قىرعىزستاننىڭ بۇرىنعى پرەزيدەنتٸ المازبەك اتامباەۆتى 29 قاراشادا قىلمىستىق توپ جەتەكشٸسٸ ازيز باتۋكاەۆتى تٷرمەدەن زاڭسىز بوساتۋ ٸسٸ بويىنشا سوت وتىرىسىنا العاش رەت مەجبٷرلەپ جەتكٸزدٸ. بۇل تۋرالى اتامباەۆتىڭ ادۆوكاتى سەرگەي سلەسارەۆ حابارلادى.
"مەجبٷرلەپ ەكەلدٸ, بٸراق ول قارسىلاسقان جوق. قازٸر ول سوت زالىندا ەمەس, كابينەتتە وتىر" دەدٸ سلەسارەۆ ازاتتىقتىڭ قىرعىز قىزمەتٸنە.
بۇعان دەيٸن اتامباەۆ سوت پروتسەسٸنە قاتىسۋدان باس تارتاتىنى تۋرالى بٸرنەشە رەت مەلٸمدەگەن. سوت تىڭداۋى قازاندا اتامباەۆتىڭ قاتىسۋىنسىزز باستالعان.
سوتتا قارالىپ جاتقان قىلمىستىق ٸس اياسىندا 63 جاستاعى اتامباەۆقا قىرعىزستان پارلامەنتٸ دەپۋتاتى مەن پوليتسييا قىزمەتكەرٸن ٶلتٸرۋ سيياقتى بٸرنەشە اۋىر قىلمىسقا ايىپتى دەپ تانىلىپ, ۇزاق جىلعا سوتتالعان ازيز باتۋكاەۆتى 2013 جىلى تٷرمەدەن زاڭسىز بوساتۋعا بايلانىستى ايىپتار تاعىلعانى تۋرالى تامىزدا سوتتا جارييالانعان.
2013 جىلى 9 سەۋٸردە نارىن قالاسىنىڭ سوتى دەرٸگەرلەردٸڭ "جازىلمايتىن دەرتكە شالدىققان" دەگەن قورىتىندىسى نەگٸزٸندە ازيز باتۋكاەۆتى تٷرمەدەن مەرزٸمٸنەن بۇرىن بوساتقان.
قازٸر سوت قاراپ جاتقان قىلمىستىق ٸس بويىنشا بٸرنەشە بۇرىنعى لاۋازىمدى شەنەۋنٸك پەن مەديتسينا قىزمەتكەرلەرٸنە ايىپتار تاعىلعان. بۇل ٸس بويىنشا بارلىعى 19 كٷدٸكتٸ بولعان. بۇرىنعى پرەزيدەنتتٸڭ ادۆوكاتى سەرگەي سلەسارەۆتٸڭ ازاتتىقتىڭ قىرعىز قىزمەتٸنە ايتۋىنشا, تەرگەۋ قۇجاتىندا 14 ادام "قىلمىسقا قاتىسۋشىلاردى ەشكەرەلەۋگە كٶمەكتەسۋگە كەلٸسكەندەر" دەپ كٶرسەتٸلگەن.
اتامباەۆ ٶزٸنە تاعىلعان ايىپتاردى جوققا شىعارىپ, مويىنداۋدان باس تارتقان. ەگەر سوت ونى ايىپتى دەپ تانىسا, اتامباەۆ 15 جىلعا دەيٸنگٸ مەرزٸمگە بوستاندىعىنان ايىرىلۋى مٷمكٸن. بٸشكەكتٸڭ ٸرگەسٸندەگٸ ٷيٸنە ٶزٸن تەرگەۋگە مەجبٷرلەپ جەتكٸزۋ ماقساتىمەن بارعان ميليتسييا جاساعىنا جاقتاستارىمەن بٸرگە ەكٸ كٷن بويى قارسىلاسقاننان كەيٸن اتامباەۆ بيىل 8 تامىزدا ۇستالىپ, قاماۋعا الىنعان. وعان دەيٸن ٸشكٸ ٸستەر مينيسترلٸگٸ ٷش رەت شاقىرعانىمەن, بۇرىنعى پرەزيدەنت تەرگەۋگە بارۋدان باس تارتقان.
