بٸلٸم جەنە عىلىم ۆيتسە-مينيسترٸ رٷستەم بيعاري جەرگٸلٸكتٸ ەكٸمدٸكتەردەگٸ بٸلٸم باسقارمالارى باسشىلارىنا كومپيۋتەرلەردٸ ساتىپ الۋعا بايلانىستى ەسكەرتۋ جاسادى, دەپ حابارلايدى "ۇلت اقپارات".
جينالىستا جەرگٸلٸكتٸ اتقارۋشى ورگانداردىڭ رەسپۋبليكالىق بيۋدجەت قاراجاتى ەسەبٸنەن كومپيۋتەرلٸك تەحنيكانى ساتىپ الۋى جەنە تەحنيكانىڭ جەتكٸزٸلۋٸ بويىنشا مەسەلەلەر قارالدى.
رٷستەم بيعاري مەملەكەت باسشىسى قويعان مٸندەت ورىندالىپ, بٸرٸنشٸ قىركٷيەككە دەيٸن وقۋشىلارعا قاشىقتان وقۋ ٷشٸن قاجەت 500 مىڭعا جۋىق كومپيۋتەر جەتكٸزٸلگەنٸن اتاپ ٶتتٸ. ەكٸمدٸكتەر مەكتەپتەرگە كومپيۋتەرلٸك تەحنيكانى ساتىپ الۋ بويىنشا جۇمىستى ەلٸ دە جالعاستىرىپ جاتىر. الايدا, بٸرقاتار ٶڭٸردە تەحنيكانى جەتكٸزۋ مەرزٸمدەرٸ, ليتسەنزييالىق قامتاماسىز ەتۋ, كەپٸلدٸك بەرۋ جەنە سەرۆيستٸك قىزمەت كٶرسەتۋگە بايلانىستى پروبلەمالار تۋىندادى.
«بٸز بۇل مەسەلەلەردٸ اپپاراتتىق جينالىستا بٸرنەشە رەت قاراستىردىق. بۇل – مەملەكەت قاراجاتى. ەربٸر كومپيۋتەرلٸك تەحنيكانى ساتىپ الۋ تٸكەلەي سٸزدەردٸڭ مويىندارىڭىزدا. اشىقتىقتى تولىق قامتاماسىز ەتۋ قاجەت. ەربٸر ەكٸمدٸك الدىمەن كومپيۋتەرلٸك تەحنيكانى تەكسەرٸپ العان سوڭ عانا ونى قابىلداپ, وقۋشىلارعا جەتكٸزۋلەرٸ قاجەت. بعم ساتىپ الۋ پروتسەسٸنە قاتىسپايدى. ٷكٸمەت ەكٸمدٸكتەرگە قاجەت قاراجاتتى جەدەل بەرٸپ, جاعداي جاسادى», – دەپ اتاپ ٶتتٸ بٸلٸم جەنە عىلىم ۆيتسە-مينيسترٸ رٷستەم بيعاري.
بٸلٸم الۋشىلاردى قاجەتتٸ اقپاراتتىق رەسۋرستار جەنە كومپيۋتەرلٸك تەحنيكامەن قامتاماسىز ەتۋگە بٶلٸنگەن قاراجاتتىڭ يگەرٸلۋٸ بويىنشا سىبايلاس جەمقورلىق كٶرٸنٸستەرٸن باقىلاۋ ەرٸ بولدىرماۋ ماقساتىندا «Adaldyq alańy» جوبالىق كەڭسەسٸنٸڭ ٶكٸلدەرٸ مەن سىبايلاس جەمقورلىققا قارسى ٸس-قيمىل اگەنتتٸگٸنٸڭ ارنايى مونيتورينگتٸك توپتارىنىڭ مٷشەلەرٸنٸڭ قاتىسۋىمەن مونيتورينگ جٷرگٸزۋ ٷشٸن 2020 جىلعى شٸلدە ايىندا بعم قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸنە حات جولداعانىن ەستەرٸڭٸزگە سالا كەتەيٸك.
«ييا, بۇرىن-سوڭدى تەحنيكانى وسىنداي كٶلەمدە ساتىپ الۋ بولعان ەمەس. ەرينە, پاندەمييا مەن لوگيستيكا مەسەلەلەرٸنە بايلانىستى كەدەرگٸلەر بولۋى مٷمكٸن. جەتكٸزۋشٸلەردٸڭ مۇنداي سىلتاۋلارىنا قاراماي, ولاردان تيٸستٸ جۇمىستى تالاپ ەتۋٸمٸز كەرەك. قولدا بار بارلىق مەحانيزمدٸ پايدالانۋ كەرەك ەدٸ. كەپٸلدٸك قىزمەت كٶرسەتۋ, ساپا بولۋى كەرەك», – دەدٸ بٸلٸم جەنە عىلىم ۆيتسە-مينيسترٸ.
