الماتى قالاسىنىڭ المالى اۋداندىق سوتىندا زاڭگەر ەرٸ بلوگەر ەدٸلەتحان مولداحانعا قاتىستى سوت پروتسەسٸ باستالدى. ول «كٶرٸنەۋ جالعان اقپارات تاراتتى» دەگەن ايىپ بويىنشا جاۋاپقا تارتىلىپ وتىر, دەپ حابارلايدى ult.kz.
سوت وتىرىسى بارىسىندا ول ٶزٸنە تاعىلعان ايىپتى تولىق مويىندايتىنىن ايتتى.
ٸس بويىنشا جەبٸرلەنۋشٸ رەتٸندە الماتى قالالىق پوليتسييا دەپارتامەنتٸ باسشىسىنىڭ بۇرىنعى ورىنباسارى ەرجان ۇزاباەۆ پەن ەكٸمشٸلٸك پوليتسييا باسقارماسىنىڭ باسشىسى سەرٸك شۇماەۆ تانىلعان. ەرجان ۇزاباەۆتىڭ مٷددەسٸن قورعاۋشى تاراپ ايىپتالۋشىدان 10 ميلليون تەڭگە كٶلەمٸندە مورالدىق ٶتەماقى جەنە 1 ميلليون تەڭگە سوت شىعىندارىن ٶندٸرٸپ بەرۋدٸ سۇرادى.
ايىپتالۋشىنىڭ قورعاۋشىلارى سوتتان ونى ٷيقاماققا اۋىستىرۋدى جەنە تاراپتاردى مەدياتسييا تەرتٸبٸمەن تاتۋلاستىرۋ مٷمكٸندٸگٸن قاراستىرۋدى ٶتٸنگەن. الايدا سۋديا ەرلان قاسىمبەك بۇل ٶتٸنٸشتٸ قاناعاتتاندىرماي, بۇلتارتپاۋ شاراسىن ٶزگەرتۋدەن باس تارتتى. ال پروتسەسسۋالدىق كەلٸسٸم جاساۋ مەسەلەسٸ پروكۋراتۋرانىڭ قاراۋىنا جٸبەرٸلدٸ.
ەسكە سالا كەتەيٸك, بۇعان دەيٸن ەدٸلەتحان مولداحان ەل-فارابي داڭعىلىندا بولعان رەزونانستى جول-كٶلٸك وقيعاسىنا جوعارى لاۋازىمدى تۇلعالاردىڭ بالالارى قاتىسى بولۋى مٷمكٸن ەكەنٸن جەنە زاڭسىز تٷنگٸ اۆتوجارىستاردىڭ فاكتٸلەرٸن پوليتسييا جاسىرىپ وتىر دەپ مەلٸمدەگەن بولاتىن. وسى جارييا مەلٸمدەمەلەرٸنەن كەيٸن ول ناۋرىز ايىندا قاماۋعا الىنعان.
ٸس بويىنشا كەلەسٸ سوت وتىرىسى 16 ماۋسىمعا بەلگٸلەندٸ.
