فوتو: ماڭعىستاۋ وبلىسى ەكٸمدٸگٸنٸڭ باسپاسٶز قىزمەتٸ
25 قاڭتاردا اقتاۋداعى دوستىق ٷيٸندە ۇلتتىق زيياتكەرلٸك مەنشٸك ينستيتۋتىنىڭ, اۋىل شارۋاشىلىعى مينيسترلٸگٸ مەن ەدٸلەت مينيسترلٸگٸنٸڭ ٶكٸلدەرٸ «اسىل تۇقىمدى «اداي» جىلقىسى» زاڭدى تۇلعالار مەن جەكە كەسٸپكەرلەر بٸرلەستٸگٸنە «اداي جىلقىسى» برەندٸن پايدالانۋدىڭ ايرىقشا قۇقىعىن راستايتىن كۋەلٸك تابىس ەتتٸ. وسىلايشا «اداي» تۇقىمدى قازاق جىلقىسىنىڭ ەرەكشە قاسيەتتەرٸ ەندٸ زاڭدى تٷردە بەكٸتٸلدٸ, - دەپ حابارلايدى "ۇلت اقپارات" ماڭعىستاۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
2022 جىلدىڭ قاراشا ايىندا قازاقستان پرەزيدەنتٸ قاسىم-جومارت توقاەۆ ماڭعىستاۋ وبلىسىنا جۇمىس ساپارى بارىسىندا اداي جىلقىسىن دەربەس تۇقىم رەتٸندە عىلىمي تانۋدى تاپسىرعان بولاتىن.
«ول ٷشٸن ماڭعىستاۋعا قازاق مال شارۋاشىلىعى جەنە جەم-شٶپ ٶندٸرۋ عىلىمي-زەرتتەۋ ينستيتۋتىنىڭ ماماندارى كەلدٸ. ساراپشىلار زاماناۋي تەحنولوگييالاردى قولدانا وتىرىپ, جىلقىلاردىڭ گەنەتيكالىق قۇرىلىمىن انىقتاۋ ٷشٸن ولاردى عىلىمي سىناقتان ٶتكٸزدٸ», - دەلٸنگەن حابارلامادا.
ۇلتتىق زيياتكەرلٸك مەنشٸك ينستيتۋتى ديرەكتورىنىڭ ورىنباسارى ايدىن ارتىقوۆا زەرتتەۋ جۇمىستارىنىڭ نەتيجەلەرٸن ەسكەرە وتىرىپ, قازاقتىڭ اداي جىلقىسىنىڭ ەرەكشەلٸكتەرٸ ەندٸ زاڭدى تٷردە قورعالعانىن ايتتى. بۇل ٶز كەزەگٸندە جىلقى ٶسٸرۋشٸلەرگە اداي جىلقىسى تۇقىمىن ساقتاۋ, ٶسٸرۋ جەنە ناسيحاتتاۋ ٷشٸن تيٸمدٸ بولماق, سونىمەن قاتار ۇلتتىق ويىنداردى, سونىڭ ٸشٸندە كٶكپار مەن بەيگەنٸ ناسيحاتتاۋعا ىقپال ەتپەك.
«ۇلتتىق زيياتكەرلٸك مەنشٸك ينستيتۋتى ەرقاشان ۇلتتىق برەندتەردٸڭ قورعالۋى مەن ساقتالۋىن مۇقييات قاداعالايدى. «قازپاتەنت» گەوگرافييالىق ەرەكشەلٸگٸنە قاراي الماتى اپورتىنان كەيٸن «اداي» جىلقىسىنىڭ تۇقىمىن پاتەنتتەدٸ. تۇقىمنىڭ جاڭاشىلدىعى, ەرەكشەلٸگٸ مەن بٸرتەكٸتٸلٸگٸ, سونىمەن قاتار عىلىمي, پاتەنتتٸك كريتەرييلەرگە سەيكەستٸك ونىڭ ۇلتتىق برەندكە اينالۋىنا مٷمكٸندٸك بەردٸ. ايرىقشا قۇقىقتاردان باسقا پاتەنت يەسٸنە 30 جىلدىق قاۋٸپسٸزدٸك مەرزٸمٸ بەرٸلەدٸ. پاتەنتتەر تەك «اداي» تۇقىمىنا عانا ەمەس, ونىڭ 2 تيپٸمەن مەن 3 جەلٸسٸنە دە بەرٸلدٸ» - دەدٸ ايدىن ارتىقوۆا.
