بٷگٸن قر پارلامەنت مەجٸلٸسٸندە براكونەرلٸكپەن كٷرەس مەسەلەلەرٸنە ارنالعان «دٶڭگەلەك ٷستەل» ٶتتٸ. سول جەردە مەجٸلٸس تٶراعاسىنىڭ ورىنباسارى ۆلاديمير بوجكو اكبٶكەندەردٸڭ جاپپاي قىرىلۋ وقيعاسىن ەسكە الدى, دەپ حابارلايدى قازاقپارات تٸلشٸسٸ.
«بٷگٸن ماڭىزدى بٸر مەسەلە كٶتەرٸلدٸ. بٸزدٸڭ عىلىمي-زەرتتەۋ ينستيتۋتتارىمىز قايدا? زوولوگييا ينستيتۋتى نە ٸستەپ وتىر? بٸز ەلٸ كٷنگە دەيٸن 200 مىڭ اقبٶكەننٸڭ نەدەن قىرىلعانىن تابا الماي وتىرمىز. مەن ٷكٸمەتتە جۇمىس ٸستەگەندە بٸرەۋ تۇرادى دا, اقبٶكەندەر پاستەرەللەزدەن قىرىلىپ قالدى دەيدٸ. ەكٸنشٸسٸ تاعى بٸر سەبەبٸن ايتادى. بٸراق ەلٸ كٷنگە دەيٸن ناقتى جاۋاپ جوق», - دەدٸ ۆ.بوجكو.
ونىڭ ايتۋىنشا, ەلٸمٸزدٸڭ فلوراسى مەن فاۋناسىنا قاۋٸپ تٶندٸرٸپ وتىرعان ۆەتەرينارلىق اۋرۋلاردىڭ وشاقتارىن انىقتاۋ قاجەت. ونسىز اقبٶكەندەر دە, بەكٸرە دە قىرىلا بەرەدٸ.
«كاسپييدە كٶكسەركە نەگە قىرىلىپ جاتىر? قازٸر جايىق جاقتا ەكٸ شارۋاشىلىقتا بەكٸرە بالىقتارى قىرىلىپ قالدى. ٶزەندە مۇزدىڭ استىندا ٶلٸ بالىق قالقىپ جٷر. بٸراق بەرٸمٸز ٷن-تٷنسٸز وتىرمىز. كەدٸمگٸدەي تىنىشتىق. تٶرت اي ٶتتٸ. بٸراق سەبەبٸن ەشكٸم بٸلمەيدٸ. بالىق كٸمنٸڭ كەسٸرٸنەن ۋلاندى? ەندٸ ول جەردە بەكٸرەنٸڭ كٶبەيەتٸنٸنە كٷمەنٸم بار», - دەپ اتاپ كٶرسەتتٸ ۆ.بوجكو.
ايتا كەتەيٸك, وسىدان تٶرت جىل بۇرىن قازاقستاندا نەبەرٸ ٷش اپتانىڭ ٸشٸندە 200 مىڭنان استام اقبٶكەن قىرىلدى. باس كەزٸندە ماماندار اتالعان وقيعانىڭ سەبەبٸن تابا المادى. شەتەلدٸك ماماندار دا كٶمەككە شاقىرىلدى. ولاردىڭ سٶزٸنە قاراعاندا, اقبٶكەندەردٸڭ قىرىلۋىنا Pasteurella multocida ينفەكتسيياسى سەبەپ بولدى.
بٷگٸندە ەلەم بويىنشا كيٸكتەردٸڭ باسىم بٶلٸگٸ قازاقستان دالاسىندا قونىستانعان. جانۋارلاردىڭ اتالعان تٷرٸن اتۋعا رۇقسات جوق. الايدا براكونەرلەر اقبٶكەندەردٸ اتىپ, مٷيٸز ساۋداسىنان پايدا تابادى. جەرگٸلٸكتٸ جەردە اقبٶكەندەردەن كەسٸپ العان مٷيٸزدٸڭ بٸر كەلٸسٸ 150 مىڭ تەڭگەگە ساتىلادى. الماتىدا ونىڭ باعاسى 400 مىڭعا دەيٸن بارادى. ال قىتايدا مٷيٸزدٸڭ بٸر كەلٸسٸنە 4 مىڭ اقش دوللارىن بەرەدٸ. سەبەبٸ ول جاقتا اقبٶكەندەردٸڭ مٷيٸزٸنەن دەستٷرلٸ مەديتسينادا سانالۋان دەرٸلەر جاسايدى.
