اۋعانستانداعى ەتنيكالىق قازاقتاردىڭ اراسىندا قازاقستانعا ەۆاكۋاتسييالانۋعا اسا ىنتالى ەمەستەرٸ دە بار. قر سىرتقى ٸستەر مينيسترٸنٸڭ ورىنباسارى اقان راحمەتۋللين ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي مەلٸمەت ايتتى, دەپ حابارلايدى قازاقپارات.
باق ٶكٸلٸنٸڭ اۋعانستاننان كٶمەك سۇراق جاتقان قانداستار تۋرالى سۇراعىنا جاۋاپ بەرگەن سٸم ٶكٸلٸ ونداعى ەتنيكالىق قازاقتار تۋرالى سوڭعى ستاتيستيكانى كەلتٸردٸ.
«مەملەكەت باسشىسى سىرتقى ٸستەر مينيسترلٸگٸنە اۋعانستانداعى ەتنيكالىق قازاقتارعا بارلىق كٶمەك تٷرٸن كٶرسەتۋ تۋرالى تاپسىرما بەرگەن بولاتىن. بٸزدٸڭ ەلشٸلٸك جۇمىس جٷرگٸزٸپ جاتىر. بٸزدٸڭ دەرەكتەر بويىنشا اۋعانستاندا شامامەن 13 ەتنيكالىق قازاق وتباسى تۇرادى. ولار بٸر جەردە شوعىرلانىپ قونىستانباعان. نەگٸزٸنەن ەلدٸڭ سولتٷستٸك پروۆينتسييالارىندا شاشىراڭقى ٶمٸر سٷرەدٸ. ەلشٸلٸك ولاردىڭ بەرٸمەن ٷنەمٸ بايلانىس ۇستاپ وتىر. ارالارىندا بەلسەندٸ ٶكٸل بار. ەلشٸلٸكپەن سول بايلانىسقا شىعىپ جٷر. قازٸر اقپارات جيناپ جاتىرمىز. وسى جاققا بايلانىسقا شىعىپ, ٷيدەن شىعا الماي وتىرعاندارىن ايتقاندار بار دەپ قالدىڭىز. سول ادامداردىڭ بايلانىس دەرەكتەرٸن بەرسەڭٸز جاقسى بولار ەدٸ. بٸز ول دەرەكتەردٸ كابۋلداعى ەلشٸلٸككە بەرەيٸك. سولار تٸكەلەي بايلانىسىپ, قاجەتٸنشە كٶمەك كٶرسەتسٸن», - دەدٸ مينيستردٸڭ ورىنباسارى.
ونىڭ ايتۋىنا قاراعاندا, اۋعانستاندىق قانداستاردى كٶشٸرۋ تۋرالى شەشٸم شىعۋارۋ ٷشٸن ەۋەلٸ ولاردىڭ سانى مەن كٶشۋگە نيەتتٸلەر تۋرالى ناقتى مەلٸمەت تٷزٸلۋٸ كەرەك.
«ەۆاكۋاتسييالاۋ مەسەلەسٸنە كەلسەك, ولار ەلدٸڭ ەر تٷپكٸرٸندە شاشىراپ قونىستانعانىمەن قاتار نيەتتەرٸن بٸلۋ كەرەك. قازاقستانعا كەلۋگە نيەتتٸ مە, جوق پا? اراسىندا بۇل جاققا قونىس اۋدارۋعا اسا ىنتالى ەمەستەرٸ دە بار دەگەن مەلٸمەت الدىق. قازٸر ولار دا باسقالار سيياقتى ەلٸپتٸڭ ارتىن باعىپ وتىر. ادامداردىڭ جەتكٸلٸكتٸ سانى جيناقتالىپ, حابار جەتكەن بويدا تيٸستٸ شەشٸم قابىلدانادى. بۇل مەسەلە مەملەكەت باسشىسىنىڭ باقىلاۋىندا», - دەدٸ اقان راحمەتۋللين.
