اقپارات جەنە قوعامدىق دامۋ مينيسترٸ ايدا بالاەۆا الماتى قالالىق قوعامدىق كەڭەس مٷشەلەرٸمەن كەزدەستٸ, دەپ حابارلايدى قازاقپارات.
كەزدەسۋ بارىسىندا «قوعامدىق كەڭەستەر تۋرالى» زاڭ جوباسىنا ەنگٸزٸلگەن ٶزگەرٸستەر تالقىلاندى.
«جىل باسىندا مەملەكەت باسشىسى اتالعان زاڭعا قول قويدى. قوعامدىق كەڭەستەردٸڭ ٶكٸلەتتٸگٸ كەڭەيدٸ. وسى زاڭ قابىلدانعان ۋاقىتتان بەرٸ قوعامدىق كەڭەستەردٸڭ جۇمىسىندا ايتارلىقتاي ٶزگەرٸستەر بولدى. ٶزدەرٸڭٸزگە مەلٸم, مەملەكەت باسشىسى قاسىم-جومارت توقاەۆ بيىلعى قازاقستان حالقىنا جولداۋىندا ازاماتتىق قوعامدى دامىتۋ مەسەلەسٸنە ايرىقشا توقتالدى. اتاپ ايتقاندا, جەرگٸلٸكتٸ ٶزٸن-ٶزٸ باسقارۋ جٷيەسٸن ودان ەرٸ جاڭعىرتۋدىڭ ماڭىزدى فاكتورى – ازاماتتىق مەدەنيەتتٸ دامىتۋ ەكەنٸن اتادى. ديالوگ پەن ازاماتتىق قاتىسۋ دەستٷرٸن دامىتۋ, ىنتىماقتاستىعىمىز بەن بٸرلٸگٸمٸزگە نەگٸز بولاتىن وزىق قۇندىلىقتاردى دەرٸپتەۋ - بٸز ٷشٸن ماڭىزدى. ەرينە, بۇل ٸستە بٸزگە تەۋەلسٸز ينستيتۋت رەتٸندە قالىپتاسقان قوعامدىق كەڭەستەردٸڭ قولداۋى قاجەت»,- دەدٸ مينستر.
سونداي -اق, ايدا بالاەۆا قوعامدىق كەڭەستەردٸڭ قىزمەتٸن جەتٸلدٸرۋ مەن ٷيلەستٸرۋ بويىنشا مينيسترلٸك تاراپىنان جٷرگٸزٸلٸپ جاتقان جۇمىستاردى ايتتى.
قوعامدىق كەڭەس مٷشەلەرٸمەن بٸرگە زاڭعا تەۋەلدٸ اكتٸلەر ەزٸرلەندٸ: قوعامدىق كەڭەس تۋرالى ٷلگٸ ەرەجە, قوعامدىق باقىلاۋدى ۇيىمداستىرۋ مەن جٷرگٸزۋ ەرەجەسٸ, قوعامدىق كەڭەستەر قۇرامى بويىنشا ۇسىنىمدار.
بۇل نورماتيۆتٸك اكتٸلەر تٷگەل مەسليحاتتارعا, ەكٸمدٸكتەرگە جەنە تٸكەلەي قوعامدىق كەڭەستەرگە جٸبەرٸلدٸ.
زاڭنامانىڭ نەگٸزگٸ ەرەجەلەرٸن تٷسٸندٸرۋ ٷشٸن بٸرقاتار ەدٸستەمەلٸك وقىتۋ سەمينارلارى ٶتكٸزٸلدٸ.
كۆازيمەملەكەتتٸك سەكتوردىڭ 12 سۋبەكتٸسٸندە قوعامدىق كەڭەس قۇرىلدى. «سامۇرىق قازىنا» قورىنىڭ قوعامدىق كەڭەسٸ قازٸر قۇرىلىپ جاتىر.
«بٷگٸنگٸ تاڭدا قازاقستاندا 249 قوعامدىق كەڭەس بار, ونىڭ 33-ٸ - رەسپۋبليكالىق, 216-سى - جەرگٸلٸكتٸ دەڭگەيدە. مينيسترلٸك «رۋحاني جاڭعىرۋ» ەلەۋمەتتٸك دامۋ ينستيتۋتىمەن جەنە ساراپشىلار قاۋىمداستىعىمەن بٸرگە قوعامدىق كەڭەس تۋرالى ۇلتتىق بايانداما ەزٸرلەپ جاتىر. كەشە عانا, 30 قىركٷيەكتە, اتالعان جوبانىڭ ساراپتامالىق تالقىلاۋى ٶتتٸ. سونىمەن قاتار, قوعامدىق كەڭەستەردٸڭ تۇرعىندارمەن كەرٸ بايلانىس مەحانيزمدەرٸن كٷشەيتۋ ٷشٸن «KAZKENES» اقپاراتتىق پورتالىن تانىمال ەتۋ بويىنشا جۇمىس جٷرگٸزٸلۋدە. ول ارقىلى ازاماتتار ەلٸمٸزدٸڭ بارلىق ايماقتارىنداعى قوعامدىق كەڭەستەرگە جٷگٸنە الادى «, - دەدٸ ول.
ەسكە سالايىق, بيىلعى 3 قاڭتاردا مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قوعامدىق كەڭەستەردٸڭ قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى.
