باتىس قازاقتان وبلىسىندا اباي كٷنٸ العاش رەت اتالىپ ٶتتٸ, دەپ حابارلايدى "ۇلت اقپارات".
مەرەكە ورالداعى اباي الاڭىنداعى اقىن ەسكەرتكٸشٸنە گٷل شوقتارىن قويۋمەن باستالدى.
وعان قاتىسقان وبلىس ەكٸمٸ عالي ەسقاليەۆتٸڭ اتاپ ٶتكەنٸندەي, مەملەكەت باسشىسىنىڭ تاپسىرماسىنا سەيكەس بيىل اباي كٷنٸ ەلٸمٸزدە العاش رەت مەرەكە رەتٸندە تويلانىپ وتىر. شىنىندا دا ابايدىڭ مۇراسى حالقىمەن بٸرگە جاساي بەرمەك. ۇلى اقىننىڭ سول كەزدە جازعان ٶلەڭدەرٸ مەن قارا سٶزدەرٸنٸڭ ٶمٸرشەڭدٸگٸ سونداي, قازٸرگٸ زامانداعى حال-احۋالدى تاپ باسىپ كٶرسەتەدٸ. اباي ارمانداعان «تولىق ادام» بولسا عانا قازاق مۇراتىنا جەتپەك. دانىشپاننىڭ ٶسيەت سٶزدەرٸن ۇمىتپاي, ودان تاعىلىم الا بٸلۋ كەيٸنگٸلەرگە پارىز بولىپ قالا بەرمەك.
«اباي كٷنٸ بارشاعا ورتاق ۇلتتىق مەرەكە بولۋى تيٸس. تەۋەلسٸزدٸك العان كەزدەن باستاپ اباي كٷنٸن بەلگٸلەپ, وسىنشاما ۋاقىت بويى ۇلى اقىندى وقىتۋ كەرەك ەدٸ. سوندا ۇرپاق تەز ەسەيەر ەدٸ, الدىڭعى قاتارلى ەلدەر قاتارىنا تەز قوسىلۋعا تالاپ قىلار ەدٸ. دەگەنمەن ەلٸ دە كەش ەمەس. بۇل مەيرام – ۇلى ابايدىڭ ەسٸمٸ ەر جٷرەككە جازىلاتىن كٷن. اقىن جىرلارىن تەبٸرەنە وقىپ, ەندەرٸن ەۋەلەتە سالاتىن كٷن. اباي دٷنيەگە كەلگەن وسى كٷندٸ قاستەرلەي بٸلسەك, ەلدٸگٸمٸز دە بيٸكتەپ, ٶرەمٸز دە ٶسەدٸ», - دەدٸ زييالى قاۋىم اتىنان سٶز العان اقىن, مەملەكەتتٸك سىيلىقتىڭ لاۋرەاتى اقۇشتاپ باقتىگەرەەۆا.
بيىل قايتا جاڭارتىلعان اقىن الاڭىندا ابايدىڭ قارا سٶزدەرٸ جازىلعان تاستار ورناتىلعان. سونىڭ بٸرٸندەگٸ: «...ىقىلاسپەن وقىپ, ۇعىپ الىڭىزدار. كٷللٸ ادامزات بالاسىن قور قىلاتىن ٷش نەرسە بار. سونان قاشپاق كەرەك: ەۋەلٸ – ناداندىق, ەكٸنشٸسٸ – ەرٸنشەكتٸك, ٷشٸنشٸ – زالىمدىق دەپ بٸلەسٸڭ...» دەگەن اباي سٶزدەرٸ حالقىن مەڭگٸ ساقتاندىرىپ تۇرعانداي.
شارا بارىسىندا اقىننىڭ ٶلەڭدەرٸ وقىلىپ, ەندەرٸ ورىندالىپ, «اباي وقۋلارى» ونلاين بايقاۋىنىڭ جەڭٸمپاز-جٷلدەگەرلەرٸ ماراپاتتالدى.
