قر ٷكٸمەتٸ جانىنداعى كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا سانيتارلىق رەجيمدٸ كٷشەيتۋ مەسەلەلەرٸن قارادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن ٶتكەن كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ كەزەكتٸ وتىرىسىندا ەلٸمٸزدەگٸ قازٸرگٸ ەپيدەميولوگييالىق احۋال, حالىقتى جەكە قورعانۋ قۇرالدارىمەن قامتاماسىز ەتۋ, حالىقارالىق ەۋە قاتىناستىرىن كەزەڭ-كەزەڭمەن اشۋ جەنە باسقا دا ٶزەكتٸ مەسەلەلەر قارالدى.
قر دەنساۋلىق ساقتاۋ ۆيتسە-مينيسترٸ ليۋدميلا بيۋرابەكوۆا ٶز بايانداماسىندا حالىق اراسىندا سانيتارلىق تەرتٸپتٸڭ ساقتالماۋىنىڭ كەسٸرٸنەن ەلٸمٸزدە كوروناۆيرۋس جۇقتىرعاندار سانى ارتىپ كەلە جاتقانىن اتاپ ٶتتٸ.
«اۋرۋ اداممەن بايلانىستا بولعانداردىڭ اراسىندا ۆيرۋستى جۇقتىرعاندار سانى ارتتى, ونىڭ ٸشٸندە بٸر وتباسى مٷشەلەرٸ اراسىندا سىرقاتتانۋ جاعدايى كٶپ تٸركەلۋدە. ٶتكەن ەكٸ اپتادا كوروناۆيرۋستى جۇقتىرعانداردىڭ جارتىسىنا جۋىعى ۇجىمدارعا قاتىستى بولىپ وتىر», — دەدٸ ول.
وسىعان وراي, پرەمەر-مينيستردٸڭ ورىنباسارى ٸندەتكە شالدىعۋ سانى ارتىپ وتىرعان ٶڭٸرلەردٸڭ ەكٸمدٸكتەرٸنە كارانتين شارالارىن كٷشەيتۋ مەسەلەلەرٸن قاراستىرۋدى تاپسىردى.
ٶڭٸر ەكٸمدٸكتەرٸ سانيتارلىق-ەپيدەميولوگييالىق تالاپتاردىڭ ساقتالۋىن باقىلايتىن مونيتورينگٸلٸك توپتاردىڭ جۇمىسىن كٷشەيتۋدٸ, تالاپتاردى ورىنداماعان وبەكتٸلەردٸڭ قىزمەتٸن انىقتالعان كەمشٸلٸكتەر جويىلعانشا ۋاقىتشا توقتاتۋ بويىنشا ناقتى شارالار قابىلداۋدى قولعا الۋى قاجەت.
مەملەكەتتٸك ورگان باسشىلارىنا ۇجىمنىڭ 80% قاشىقتان جۇمىس ٸستەۋ تەرتٸبٸنە اۋىستىرۋ ۇسىنىلدى.
كەڭەس قورىتىندىسى بويىنشا پرەمەر-مينيستردٸڭ ورىنباسارى ە. توعجانوۆ بٸرنەشە ناقتى تاپسىرمالار بەردٸ.
ايتا كەتەيٸك, بٷگٸنگە دەيٸن قازاقستاندا كوروناۆيرۋس 13558 ادامنان انىقتالدى. ونىڭ ٸشٸندە جازىلىپ شىققاندار سانى - 8400, 67 ناۋقاس قايتىس بولدى.
