"اقش پرەزيدەنتٸ دونالد ترامپ رەسەي پرەزيدەنتٸ ۆلاديمير پۋتيننٸڭ سايلاۋدا جەڭگەنٸنەن حاباردار", - دەپ مەلٸمدەدٸ اق ٷي باسپاسٶز حاتشىسىنىڭ ورىنباسارى حوگان گيدلي. ونىڭ ايتۋىنشا, ترامپ پەن پۋتين تەلەفونمەن سٶيلەسەدٸ دەپ جوسپارلانباعان. ترامپتىڭ پۋتيندٸ پرەزيدەنت بولىپ سايلانۋىمەن قۇتتىقتاعانى, يا قۇتتىقتاماعانى دا ايتىلمادى.
حوگان گيدلي "رەسەيدەگٸ سايلاۋ ەركٸن ەرٸ ەدٸل بولدى ما?" دەگەن ساۋالعا جاۋابىندا ۆاشينگتون رەسەيدەگٸ سايلاۋ نەتيجەسٸنە تاڭعالمايتىنىن ايتتى.
14 ناۋرىز كٷنٸ دونالد ترامپ ۇلىبريتانييا پرەمەر-مينيسترٸ تەرەزا مەيمەن تەلەفونمەن سٶيلەسكەن. ەل باسشىلارى ەڭگٸمەسٸندە رەسەي بيلٸگٸ سولسبەريدە رەسەيلٸك بۇرىنعى اگەنت سەرگەي سكريپال مەن قىزىنا قاستاندىق جاساۋ ەرەكەتٸنە "انىق ەرٸ ايقىن جاۋابىن بەرۋٸ تيٸس" دەگەن توقتام جاساعان.
اق ٷي ترامپ رەسەي باس بارلاۋ باسقارماسىنىڭ بۇرىنعى وفيتسەرٸ سەرگەي سكريپال مەن قىزى يۋلييانى جٷيكە جٷيەسٸن زاقىمدايتىن زاتپەن ۋلاپ ٶلتٸرمەك بولۋ ەرەكەتٸنە قاتىستى ۇلىبريتانييا جٷرگٸزٸپ جاتقان تەرگەۋگە بارىنشا كٶمەك كٶرسەتۋگە ۋەدە بەرگەنٸن مەلٸمدەگەن.
سەرگەي سكريپال مەن قىزى يۋلييا 4 ناۋرىز كٷنٸ ۇلىبريتانييانىڭ وڭتٷستٸگٸندەگٸ سولسبەري قالاسىندا بەلگٸسٸز زاتتان ۋلانىپ, اۋرۋحاناعا تٷسكەن. ولار سودان بەرٸ اۋرۋحانادا اۋىر حالدە جاتىر. بريتاندىق تەرگەۋشٸلەردٸڭ بولجامىنشا, سكريپال مەن قىزى سسسر تۇسىندا جاسالعان, جٷيكەنٸ جانسىزداندىراتىن قاۋٸپتٸ حيمييالىق زاتتان ۋلانعان. رەسەي سىرتقى ٸستەر مينيسترٸ سەرگەي لاۆروۆ 13 ناۋرىزدا سكريپالدٸ ۋلاۋعا قاتىسى بارىن جوققا شىعارعان.
