29 قىركٷيەكتە «استانا» حالىقارالىق قارجى ورتالىعىنىڭ (احقو) باسقارۋشىسى قايرات كەلٸمبەتوۆ يسلامدىق قارجى سالاسىنداعى ەڭ بەدەلدٸ Global Islamic Finance Awards (GIFA) سىيلىعىنىڭ ماراپاتتاۋ رەسٸمٸنە قاتىستى, دەپ حابارلايدى قازاقپارات.
احقو ٷش جوعارى ماراپاتقا يە بولدى. «يسلام قارجىسىنا ينستيتۋتسيونالدىق قولداۋ كٶرسەتكەنٸ ٷشٸن» سىيلىقتى احقو باسقارۋشىسى قايرات كەلٸمبەتوۆ الدى. يسلام قارجىلاندىرۋ دەپارتامەنتٸنٸڭ ديرەكتورى ەلٸبەك نۇربەكوۆ «يسلام قارجىسى سالاسىنداعى ساياساتتى ەزٸرلەگەنٸ ٷشٸن» جەكە نوميناتسيياسى بويىنشا ماراپاتتالدى, احقو بيۋروسى يسلامدىق قارجى سالاسىنداعى «ادام كاپيتالىن دامىتۋ جٶنٸندەگٸ باستامالار» ٷشٸن اتاپ ٶتٸلدٸ.
يسلام ەلەمٸنٸڭ بەدەلدٸ سىيلىعىنىڭ سەگٸزٸنشٸ سالتاناتتى رەسٸمٸ بوسنييا جەنە گەرتسەگوۆينا, ساراەۆو قالاسىندا ٶتتٸ. بۇل ٸس-شارا جىل سايىن تٷرلٸ ەلدەردٸڭ مەملەكەت جەنە ٷكٸمەت باسشىلارى, سونداي-اق حالىقارالىق يسلام قارجى ينستيتۋتتارىنىڭ ٶكٸلدەرٸن بٸر الاڭدا جينايدى.
«مەن GIFA كوميتەتٸنە احقو-عا «يسلام قارجىسىنا ينستيتۋتسيونالدىق قولداۋ كٶرسەتكەنٸ ٷشٸن» بەدەلدٸ سىيلىعىمەن ماراپاتتاعانى ٷشٸن العىس بٸلدٸرگٸم كەلەدٸ. بۇل ماراپات بٸزدٸ يسلامدىق قارجىلاندىرۋ سالاسىنداعى ٶڭٸرلٸك حاب رەتٸندە ورتالىقتى ودان ەرٸ ٸلگەرٸلەتۋگە شابىتتاندىرادى. احقو-دا يسلام قارجىلارىن دامىتۋ ٷشٸن قولايلى ەكوجٷيە قۇرىلعان جەنە وسى باعىت احقو-نىڭ نەگٸزگٸ باسىمدىقتارىنىڭ بٸرٸ بولىپ تابىلادى. احقو يسلامدىق قارجىلاندىرۋدى ٸلگەرٸلەتۋ مەن دامىتۋدا قابىلداعان باستامالار Global Islamic Finance Report ەسەبٸنە سەيكەس Islamic Finance Country Index (GIFR 2018) رەيتينگٸندە قازاقستان پوزيتسييالارىن 2017 جىلى 31- ورىننان 2018 جىلى 24- ورىنعا جاقسارتتى» - دەدٸ ق.كەلٸمبەتوۆ.
ايتا كەتەرلٸگٸ, 2017 جىلى GIFA تاپسىرۋ رەسٸمٸ استانا قالاسىندا ٶتتٸ. سىيلىق اياسىندا يسلام قارجى سالاسىنداعى ەلەمنٸڭ ٷزدٸك كومپانييالارىنىڭ تٸزٸمٸ جارييالاناتىن Global Islamic Finance Report - GIFR جىل سايىنعى جاھاندىق ەسەبٸ شىعارىلادى. ولاردىڭ قاتارىنا احقو دا ەندٸ.
