فوتو: Reuters
سەرسەنبٸ كٷنٸ ۆاشينگتوندا اقش جەنە ۋكراينا پرەزيدەنتتەرٸنٸڭ كەزدەسۋٸ ٶتتٸ. بۇل - زەلەنسكييدٸڭ رەسەي ۋكرايناعا باسىپ كٸرگەلٸ بەرٸ شەتەلگە جاساعان العاشقى ساپارى. دجو بايدەن ۆلاديمير زەلەنسكييدٸ پرەزيدەنت رەزيدەنتسيياسىنا كٸرەبەرٸستە جىلى قارسى الدى, دەپ حابارلايدى ازاتتىق راديوسى.
كەزدەسۋ باسىندا بايدەن امەريكا حالقى ۋكراينانى "ماقتانىشپەن" قولدايدى جەنە ونىڭ "ەدٸلەتتٸ ەلەمگە" ۇمتىلىسىن قۋاتتايدى دەدٸ. اقش پرەزيدەنتٸ رەسەيدٸڭ ۋكرايناداعى ينفراقۇرىلىمداردى اتقىلاۋىن ايىپتاپ, مەسكەۋ قاقاعان ايازدى "قارۋ رەتٸندە پايدالانۋعا تىرىسىپ جاتىر" دەم مەلٸمدەدٸ. ۋكراين حالقى ەلەمدٸ "رۋحتاندىرىپ جاتىر" دەگەن پٸكٸرٸن دە جەتكٸزدٸ.
زەلەنسكيي اقش پرەزيدەنتٸنە, كونگرەسس جەنە امەريكالىقتارعا ۋكرايناعا كٶمەگٸ ٷشٸن العىس بٸلدٸردٸ.
كەلٸسسٶز اياقتالعاننان كەيٸن ەكٸ ەل باسشىلارى ورتاق باسپاسٶز جيىنىن ٶتكٸزدٸ. "ناستوياششەە ۆرەميا" ارناسى كەزدەسۋدەن تٸكەلەي ەفيردە حابار تاراتتى.
بايدەن باسپاسٶز جيىنىندا سوعىستىڭ جالعاسىپ جاتقانىنا 300 كٷننەن اسقانىن ەسكە سالدى. ول ۋكراين حالقى رەسەي باسقىنشىلىعىنا تٶتەپ بەرٸپ كەلەدٸ جەنە اقش ۋكراين حالقىنىڭ بوستاندىق ٷشٸن كٷرەسٸن قولداي بەرەدٸ دەپ مەلٸمدەدٸ. بايدەن وسى تۇستا اقش-تىڭ رەسەيگە سالعان سانكتسييالارى مەن ۋكرايناعا ەسكەري تەحنيكا مەن قارۋ-جاراق جەتكٸزگەنٸن جەنە قارجىلاي قولداعانىن دا اتاپ ٶتتٸ. ۋكراينانى قولداۋ ارقىلى اقش پەن وداقتاستارى ازاتتىق, دەموكراتييا جەنە حالىقارالىق قۇقىقتىڭ نەگٸزگٸ پرينتسيپتەرٸنە دەم بەرەدٸ دەدٸ.
بايدەننٸڭ سٶزٸنشە, رەسەي پرەزيدەنتٸ ۆلاديمير پۋتين ەزٸرگە بەيبٸتشٸلٸككە ۇمتىلىسىن كٶرسەتكەن جوق. پرەزيدەنت اقش-تىڭ ۋكرايناعا بەرەتٸن جاڭا ەسكەري كٶمەگٸ تۋرالى دا باياندادى.
زەلەنسكيي باسپاسٶز جيىنى كەزٸندە كەزدەسۋدٸ "تاريحي سەت" دەپ اتاپ, باستالعانىنا 300 كٷن بولعان سوعىستا اقش ۋكراينانىڭ ناعىز ەرٸپتەسٸ ەرٸ وداقتاسى ەكەنٸن دەلەلدەدٸ دەدٸ. زەلەنسكيي سونىمەن بٸرگە قاناتتى زىمىران شابۋىلدارىنان قورعاۋعا مٷمكٸندٸك بەرەتٸن Patriot جٷيەسٸنە دە توقتالدى. ۋكراينا باسشىسى سونىمەن قاتار الداعى جىلمەن بايلانىستى "ستراتەگييالىق" مەسەلەلەر, ۋكراينا حالقىنا كٶمەك, سونىمەن بٸرگە باسقىنشىلىققا كٸنەلٸلەردٸ جازالاۋ مەسەلەلەرٸ تالقىلانعانىن دا اتاپ ٶتتٸ.
زەلەنسكيي اعىلشىن تٸلٸندە امەريكا حالقىنا قايىرىلدى. ول ەلەمگە بەيبٸتشٸلٸك تٸلەپ, "تيرانييانى" بٸرٸگٸپ جەڭەتٸنٸمٸزگە سەنٸمدٸمٸن دەدٸ.
زەلەنسكييدٸڭ ايتۋىنشا, ۋكراينا تەرريتورييالىق تۇتاستىق جەنە سوعىس شىعىنىن ٶتەۋ مەسەلەسٸنە كەلگەندە ەشقانداي شارتقا كٶنبەيدٸ. بايدەن زەلەنسكييمەن كٶزقاراستارى كٶپ جاعدايدا سەيكەس كەلەتٸنٸن جەتكٸزٸپ, ۋكراينا ايتقان شارتتارمەن بەيبٸت كەلٸسٸم جاسالۋى تيٸس, ال ونىڭ كٸلتٸ سوعىستاعى جەڭٸس دەدٸ.
ول سونىمەن بٸرگە پۋتيننٸڭ "سەتسٸزدٸككە ۇشىراپ" ماقساتىنا جەتە الماعانىن دا اتاپ ٶتتٸ. بايدەن دەگەنمەن اقش ۋكراينا سۇراعان قارۋدىڭ بارلىق تٷرلەرٸن بەرە المايتىنىن, سەبەبٸ مۇنى ناتو بويىنشا وداقتاستارى ماقۇلدامايتىنىن, بۇعان قوسا رەسەيمەن تٸكەلەي تەكەتٸرەسكە تٷسۋدەن اۋلاق بولۋ قاجەتتٸگٸن اتاپ ٶتتٸ.
"پۋتينگە نە ايتقىڭىز كەلەدٸ?" دەگەن سۇراققا زەلەنسكيي "قازٸر ەلەمگە نە ايتقىسى كەلەتٸنٸن پۋتيننٸڭ ٶزٸ ويلانۋى تيٸس, ول ٶزٸن ٶركەنيەتتٸ ادامدار قاتارىنان شىعارىپ تاستادى" دەدٸ.
بايدەنمەن كەزدەسكەننەن كەيٸن زەلەنسكيي اقش كونگرەسٸندە سٶز سٶيلەدٸ.
