استانادا احمەت بايتۇرسىنۇلىنىڭ 150 جىلدىعىنا ارنالعان حالىقارالىق عىلىمي-پراكتيكالىق كونفەرەنتسييا باستالدى, دەپ حابارلايدى قازاقپارات.
شارا قر مەملەكەتتٸك حاتشىسى ەرلان قاريننٸڭ بايانداماسىمەن باستالدى.
«حالقىمىز ٶزٸنٸڭ تاريحىندا ەرەكشە ورىنى بار ەكٸ تۇلعانى «ۇلت ۇستازى» دەپ ارداقتاعان. الدىمەن, ەرينە, ۇلى ابايدى ايتامىز. ودان كەيٸن احمەت بايتۇرسىنۇلىنىڭ ەسٸمٸ اتالادى. الاش كٶسەمٸ, قازاقتىڭ بٸرتۋار پەرزەنتٸ احمەت بايتۇرسىنۇلىنىڭ تۋعانىنا بيىل 150 جىل تولىپ وتىر. بۇل مەرەيتويدى يۋنەسكو دەڭگەيٸندە اتاپ ٶتەمٸز. تەۋەلسٸزدٸك ۇلتىمىزدىڭ جادىن جاڭعىرتىپ, تاريحي تامىرىمىزدان قايتادان نەر الۋىمىزعا جول اشتى. بۇل رەتتە ۇلت ۇستازىنىڭ ەڭبەگٸن زەردەلەپ, ونى مول مۇراسىن ۇرپاق ساناسىنا سٸڭٸرۋ بارشامىزعا ورتاق مٸندەت. ەرينە, ەلەۋمەتتٸك جەلٸدە بٷگٸن ەلەمدە بولىپ جاتقان, بەرٸمٸز بايقاپ جاتقان دٷربەلەڭ وقيعالار كەزٸندە وسىنداي شارا ٶتكٸزۋدٸڭ قانداي ماڭىزى بار دەپ جاتقاندار بار. بٸراق قانداي وقيعالار ورىن السا دا, بٸز ٶزٸمٸزدٸڭ ۇلتتىق كٷن تەرتٸبٸمٸزدەن اۋىتقىماۋىمىز كەرەك», - دەدٸ مەملەكەتتٸك حاتشى.
ونىڭ پايىمىنشا, احمەت بايتۇرسىنۇلىنىڭ 150 جىلدىعى ۇلتتىق كٷن تەرتٸبٸندە تۇرعان ۇلت رۋحانيياتى ٷشٸن ٷلكەن بٸر ماڭىزدى تاقىرىپتاردىڭ بٸرٸ.
«وسىدان تۋرا بٸر عاسىر بۇرىن جۇرتىمىز ۇلت زييالىلارىنىڭ باستاماسىمەن احاڭنىڭ 50 جىلدىعىن اتاپ ٶتكەنٸن بارشاڭىز جاقسى بٸلەسٸزدەر. سودان بەرٸ تۋرا بٸر عاسىر ٶتٸپ وتىر. بٸر عاسىردان كەيٸن دە احاڭ تاعى دا ۇلتتى ۇيىستىرىپ, ۇلت زييالىلارىن بٸر جەرگە جيناپ وتىر. بۇل دا ۇرپاقتار ساباقتاستىعىنىڭ بٸر بەلگٸسٸ. بٷگٸن مٸنە احاڭ اڭساعان تەۋەلسٸز ەلدٸڭ ۇرپاقتارى ونىڭ 150 جىلدىق مەرەيتويىندا باس قوسىپ وتىر», - دەدٸ ەرلان قارين.
ق.قۋانىشباەۆ اتىنداعى مەملەكەتتٸك اكادەمييالىق قازاق مۋزىكالىق-دراما تەاترىندا ٶتٸپ جاتقان كونفەرەنتسيياعا لاۋازىمدى مەملەكەتتٸك قىزمەتكەلەر, الىس-جاقىن شەت مەملەكەتتەردٸڭ عالىمدارى, الاشتانۋشىلار, احمەتتانۋشىلار, ەدەبيەتشٸ عالىمدار, تاريحشىلار, زييالى قاۋىم ٶكٸلدەرٸ, دەپۋتاتتار قاتىسىپ وتىر. شارادا م. قويگەلديەۆ, ش. قۇرمانبايۇلى, د. قامزابەكۇلى, ا. فازىلجانوۆا, ج. سماعۇلوۆ, ٶ. ەبديمانۇلى, ا. ٸسماقوۆا, ج. جاقىپوۆ, ش.جالماحانوۆ, ا. سالقىنباي, و. جۇباەۆا, ق. كٷدەرينوۆا, ب. مومىنوۆا, ۇ. ەركٸنباي, ت. ايتوۆا, م. ەرمۇحامەت, ت. شانباي, س. اققۇلۇلى, ر. يماحانبەت, ق. ساق, ا. ەبسادىق, ە.تٸلەشوۆ پەن ا. قىدىرشاەۆ جەنە ت.ب. زەرتتەۋشٸلەر بايانداما وقيدى.
سونداي-اق «احمەت بايتۇرسىنۇلى جەنە قازاق فيلولوگيياسىنىڭ مەسەلەلەرٸ», «احمەت بايتۇرسىنۇلى جەنە قوعامدىق-گۋمانيتارلىق عىلىمدار» اتتى سەكتسييالىق وتىرىستار بولادى.
كونفەرەنتسييادان كەيٸن ساعات 18.00-دە ەركەعالي راحماديەۆ اتىنداعى مەملەكەتتٸك اكادەمييالىق فيلورمونييادا «ۇلت ۇستازى» اتتى ەدەبي-سازدى كەش ٶتەدٸ.
