فوتو: Informburo.kz
قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا رەسپۋبليكالىق «ايقىن» گازەتٸنە سۇحبات بەرٸپ, كينەماتوگرافييا سالاسىنداعى مەملەكەتتٸك ساياساتتىڭ نەگٸزگٸ باعىتتارىنا توقتالدى, دەپ حابارلايدى Ult.kz.
ايدا بالاەۆا سوڭعى ۋاقىتتا «قازاقفيلمگە» قاتىستى تٷرلٸ قاۋەسەت پەن سىني پٸكٸر جيٸلەپ كەتكەنٸن اتاپ ٶتتٸ. مينيستردٸڭ ايتۋىنشا, بۇل مەسەلەگە نٷكتە قويىلاتىن كەز كەلدٸ.
«بٸز «قازاقفيلمنٸڭ» بۇرىنعى داڭقىن قايتا قالپىنا كەلتٸرٸپ قانا قويماي, ونىڭ جاڭاشا دامۋىنا, تۇراقتى ٶركەندەۋٸنە تٸكەلەي مٷددەلٸمٸز. قازٸردٸڭ ٶزٸندە ناقتى قادامدار جاسالىپ جاتىر. زاڭنامالىق دەڭگەيدە مەملەكەتتٸك كينوقارجىلاندىرۋدىڭ جالپى كٶلەمٸنٸڭ كەمٸندە 30%-ى جىل سايىن «قازاقفيلمگە» باعىتتالاتىن تەتٸك ەنگٸزٸلدٸ», – دەدٸ مينيستر.
مينيستردٸڭ مەلٸمەتٸنشە, 2025 جىلى كينوستۋديياعا 336 ميلليون تەڭگە بٶلٸنگەن. سونىمەن قاتار, قوسىمشا قارجىلاندىرۋ جٷيەسٸ دە كەڭەيٸپ جاتىر. كينو تٷسٸرۋگە نيەتتٸ ازاماتتار ٶز جوباسى مەن قارجىسىنىڭ بەلگٸلٸ بٸر پايىزىن, مىسالى, 50 پايىزىن الىپ كەلسە, «قازاقفيلم» قالعان قاراجاتتى بٶلٸپ, بٸرلەسٸپ جۇمىس ٸستەيدٸ. بۇل رەتتە مەملەكەت قارجىسىنىڭ قايتارىمى بولۋى ٷشٸن پروكاتتاعى تابىسقا ەكٸ تاراپ تا مٷددەلٸ بولادى. مينيستر كينو جوبالاردى ٸرٸكتەۋ رەسٸمدەرٸنٸڭ اشىقتىعى مەن ەدٸلدٸگٸن ارتتىرۋعا ەرەكشە نازار اۋدارىلاتىنىن دا اتاپ ٶتتٸ.
«مەملەكەتتٸك قاراجات ساراپتاۋدان ٶتكەن, لايىقتى دەپ تانىلعان تۋىندىلارعا عانا بٶلٸنەدٸ. ساراپشىلار قۇرامى جاڭارتىلىپ, ٸرٸكتەۋ كريتەرييلەرٸ ناقتىلاندى. بۇل – جٷيەنٸڭ جەتٸلۋ جولىنداعى ماڭىزدى ٶزگەرٸستەردٸڭ بٸرٸ», – دەدٸ ول.
سونىمەن قاتار, «قازاقفيلم» ۇلتتىق فيلمدەردٸڭ حالىقارالىق دەڭگەيدە تانىلۋىنا دا كٷش سالىپ جاتىر. شەتەلدە ۇلتتىق كينو كٷندەرٸن ٶتكٸزٸپ, «ەۋرازييا» حالىقارالىق كينوفەستيۆالٸن ۇيىمداستىرۋ باعىتىندا بەلسەندٸ جۇمىس ٸستەي باستادى. كينوستۋدييا العاش رەت ٶزٸن-ٶزٸ اقتايتىن دەڭگەيگە جەتتٸ. بۇل – باسقارۋ ساپاسىنىڭ ارتقانىن بٸلدٸرەدٸ.
ايدا بالاەۆا كينوستۋدييانىڭ قازٸرگٸ باسشىلىعىنا قاتىستى سىندارعا دا جاۋاپ بەرٸپ, بۇل كەزەڭدە ۇجىمدى شىعارماشىلىق تۇلعا ەمەس, كەسٸبي مەنەدجەر باسقارۋى كەرەك ەكەنٸن اتاپ ٶتتٸ. ونىڭ ايتۋىنشا, قازٸرگٸ باسشى قىسقا ۋاقىت ٸشٸندە جوعارى نەتيجەلەرگە قول جەتكٸزدٸ, الايدا ونىڭ جۇمىسىنا قاتىستى نەگٸزسٸز سىندار ەلٸ دە ايتىلۋدا.
سۇحبات بارىسىندا مينيستر پيتچينگكە كەلٸپ تٷسكەن ٶتٸنٸمدەردٸڭ سانى ارتقانىن دا سٶز ەتتٸ. بۇل جاس تالانتتاردىڭ كٶبەيگەنٸن بٸلدٸرەدٸ. ەندٸ جوبانىڭ يدەياسىنا عانا ەمەس, ونىڭ پروكاتى مەن مەملەكەتتٸك قارجىنىڭ قايتارىمىنا دا باسىمدىق بەرٸلەدٸ.
مەملەكەت باسشىسىنىڭ تاپسىرماسى بويىنشا 2030 جىلعا قاراي كينوپروكاتتاعى ۇلتتىق فيلمدەردٸڭ ٷلەسٸن 35%-عا دەيٸن جەتكٸزۋ كٶزدەلگەن.
2024 جىلى مەملەكەتتٸك قارجىلاندىرۋ اياسىندا 16 ۇلتتىق فيلم پروكاتقا شىقتى, بيىل 6 فيلم كٶرسەتٸلدٸ, جىلدىڭ سوڭىنا دەيٸن تاعى 10-عا جۋىق كارتينا كٶرەرمەنگە جول تارتپاق.
سۇحبات سوڭىندا مينيستر شىعارماشىلىق قاۋىمداستىق ٶكٸلدەرٸن كەسٸبيلٸك پەن اشىقتىققا شاقىردى.
«مەدەنيەت داۋ-دامايدىڭ ەمەس, تىڭ يدەيا مەن اۋىزبٸرلٸكتٸڭ الاڭى بولۋى كەرەك. ەگەر بٸز حالىقارالىق دەڭگەيدە مويىندالاتىن كينو جاساعىمىز كەلسە, ەڭ الدىمەن, ٶز ٸشٸمٸزدە ەدٸلەتتٸلٸككە, تەرتٸپكە جەنە ورتاق جاۋاپكەرشٸلٸككە ٷيرەنۋٸمٸز كەرەك», – دەدٸ مينيستر.
مەدەنيەت جەنە اقپارات مينيسترلٸگٸ وتاندىق كينونى تۇراقتى قولداۋدى جالعاستىرادى, ماقسات – ەلدە بار ەلەۋەتتٸ جٷيەلٸ تٷردە قولداپ, وعان جول اشۋ.
