اقپارات جەنە قوعامدىق دامۋ مينيسترٸ ايدا بالاەۆا مەملەكەت باسشىسى قاسىم-جومارت توقاەۆتىڭ قازاقستان حالقىنا كەزەكتٸ جولداۋى تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«تەۋەلسٸزدٸگٸمٸز العاش جارييالانعاننان باستاپ ەلٸمٸزدەگٸ ٸشكٸ ساياسي تۇراقتىلىق مەن ەتنوسارالىق تاتۋلىق قاعيدالارى بٸزدٸڭ مەملەكەتتٸك ساياساتتىڭ باستى ۇستانىمى بولىپ كەلەدٸ. وسىنىڭ ارقاسىندا ەگەمەن ەلٸمٸز وسى 30 جىلداعى جاھاندىق دامۋدا جوتالى جەتٸستٸكتەر مەن بەدەرلٸ بيٸكتەردٸ تۇراقتى باعىندىرىپ كەلەدٸ. دەگەنمەن, جەتٸستٸككە جەتۋ بار دا, ونى سول دەڭگەيدە ۇستاپ تۇرۋ بار. بۇل تەك بيلٸك پەن حالىق اراسىندا ساۋاتتى دا سىندارلى بايلانىس ورناتا العان قوعامدا عانا بۇل مٷمكٸن بولادى. سوندىقتان دا مەملەكەت ەلەۋمەتپەن اراداعى وسى ديالوگتى ساقتاپ قانا قويماي, ٶزارا سەنٸم دەڭگەيٸن تٷسٸرمەي ونى ارى قاراي نىعايتا جەتٸلدٸرۋ ٷشٸن ٷنەمٸ قاجەتتٸ شارالاردى قابىلداپ كەلەدٸ. ونىڭ جارقىن بٸر مىسالى – قۇرىلعاننان بەرٸ ٸس-ەرەكەتٸمەن سەنٸم ٷدەسٸنەن شىعا بٸلگەن پرەزيدەنت جانىنداعى ۇلتتىق قوعامدىق كەلٸسٸم كەڭەسٸ.
بٷگٸنگٸ كٷنٸ بۇل تەك كونسۋلتاتيۆتٸ كەڭەس رەسۋرسى عانا ەمەس, مول ينتەلەكتۋالدى مٷمكٸندٸگٸ بار تيٸمدٸ ەرٸ ەلەۋەتتٸ قۇرىلىم. مەملەكەت باسشىسىنىڭ الدىڭعى جولداۋلارىندا ايتىلعان رەفورمالاردى نەتيجەلٸ دە تولىققاندى ٸسكە اسۋىنا تىڭ سەرپٸن بەرەتٸن كٷشكە اينالدى.
پرەزيدەنت بٷگٸنگٸ حالىققا ارناعان ٷشٸنشٸ جولداۋىندا دا ەلٸمٸزدە جٷرگٸزٸلٸپ جاتقان ساياسي جاڭعىرۋ رەفورمالارىن جٷيەلٸ جالعاستىرۋدىڭ ماڭىزدىلىعىنا ەرەكشە مەن بەردٸ. بۇل رەتتە, ەل باسشىسىنىڭ ۇلتتىق كەڭەس مٸنبەرٸندە كٶتەرگەن باستامالارى نەگٸزٸندە سەتتٸ ٸسكە اسقان ساياسي رەفورمالار پاكەتٸن اتاپ ٶتۋگە بولادى. سونىڭ نەتيجەسٸندە, قوعامدا قوردالانعان كٶپتەگەن ماڭىزدى قوعامدىق-ساياسي جەنە ەلەۋمەتتٸك-قۇقىقتىق مەسەلەلەر ٶز شەشٸمٸن تاپتى.
مىسالى, اۋداندىق دەڭگەيلەگٸ قالالار مەن اۋىل ەكٸمدەرٸن سايلاۋ رەفورماسى سونىڭ ايقىن دا جارقىن دەلەلٸ بولا الادى. ەلٸمٸزدٸڭ 14 ٶڭٸرٸندە قۇرىلعان 1 847 سايلاۋ ۋچاسكەلەرٸندە ٶتكەن اتالعان سايلاۋدا 2 297 ٷمٸتكەردٸڭ ٸشٸنەن ەل تۇرعىندارى 730 جەرگٸلٸكتٸ ەكٸمدەردٸ سايلاپ الدى. سونىڭ ٸشٸندە, ولاردىڭ 627-سٸ «اۋىل», «اق جول», حكپ, اDAL سىندى ساياسي پارتييالار ۇسىنعان ٷمٸتكەرلەردەن تاڭدالدى. مۇنىڭ ٶزٸ, مەملەكەت باسشىسىنىڭ باستاماسىمەن قولعا الىنعان رەفورمالاردىڭ ساياسي پارتييالار مەن ازاماتتىق قوعام الاڭىنداعى بەلسەندٸلٸكتٸ ودان ارى جانداندىرۋعا تىڭ سەرپٸن بەرگەنٸن كٶرسەتەدٸ.
سوندىقتان دا پرەزيدەنت بۇل باعىتتا قولعا الىنعان شارالاردىڭ دۇرىستىعىنا كەزەكتٸ رەت توقتالىپ, 2024 جىلى تۇرعىندارعا اۋدان ەكٸمدەرٸن سايلاۋعا مٷمكٸندٸك بەرٸلەتٸنٸن اتاپ ٶتتٸ.
مۇنىمەن قاتار, مەملەكەت باسشىسى, جەرگٸلٸكتٸ ٶزٸن-ٶزٸ باسقارۋدى جەتٸلدٸرۋ ٸسٸندە اۋىلدىق جەرلەردەگٸ ازاماتتىق باستامالارعا قولداۋ كٶرسەتۋدٸڭ ماڭىزدىلىعىنا نازار اۋدارىپ, گرانتتىق قارجىلاندىرۋ جٷيەسٸن بەيٸمدەۋدٸڭ تيٸمدٸ تەتٸگٸن ەزٸرلەۋدٸ تاپسىردى. سٶز جوق, اتالعان شارالاردىڭ بارلىعى دا ساياسي ساۋاتتى, دەموكراتييالىق تٷسٸنٸگٸ پٸسٸپ-جەتٸلگەن, ەلەۋمەتتٸك بەلسەندٸلٸگٸ جوعارى ازاماتتىق قوعام قۇرۋ جولىنداعى قارىمدى دا ارىندى قادام دەپ بٸلەمٸن» - دەپ جازدى مينيستر ەلەۋمەتتٸك جەلٸدەگٸ پاراقشاسىندا.
