ەكٸمدەردە جەردٸ بٶلۋ قۇزٸرەتٸنٸڭ بولۋى دۇرىس ەمەس. بۇل تۋرالى جەر رەفورماسى جٶنٸندەگٸ كوميسسييانىڭ 1-وتىرىسىندا قوعام قايراتكەرٸ مۇرات ەبەنوۆ ايتتى, دەپ حابارلايدى قازاقپارات.
«جالپى, 2016 جىلى قۇرىلعان مەملەكەتتٸك جەر كوميسسيياسىنىڭ ٶز ۋاقىتىندا قوعامداعى تٷرلٸ پٸكٸرلەردٸ بٸرٸكتٸرٸپ, جەر قاتىناستارىن جەتٸلدٸرۋ جٶنٸندەگٸ نەگٸزگٸ ۇسىنىستاردى ەسكەرگەنٸن اتاپ ٶتكٸم كەلەدٸ. سوندىقتان, مەنٸڭ ويىمشا, قازٸرگٸ جەر كوميسسيياسى ٶز جۇمىسىندا سول ۇسىنىستاردى نەگٸزگە الۋى كەرەك. ٶكٸنٸشكە قاراي, ولاردىڭ بٸر بٶلٸگٸ ٸسكە اسىرىلماي قالدى. مەسەلەن, ەلدە جەر رەسۋرستارىن جٷيەلٸ باقىلاۋدى قامتاماسىز ەتۋ ٷشٸن, بٸز مەملەكەتتٸك جەر ينسپەكتسيياسىنىڭ ۆەرتيكالىن قالپىنا كەلتٸرە المادىق. سونىمەن قاتار, جەر رەسۋرستارىن باسقارۋ كوميتەتٸندە تەك 38 ادامنان تۇراتىن ورتالىق اپپاراتى بار. ايماقتىق جەر ينسپەكتسييالارى جەرگٸلٸكتٸ اتقارۋشى ورگاندارعا بەرٸلگەن. سوندا اۋدان ەكٸمٸ جەردٸ ٶزٸ بٶلەدٸ, ٶزٸ ونى باقىلايدى. بۇل - دۇرىس ەمەس», - دەدٸ اقىلبەك كٷرٸشباەۆ.
ونىڭ اتاپ ٶتۋٸنشە, ەلٸمٸزدە توپىراق-اگروحيمييالىق زەرتحانالار جەلٸسٸن قۇرۋ مەسەلەسٸ دە شەشٸلگەن جوق. سوندىقتان جالعا بەرٸلگەن جەر تەلٸمدەرٸنٸڭ توپىراق قۇنارلىلىعى نە بولىپ جاتقانىن ناقتى بٸلمەيمٸز.
«ەكٸمدٸكتەر اۋىلدىق ەلدٸ-مەكەندەردٸ جايىلىمدارمەن قامتاماسىز ەتۋ مەسەلەسٸن سوڭىنا دەيٸن شەشە المادى. جەر رەسۋرستارىن باسقارۋ كوميتەتٸنٸڭ مەلٸمەتٸنشە, قازٸر اۋىلدىڭ مالىن جايۋعا 32 ملن گەكتاردان استام جايىلىم جەتٸسپەيدٸ. بۇل ٷكٸمەتتٸڭ قاراۋىنا 2016 جىلى جەر كوميسسيياسى شىعارعان مەسەلەلەردٸڭ بٸر بٶلٸگٸ عانا, ولار ەلٸ كٷنگە دەيٸن تٷپكٸلٸكتٸ شەشٸمٸن تاپپادى», - دەدٸ سەناتور.