كەسٸبي قوعامداستىق قارجى ورتالىعىنىڭ تەك قازاقستان اۋماعىندا عانا ەمەس, سونداي-اق قاتىسۋ ٶڭٸرٸندە يسلامدىق قارجىنى دامىتۋ جەنە كٶپشٸلٸككە تاراتۋ سالاسىنداعى ەڭبەگٸن جوعارى باعالادى. قازٸرگٸ ۋاقىتتا احقو ينفراقۇرىلىمىنىڭ بازاسىندا يسلامدىق قارجىلاندىرۋدىڭ تولىققاندى نارىعى قالىپتاسۋدا. ازييا دامۋ بانكٸ (ادب), يسلام دامۋ بانكٸ (يدب), Islamic Financial Services Board (IFSB), Accounting and Auditing Organization for Islamic Financial Institutions (AAOIFI) جەنە General Council for Islamic Banks and Financial Institutions (CIBAFI) سيياقتى حالىقارالىق ۇيىمداردىڭ قولداۋىمەن ٷزدٸك يسلام قارجى تەجٸريبەلەرٸ مەن ستاندارتتارىنا سەيكەس قولايلى قۇقىقتىق جەنە نورماتيۆتٸك بازا قۇرىلدى.
كەسٸبي باستامالاردى ٸلگەرٸلەتۋ جەنە دامىتۋ شەڭبەرٸندە احقو بيۋروسى ەلەمدٸك جەتەكشٸ قارجى ينستيتۋتتارمەن ەرٸپتەستٸكتە بەس حالىقارالىق سەرتيفيكاتتىق باعدارلاما بويىنشا وقىتۋ جٷرگٸزەدٸ. ولار: يسلام بانكينگٸندەگٸ جەنە BIBF قارجىسىنداعى حالىقارالىق سەرتيفيكاتتاۋ, CISI يسلامدىق قارجى سالاسىنداعى كەسٸبي بٸلٸكتٸلٸك, INCEIF يسلامدىق قارجىلارىنداعى كەسٸبي سەرتيفيكاتتاۋ, يسلام قارجى سالاسىنداعى BIBF كەڭەيتٸلگەن ديپلومى, سەرتيفيكاتتالعان AAOIFI يسلام كەسٸبي بۋحگالتەرٸ.
احقو بيۋروسىنىڭ باستاماسىمەن بيىل 4 شٸلدەدە يسلام ەكونوميكاسى فورۋمى بارىسىندا نارىق كەسٸپقويلارىنىڭ تيٸمدٸ ٶزارا ٸس-قيمىلىن قامتاماسىز ەتۋگە باعىتتالعان يسلام قارجىسىنداعى كەسٸپقويلار قاۋىمداستىعى قۇرىلدى. جىل سايىن Islamic Finance Week سالالىق ٸس-شاراسى ٶتكٸزٸلەدٸ, ول ٶز الاڭىندا تەجٸريبە الماسۋ جەنە بٷكٸل ٶڭٸردە يسلامدىق قارجى اينالاسىندا ەكوجٷيەنٸ قۇرۋ ٷشٸن يسلام قارجى يندۋستريياسىنداعى ساراپشىلاردى, ماماندار مەن قارجى ينستيتۋتتارىن بٸرٸكتٸرەدٸ.
«GIFA-نىڭ ٷش بەدەلدٸ ناگراداسىن الۋ حالىقارالىق قاۋىمداستىق تاراپىنان جوعارى باعا بەرۋدٸ كۋەلاندىرادى جەنە ٶڭٸرلٸك يسلامدىق قارجىلاندىرۋ حابى رەتٸندە احقو ۇستانىمىن نىعايتادى, سونداي-اق وسى باعىتتاعى سەرپٸندٸ دامۋ ٷشٸن جاڭا تٷرتكٸ بەرەدٸ», - دەلٸنگەن حابارلامادا.
