كەشە بٸراز اۋىس-تٷيٸس بولىپ, ٷكٸمەتتٸڭ جاڭا قۇرامى بەكٸتٸلدٸ. مەملەكەت باسشىسى پرەمەر-مينيستر لاۋازىمىنا اسقار ماميندٸ ۇسىنىپ, جاڭا مٸندەتتەر جٷكتەدٸ. «قازٸر كٷردەلٸ كەزەڭ. الدىمىزدا ماڭىزدى مٸندەتتەر تۇر. العا جىلدام ۇمتىلۋىمىز كەرەك» دەپ قاداپ ايتتى. سٶيتٸپ, ٷكٸمەتتٸڭ جاڭا كومانداسى جاساقتالدى. قانشالىقتى سەتتٸ تاڭداۋ بولعانى ۋاقىت ەنشٸسٸندە.
ەلباسى ەلدەگٸ سوڭعى جاعدايلارعا بايلانىستى مەملەكەتتٸك اپپاراتتى جاڭارتۋعا كٸرٸستٸ. مينيسترلەر كابينەتٸنەن باستالعان ٶزگەرٸس ەكٸمدەر كورپۋسىنا دا ٶز ەسەرٸن بەرمەك. ۇلت پورتالى الداعى ٶزگەرٸستەردٸڭ الدىن الىپ, از-كەم بولجام جاساۋدى جٶن كٶردٸ.
تٷرلٸ بولجامدارعا سەنسەك, ٶزگەرٸستٸڭ باسى پرەزيدەنت ەكٸمشٸلٸگٸنەن باستالماق. ەسەت يسەكەشەۆتٸڭ قر پرەزيدەنتٸ ەكٸمشٸلٸگٸنٸڭ باسشىسى بولىپ تاعايىندالعانىنا كٶپ ۋاقىت ٶتپەسە دە, جاڭا جەتەكشٸنٸڭ كەلۋٸنە قاتىستى ەڭگٸمە ەلٸ باسىلماي تۇر. بۇل لاۋازىمعا الماتى قالاسى ەكٸمٸ باۋىرجان بايبەك تاعايىندالۋى مٷمكٸن ەكەن. ٷكٸمەتباسىلىقتان ٷمٸتتٸ تۇلعالاردىڭ بٸرٸ سانالعان باۋىرجان قىدىرعاليۇلى ەلدەگٸ ەڭ ماڭىزدى ورىنداردىڭ بٸرٸنە جايعاسىپ, جاڭا جاۋاپكەرشٸلٸكتٸ ارقاعا ارتپاق.
ەگەر الماتى ەكٸمٸ اۋىساتىن بولسا, بۇل ورىنعا ەسەت يسەكەشەۆتىڭ ٶزٸ نە ەكس-پرەمەر باقىتجان ساعىنتاەۆ وتىرۋى مٷمكٸن.
باقىتجان ەبدٸرۇلىنىڭ باسقا دا ايماقتاردىڭ بٸرٸنە بارىپ, ەكٸمدٸك قىزمەتتٸ قولعا الۋىن بولجايتىندار بارشىلىق. دەگەنمەن قازٸرگٸ جورامال بۇرىنعى ٷكٸمەت باسشىسى الماتى شاھارىنا قونىس اۋدارادى دەگەن ويعا نەگٸز سٷيەيدٸ.
كەشە قر مەملەكەتتiك حاتشىسى قىزمەتٸن اتقارىپ كەلگەن گٷلشارا ەبدٸحالىقوۆا ۆيتسە-پرەمەرلٸككە ويىسىپ, جاڭا جۇمىسقا كٸرٸستٸ. دەل قازٸر بۇل ورىن بوس تۇر. كەيبٸر ساياساتكەرلەر بۇل قىزمەتكە قىزىلوردا وبلىسى ەكٸمٸ قىرىمبەك كٶشەرباەۆ, ماڭعىستاۋ وبلىسى ەكٸمٸ ەرالى توعجانوۆ جەنە ەكس-مينيستر دارحان كەلەتاەۆ ٷشتٸگٸنٸڭ بٸرٸ كەلەدٸ دەپ بولجاپ وتىر. دەسەك تە, بۇل لاۋازىمعا قاتىستى كٷتپەگەن شەشٸم قابىلدانۋى ەستە مٷمكٸن.
دەرەككٶزدەرٸ كٶرسەتكەندەي, كەشە عانا قر پرەمەر-مينيسترٸنٸڭ ورىنباسارى – اۋىل شارۋاشىلىعى مينيسترٸ بولعان ٶمٸرزاق شٶكەەۆ تٷركٸستان وبلىسىنىڭ تٸزگٸنٸن ۇستاماق. ەلباسى تٷركٸستان وبلىسىنىڭ ەلەۋمەتتٸك-ەكونوميكالىق دامۋ مەسەلەلەرٸن ەرٸ قاراي جٷيەلٸ جٷرگٸزۋ ٷشٸن كٶرگەن-تٷيگەنٸ, بٸلٸم-بٸلٸگٸ مول جاڭا باسشىنىڭ كەلۋٸنە مٷددەلٸ.
