ايتىسكەر اقىن ماقسات اقانوۆتىڭ تويدا دومبىرا ۇستاپ, كٶپشٸلٸككە ارناۋ ايتىپ تۇرعان ۆيدەوسى ەلەۋمەتتٸك جەلٸدە تارادى, دەپ حابارلايدى ult.kz.
كادرلاردا اقىن توي ساحناسىندا ٶنەر كٶرسەتٸپ, ٶلەڭ ارناپ وتىرعانى كٶرٸنەدٸ. الايدا بەينەجازبانىڭ ناقتى قاشان تٷسٸرٸلگەنٸ ەزٸرگە بەلگٸسٸز.
اقىن ەلگە ٶسيەت ايتا المايتىنىن, ايتىستان شەتتەتٸلگەنٸن تٸلگە تيەك ەتتٸ.
نە جاعداي بولدى?
ەسكە سالايىق, ماقسات اقانوۆ بۇعان دەيٸن ماڭعىستاۋ وبلىسىنىڭ شايىر اۋىلىندا ٶتكەن ايتىستان كەيٸن كٶپشٸلٸكتٸڭ سىنىنا قالعان ەدٸ. ايتىس اۋىلدىڭ 100 جىلدىعىنا ارنالعان. ەلەۋمەتتٸك جەلٸدە اقىننىڭ ساحناداعى ەرەكەتٸ مەن ايتقان سٶزدەرٸنەن ٷزٸندٸ تاراعان. بٸرقاتار اقپارات قۇرالدارى ونىڭ ساحناعا ماس كٷيدە شىققانىن جازدى.
وسى وقيعادان كەيٸن ايتىس اقىندارى مەن جىرشى-تەرمەشٸلەر وداعىنىڭ تٶراعاسى امانجول ەلتاي اقىننىڭ الداعى التى اي بويى وداق ۇيىمداستىراتىن رەسمي ايتىستار مەن شارالارعا قاتىسا المايتىنىن مەلٸمدەدٸ.
ايتا كەتەيٸك, شايىر اۋىلىنداعى شارا ايتىس وداعىنىڭ رەسمي كٷنتٸزبەسٸنە ەنبەگەن. ونى جەرگٸلٸكتٸ ازاماتتار مەن جەكە دەمەۋشٸلەر ۇيىمداستىرعان. سوعان قاراماستان, وداق اقىننىڭ ساحناداعى ەرەكەتٸنە بايلانىستى تەرتٸپتٸك شەشٸم قابىلداعان.
ماقسات اقانوۆ كٸم?
ماقسات اسىلمۇراتۇلى اقانوۆ - قاراعاندى وبلىسىنان شىققان بەلگٸلٸ ايتىسكەر اقىن. ول ايتىس ساحناسىندا 25 جىلدان بەرٸ ٶنەر كٶرسەتٸپ كەلەدٸ.
اقىن 2018 جىلى ٶتكەن «التىن دومبىرا» رەسپۋبليكالىق ايتىسىندا ٷشٸنشٸ ورىن العان. ال 2023 جىلى «التىن دومبىرا» دوداسىندا باس جٷلدەنٸ يەلەندٸ. ول كەزدە جارىسقا ەلٸمٸزدٸڭ ەر ٶڭٸرٸنەن 16 اقىن قاتىسقان.
2025 جىلى ماقسات اقانوۆ سەمەيدە ابايدىڭ 180 جىلدىعىنا ارنالعان «ادامزاتتىڭ ابايى» رەسپۋبليكالىق ايتىسىندا دا باس جٷلدەگە يە بولدى.
