دٷيسەنبٸ كٷنٸ كەشكە قازاقستان فۋتبول فەدەراتسيياسىنىڭ پرەزيدەنتٸ ەدٸلبەك جاقسىبەكوۆ شۇعىل جيىن ٶتكٸزٸپ, ەدٸلەتتٸ ويىندى ساقتاۋ كوميتەتٸنٸڭ وتىرىسىن ۇيىمداستىرۋدى ۇسىندى, دەپ حابارلايدى "ۇلت اقپارات".
فەدەراتسييانىڭ باسپاسٶز قىزمەتٸنەن مەلٸم ەتكەندەي, جيىندا قازاقستاندىق بٸرقاتار فۋتبولشىنىڭ ادال ويىن تالاپتارىن بۇزعاندىعى تالقىلاندى.
«ەڭ الدىمەن, ۋەفا-دان تٷسكەن اقپارات تۋرالى ايتىلدى. سپورت سالاسىندا اقپارات جيناپ, تالداۋ جاسايتىن Sportradar كورپوراتسيياسى ەۋروپالىق فۋتبول قاۋىمداستىعىنا قازاقستاندىق كەسٸپقوي فۋتبول كلۋبتارىنىڭ ويىندارىندا سپورتتىق تارتىستىڭ قاعيدالارى ساقتالمايتىنىن حابارلاعان. Sportradar كورپوراتسيياسى - بەس تٸگۋدە كٷمەندٸ مەلٸمەتتەردٸ تالدايتىن ساراپتامالىق ۇيىم. بٸرٸنشٸ ليگا كوماندالارى اراسىندا قازاقستان بٸرٸنشٸلٸگٸنٸڭ ويىندارى سول مەلٸمەتتەرگە ٸلٸككەن. «اقتٶبە» فۋتبول كلۋبىنىڭ جانىنان قۇرىلعان «اقتٶبە-جاس» جاستار كومانداسىنىڭ وسى ٸسكە قاتىسى بار ەكەنٸ انىقتالعان», - دەلٸنگەن تاراتىلعان حابارلامادا.
جيىنعا «اقتٶبە» كومانداسىنىڭ باس ديرەكتورى سامات سماقوۆ تا شاقىرىلعان.
«سونىمەن قاتار, تالدىقورعاندىق «جەتٸسۋ ب» كومانداسىنىڭ ويىنشىسىنىڭ دە وسى ٸسكە قاتىسى بار ەكەنٸ انىقتالدى. ەدٸلەتتٸ ويىندى ساقتاۋ كوميتەتٸنٸڭ وتىرىسى جاقىن ارادا ٶتەدٸ», - دەدٸ قر فۋتبول فەدەراتسيياسىنان.
ەسكە سالساق, وسىدان بٸرنەشە كٷن بۇرىن ە.جاقسىبەكوۆ كلۋبتار مەن تٶرەشٸلەرگە ٷندەۋ جولداپ, ەدٸل ويىن پرينتسيپتەرٸن قاتاڭ ساقتاۋعا شاقىرعان بولاتىن.
ٶز كەزەگٸندە «اقتٶبە» فك باس ديرەكتورى سامات سماقوۆ كلۋب ٶكٸلدەرٸنٸڭ كەلٸسٸلگەن ماتچتارعا قاتىسقاندىعىن راستادى. ونىڭ مەلٸمدەمەسٸ كلۋبتىڭ رەسمي سايتىندا ورنالاستىرىلعان.
«ٶكٸنٸشكە وراي, مەن بٸرنەشە ويىنشىنىڭ كەلٸسٸلگەن ماتچتارعا قاتىسقاندىعى تۋرالى اقپاراتتى راستاۋعا مەجبٷرمٸن. ەڭگٸمە بٸرٸنشٸ جەنە ەكٸنشٸ ليگا ماتچتارى جايلى. وسىعان وراي, بارلىق «اقتٶبە» جانكٷيەرلەرٸنە قاراتا ايتقىم كەلەدٸ. «اقتٶبە» ەمبلەماسىن تٶسٸنە تاعىپ جٷرگەن فۋتبولشىلار كەلٸسٸلگەن ماچتارعا قاتىسادى دەگەن ٷش ۇيىقتاسام تٷسٸمە كٸرمەپتٸ. بۇل مەن ٷشٸن ٷلكەن شوك بولدى.
بٷگٸن قازاقستان فۋتبول فەدەراتسيياسىندا بولدىم. ول جاقتا بارلىق جاعدايدان حاباردار, جٸتٸ باقىلاۋدا ۇستاپ وتىر. قىسقاسى – بەرٸ «جەتٸسۋ-ب» كومانداسىنىڭ كاپيتانىنان باستالدى. ول «اقتٶبە-جاس» جەنە «اقتٶبە-ج» ويىنشىلارىمەن بايلانىسقا شىققان, تٸپتٸ وسىندا كەلگەن. ٶزارا بٸرنەشە كەزدەسۋ بولعان. بۇنىڭ بەرٸ ۋكراينا ەلٸنٸڭ ادامدارىنىڭ باقىلاۋىندا بولعان. كٷمەن جاز بەل ورتاسىنا كەلگەن كەزدە تۋىنداي باستاعان ەدٸ. بٸراق بٸز ناقتى بٸر دەلەل بولماعاندىقتان ەشقانداي كٸنە ارتا المادىق. قازٸرگٸ ۋاقىتتا دەلەلدەر بار – ويىنشىلاردىڭ ٶز كٸنەلارىن مويىنداپ جازعان تٷسٸنٸكتەمەلەرٸ الىندى. ەڭ قىنجىلتاتىنى – وسىنىڭ بەرٸن بٸز ٷلكەن سەنٸم ارتىپ كەلگەن ٶزٸمٸزدٸڭ جەرگٸلٸكتٸ ويىنشىلارىمىز جاسادى. ونىڭ ٷستٸنە, كلۋبتىڭ دەل وسىنداي قيىن كەزەڭٸندە ولاردىڭ وسىنداي لاس قادامعا بارىپ وتىرعاندارى كٶڭٸلگە ٷلكەن قاياۋ تٷسٸرەدٸ», - دەدٸ س.سماقوۆ.
