Aýǵanstandaǵy etnikalyq qazaqtardyń arasynda Qazaqstanǵa evakýatsiialanýǵa asa yntaly emesteri de bar. QR Syrtqy ister ministriniń orynbasary Aqan Rahmetýllin ortalyq kommýnikatsiialar qyzmetinde ótken brifingide osyndai málimet aitty, dep habarlaidy QazAqparat.
BAQ ókiliniń Aýǵanstannan kómek suraq jatqan qandastar týraly suraǵyna jaýap bergen SIM ókili ondaǵy etnikalyq qazaqtar týraly sońǵy statistikany keltirdi.
«Memleket basshysy Syrtqy ister ministrligine Aýǵanstandaǵy etnikalyq qazaqtarǵa barlyq kómek túrin kórsetý týraly tapsyrma bergen bolatyn. Bizdiń elshilik jumys júrgizip jatyr. Bizdiń derekter boiynsha Aýǵanstanda shamamen 13 etnikalyq qazaq otbasy turady. Olar bir jerde shoǵyrlanyp qonystanbaǵan. Negizinen eldiń soltústik provintsiialarynda shashyrańqy ómir súredi. Elshilik olardyń bárimen únemi bailanys ustap otyr. Aralarynda belsendi ókil bar. Elshilikpen sol bailanysqa shyǵyp júr. Qazir aqparat jinap jatyrmyz. Osy jaqqa bailanysqa shyǵyp, úiden shyǵa almai otyrǵandaryn aitqandar bar dep qaldyńyz. Sol adamdardyń bailanys derekterin berseńiz jaqsy bolar edi. Biz ol derekterdi Kabýldaǵy elshilikke bereiik. Solar tikelei bailanysyp, qajetinshe kómek kórsetsin», - dedi ministrdiń orynbasary.
Onyń aitýyna qaraǵanda, aýǵanstandyq qandastardy kóshirý týraly sheshim shyǵýarý úshin áýeli olardyń sany men kóshýge niettiler týraly naqty málimet túzilýi kerek.
«Evakýatsiialaý máselesine kelsek, olar eldiń ár túpkirinde shashyrap qonystanǵanymen qatar nietterin bilý kerek. Qazaqstanǵa kelýge nietti me, joq pa? Arasynda bul jaqqa qonys aýdarýǵa asa yntaly emesteri de bar degen málimet aldyq. Qazir olar da basqalar siiaqty áliptiń artyn baǵyp otyr. Adamdardyń jetkilikti sany jinaqtalyp, habar jetken boida tiisti sheshim qabyldanady. Bul másele Memleket basshysynyń baqylaýynda», - dedi Aqan Rahmetýllin.
