اقپارات جەنە قوعامدىق دامۋ مينيسترٸ ايدا بالاەۆا قازاقستاندىق جانكٷيەرلەردەن وليمپيادا ويىندارىنا قاتىسقان سپورتشىلاردىڭ بۇعان دەيٸنگٸ جەتٸستٸكتەرٸن باعالاۋعا شاقىردى.
ونىڭ ايتۋىنشا, قازٸر توكيو وليمپياداسىنداعى كەيبٸر سپورتشىنىڭ سەتسٸزدٸگٸنە كٶپشٸلٸك جاعىمسىز پٸكٸر جازىپ, تىم ەدٸلەتسٸز سىن ايتىپ جاتىر.
"ونىڭ ٸشٸندە بۇعان دەيٸنگٸ جارىستاردا ەلٸمٸزدٸڭ اتىن تٶرتكٷل دٷنيەگە تانىتىپ جٷرگەن تانىمال اتلەتتەرٸمٸزدٸڭ دە اتى اتالۋدا. 2016 جىلى ريو وليمپياداسىندا ۆاسيليي لەۆيتتٸڭ رينگتەگٸ ٶنەرٸنە بٷكٸل ەلٸمٸز تامساندى, وعان كٶرسەتٸلگەن ەدٸلەتسٸزدٸككە بٸرگە جانى اۋىردى. وسى جولى ۆاسيليي جەڭٸلدٸ, بٸراق ونىڭ وسى بەس جىل ٸشٸندە ەلٸمٸز ٷشٸن دايىندالىپ, كەزەكتٸ وليمپيادالىق تسيكلدەن ٶتٸپ, رينگكە قايتا شىعۋىنىڭ ٶزٸ قۇرمەتتەۋگە تۇرارلىق شەشٸم دەپ سانايمىن", - دەپ جازدى بالاەۆا.
سونداي-اق مينيستر توكيو وليمپياداسىنان كەيٸن سپورتتاعى كارەراسىن اياقتاعان ولگا رىپاكوۆا كەلەشەكتە شەكٸرت تەربيەلەيتٸنٸنە سەنٸم بٸلدٸردٸ.
"ولگا رىپاكوۆانىڭ دا سەتسٸزدٸگٸ مەن ونىڭ كەسٸبي كارەراسى اياقتالدى دەگەن اقپارات كٶڭٸلگە تٸپتٸ قاياۋ تٷسٸرەدٸ. ولگا - بٷكٸل سانالى عۇمىرىن وتاندىق سپورت جولىنا ارناپ, ەلٸمٸزدٸڭ اتىن تالاي مەرتە دٷبٸرلٸ دودالاردا اسقاقتاتقان بٸردەن بٸر جەڭٸل اتلەت", - دەدٸ مينيستر.
سوندىقتان قانداي جاعدايدا دا ۇلى سپورتشىلارىمىزدىڭ جەتٸستٸگٸ مەن جەڭٸسٸن ەشقاشان ۇمىتپاۋىمىز كەرەك. قيىن سەتتەردە قولداۋ كٶرسەتۋ ارقىلى عانا بٸز ولارعا سەنٸم ۇيالاتىپ, كەلەر كٷندەردٸڭ جەڭٸستەرٸنەن ٷمٸت ەتە الامىز, دەپ تٷيٸندەدٸ مينيستر.
ايتا كەتەتٸنٸ, جاپونييادا رىپاكوۆا ٷش اتتاپ سەكٸرۋدەن فينالعا شىعا المادى. بۇل -قازاقستاندىق سپورتشى مەدالسىز قايتقان جالعىز وليمپيادا. ول 2008 جىلى بەيجٸڭدە ٶتكەن وليمپيادادا تٶرتٸنشٸ ورىندى يەلەندٸ. الايدا ونىڭ بەسەكەلەستەرٸ دوپينگ قابىلداعانى انىقتالعاننان كەيٸن ولگاعا كٷمٸس مەدال تابىستالدى. 2012 جىلى لوندونداعى وليمپيادا ويىندارى كەزٸندە رىپاكوۆا چەمپيون اتانىپ, 2016 جىلى ريو-دە-جانەيرودان قولا جٷلدەمەن قايتتى.
ريو وليمپياداسىندا كٷمٸس جٷلدەنٸ جەڭٸپ العان ۆاسيليي لەۆيت توكيو وليمپياداسىندا نوكاۋتقا تٷستٸ.
