قازاقستان پرەزيدەنتٸ «استانا» حالىقارالىق قارجى ورتالىعىن باسقارۋ جٶنٸندەگٸ كەڭەس وتىرىسىن ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
وتىرىسقا كەڭەس تٶراعاسى – قر پرەمەر-مينيسترٸ اسقار مامين, قر قارجى مينيسترٸ ەليحان سمايىلوۆ, ۇلتتىق ەكونوميكا مينيسترٸ رۋسلان دەلەنوۆ, ۇلتتىق بانك تٶراعاسى ەربولات دوساەۆ, احقو باسقارۋشىسى قايرات كەلٸمبەتوۆ, سونداي-اق كەڭەس مٷشەلەرٸ: ەۋروپالىق قايتا قۇرۋ جەنە دامۋ بانكٸنٸڭ پرەزيدەنتٸ سۋما چاكرابارتي, JP Morgan Chase International ديرەكتورلار كەڭەسٸنٸڭ تٶراعاسى دجەيكوب فرەنكەل, رەسەي سبەربانكٸنٸڭ پرەزيدەنتٸ جەنە باسقارما تٶراعاسى گەرمان گرەف, يسلام دامۋ بانكٸ توبىنىڭ پرەزيدەنتٸ باندار حادجار, «ياندەكس» كومپانييالار توبىنىڭ باسشىسى جەنە نەگٸزٸن قالاۋشىلاردىڭ بٸرٸ اركاديي ۆولوج, Citigroup ينۆەستيتسييالىق جەنە كورپوراتيۆتٸك بانكٸنٸڭ ٷكٸمەتتەر مەن مەملەكەتتٸك سەكتور جٶنٸندەگٸ جاھاندىق بلوگىنىڭ باسشىسى دجۋلي موناكو.
قاسىم-جومارت توقاەۆ ٶز سٶزٸندە كەڭەستٸڭ جاڭا مٷشەلەرٸنە ريزاشىلىعىن بٸلدٸرٸپ, شەتەلدٸك ينۆەستورلاردىڭ كٷش-جٸگەرٸ مەن قولداۋىنىڭ ارقاسىندا «استانا» حالىقارالىق قارجى ورتالىعىنىڭ (احقو) الداعى جۇمىسىنا نەگٸز قالانعانىن اتاپ ٶتتٸ.
– رەسمي تٷردە ٸسكە قوسىلعاننان بەرٸ بٸر جىل ٸشٸندە حالىقارالىق قارجى ورتالىعى بەدەلدٸ قارجى ورتالىقتارىنىڭ جاھاندىق يندەكسٸ بويىنشا 37 پوزيتسيياعا كٶتەرٸلٸپ, 51-شٸ ورىنعا يە بولدى. احقو تابىستى جۇمىس ٸستەۋٸ ٷشٸن بارلىق جاعداي جاسالعان, قاجەتتٸ ينفراقۇرىلىم بار. ەندٸ بٸزگە ناقتى نەتيجەلەرگە قول جەتكٸزۋ كەرەك, – دەدٸ مەملەكەت باسشىسى.
قاسىم-جومارت توقاەۆ نۇر-سۇلتان قالاسى ەلەمگە تانىمال حالىقارالىق قارجى ورتالىعىنا اينالىپ كەلە جاتقانىن اتاپ ٶتتٸ.
– ەلەمنٸڭ جەتەكشٸ سەۋلەتشٸلەرٸ ەلوردانىڭ بٸرەگەي بەينەسٸن جاسادى. ەندٸ دٷنيەجٷزٸنٸڭ بەلگٸلٸ قارجىگەرلەرٸ وسى جەردە تابىستى قارجى ورتالىعىن قالىپتاستىرۋعا اتسالىساتىن كەز كەلدٸ. ورتالىق قارجى سەكتورىن دامىتۋمەن قاتار, ەكونوميكاعا ينۆەستيتسييالار تارتۋى تيٸس. احقو بازاسىندا كەلەشەگٸ زور جوبالاردى قارجىلاندىرۋ جٶنٸندەگٸ نەگٸزگٸ مەمٸلەلەر جاسالۋى قاجەت. بۇل جەردە «قازاقتەلەكوم», «قازمۇنايگاز», قتج, «ەير استانا» سىندى ۇلتتىق كومپانييالاردىڭ IPO-سى ٶتەدٸ, – دەپ اتاپ ٶتتٸ قازاقستان پرەزيدەنتٸ.
وتىرىس بارىسىندا احقو-نىڭ جىلدىق ەسەبٸ بويىنشا رەسمي تانىستىرىلىمى ٶتتٸ.
