كەشە, 24 ماۋسىم كٷنٸ ەلەۋمەتتٸك جەلٸدە ايدالادا ٶرتەنگەن ەر ادامنىڭ ۆيدەوسى جەلٸنٸ دٷر سٸلكٸنتتٸ, دەپ حابارلايدى ult.kz.
ەر ادام الماتى قالاسى ەۋەزوۆ اۋداندىق پوليتسييا باسقارماسىندا اعا جەدەل ۋەكٸل قىزمەتٸن اتقارعان. اسلان ەلسەروۆ ەسٸمدٸ 37 جاستاعى قىزمەتكەر.
ونىڭ دەنەسٸ كٶكپەك – كٶكتال – كەگەن تاسجولىنان شامامەن 400 مەتر قاشىقتان تابىلعان. مۇنى پوليتسيياعا مال ٸزدەپ جٷرگەن شوپان حابارلاعان.
مەيٸت تٷگەلدەي جانىپ كەتكەن. ال وڭ قولىنان ٶرتەنگەن ارقاننىڭ قالدىقتارى تابىلعان.
تەرگەۋ دەرەگٸنشە, قىلمىس پوليتسەيدٸڭ قالاداعى پەتەرٸندە جاسالعان بولۋى مٷمكٸن. كەيٸن قىلمىستىڭ ٸزٸن جاسىرۋ ٷشٸن مەيٸتتٸ ٶرتەگەن. قازٸر مارقۇمنىڭ جۇبايى كٷدٸككە ٸلٸندٸ. ول دا بۇرىن پوليتسييا قىزمەتكەرٸ بولعان. ونىڭ ٸسكە قاتىسى بار-جوعى تەكسەرٸلٸپ جاتىر. ال 14 جاستاعى ۇلى كۋەگەر دەپ تانىلدى.
ٸس باستاپقىدا "كٸسٸ ٶلتٸرۋ" بابى بويىنشا تەرگەلگەن. كەيٸن اۋىر قىلمىس قۇرامىنا قايتا سارالانعان. قازٸر تەرگەۋ جٷرٸپ جاتىر.