ال, وبلىس ەكٸمٸ جانسەيٸت تٷيمەباەۆ استاناعا ات باسىن تٸرەپ, جاڭا تاعايىنداۋلاردىڭ بٸرٸنە يەك ارتادى. مەسەلەن, سۋ جاڭا مينيستر كٷلەش شەمشيدينوۆانىڭ ورنىنا «نازارباەۆ زيياتكەرلٸك مەكتەپتەرٸ» دببۇ باسقارماسىنا باسشى بولۋ مٷمكٸندٸگٸ جوعارى. ودان بٶلەك, دەپۋتاتتىق مانداتقا دا الماسۋ ىقتيمالدىعى جوق ەمەس. تٸپتٸ تٷيمەباەۆتى مەملەكەتتiك حاتشى بولۋعا لايىق كٶرەتٸندەر دە جەتەرلٸك.
كەشەگٸ اۋىس-تٷيٸس اقتٶبە وبلىسى ەكٸمٸ بەردٸبەك ساپارباەۆتى استاناعا الدىردى. ەلەۋمەتتٸك سالاداعى تٷيٸتكٸلدٸ مەسەلەلەر قوردالانا تٷسكەننەن كەيٸن, تەجٸريبەسٸ مول, ساياسي سالماعى باسىم ساپارباەۆقا سەنٸم ارتىلدى. بەردٸبەك ماشبەكۇلىنا بۇل سالا تاڭسىق ەمەس. 2007 جىلى ەڭبەك جەنە حالىقتى ەلەۋمەتتٸك قورعاۋ مينيسترٸلٸگٸنٸڭ تٸزگٸنٸن ۇستاپ, ەكٸ جىلداي جەمٸستٸ ەڭبەك ەتتٸ. سول سەبەپتٸ, ەلەۋمەت الدىنداعى جاۋاپكەرشٸلٸكتٸ ابىرويمەن كٶتەرٸپ, كٷردەلەنگەن مەسەلەلەردٸڭ كٷرمەۋٸ شەشٸلەرٸنە سەنٸم مول. بەردٸبەك ساپارباەۆتىڭ مينيستر رەتٸندەگٸ العاشقى ساپارى جاڭاٶزەننەن باستالسا دەپ, حالىققا باستار جولدى نۇسقاپ جاتقانداردىڭ سانى از ەمەس. بۇل تٸلەككە يە كٶپشٸلٸك كەشە عانا كٶشەگە شىققان جۇمىسسىز حالىقتىڭ مەسەلەسٸ وڭىنان شەشٸلسە دەيدٸ...
ساپارباەۆ مينيستر بولعاننان كەيٸن, ونىڭ ورنىن كٸم باسادى دەگەن سۇراقتىڭ ماڭىزى ارتتى. بولجام جاساۋشىلار ٶز نۇسقاسىن ۇسىنىپ, ويىن ورتاعا سالىپ جاتىر.
بۇل ورىنعا قر پرەزيدەنتٸ ەكٸمشٸلٸگٸ باسشىسىنىڭ ورىنباسارى ورازالين وڭداسىن سەيٸلۇلى نەمەسە بقو ەكٸمٸ التاي كٶلگٸنوۆ كەلۋٸ مٷمكٸن كٶرٸنەدٸ.
سونداي-اق, قوعامدىق دامۋ مينيسترٸ بولعان دارحان كەلەتاەۆ شىعىس قازاقستان وبلىسىنا بارادى دەپ كٷتٸلۋدە. ال, زەينەت جاسىنداعى دانيال احمەتوۆتىڭ سەناتورلار قاتارىن تولتىرۋى مٷمكٸن ەكەندٸگٸن بۇعان دەيٸن دە جازعان بولاتىنبىز.
ٶزگە ٶڭٸرلەردەن تاعى بٸرنەشە وبلىس باسشىسى جىلى ورنىن سۋىتۋى مٷمكٸن. اتاپ ايتساق, الماتى, قوستاناي, اتىراۋ وبلىستارى جاڭا باسشىنىڭ تاعايىندالۋىنا تاس-تٷيٸن دايىن وتىر.
ەرينە, مۇنىڭ بەرٸ بولجام عانا. ناقتى ساياسي ٶزگەرٸستەردٸڭ شەشٸمٸ اقوردانىڭ قۇزىرىندا.
