭ جەتكٸلٸكسٸز ەكەنٸن كٶرسەتەدٸ», — دەدٸ ەليحان سمايىلوۆ.
سٶز سوڭىندا ٷكٸمەت باسشىسى ٶڭٸرلەر وسى جىلدىڭ سوڭىنا دەيٸن ەلەۋمەتتٸك-ەكونوميكالىق دامۋدىڭ جوسپارلانعان كٶرسەتكٸشتەرٸنە قول جەتكٸزٸپ, مەملەكەت باسشىسى قويعان مٸندەتتەردٸڭ تيٸمدٸ ٸسكە اسىرىلۋىن قامتاماسىز ەتۋٸ قاجەتتٸگٸن اتاپ ٶتتٸ.
