بٷگٸن ٷكٸمەت وتىرىسىندا اقپارات جەنە قوعامدىق دامۋ مينيسترٸ ايدا بالاەۆا «ۇلتتىق رۋحاني جاڭعىرۋ» جوباسىنىڭ مٸندەتتەرٸن تٷسٸندٸردٸ, دەپ حابارلايدى قازاقپارات.
«ۇلتتىق رۋحاني جاڭعىرۋ» جوباسىنىڭ باستى ماقساتى – عاسىرلار بويى قالىپتاسقان ۇلتتىق كودتى ساقتاپ, بٷگٸنگٸ تەحنولوگييالىق زاماننىڭ اعىمىنا بەيٸمدەپ, بولاشاقتاعى ٶركەنيەتتٸك سانانىڭ نەگٸزٸن بەكٸتۋ.
«وسى رەتتە, ۇلتتىق جوبا نەگٸزگٸ ٷش باعىتتا جٷزەگە اسىرىلادى. بٸرٸنشٸ باعىت ەكٸ نەگٸزگٸ مٸندەتتٸ كٶزدەيدٸ. بۇل – ەلباسى مەن مەملەكەت باسشىسىنىڭ يدەيالىق باستامالارى نەگٸزٸندە ٸسكە اسىپ جاتقان «رۋحاني جاڭعىرۋ» باعدارلاماسىنا جاڭا لەپ بەرۋ ارقىلى ۇلتتىق قۇندىلىقتارىمىزدى ٸلگەرٸلەتۋ جەنە مەملەكەتتٸك تٸلدٸ دامىتۋ», - دەدٸ بالاەۆا.
اتاپ ايتقاندا:
- حالىق اراسىندا ۇتىمدى سالت-دەستٷر مەن ەدەت-عۇرىپتاردى, ەلدٸك تەلٸم-تەربيە مەن رۋحاني ٷستەمدٸكتٸ دەرٸپتەۋ جەنە قوعامدىق سانانىڭ مەدەني دەڭگەيٸ مەن تالعامىن كٶتەرۋ ارقىلى ٶركەنيەت كٶشٸنە ٸلەسەتٸن, بەسەكەگە قابٸلەتتٸ جاڭا ۇلت كەلبەتٸن جاساۋ;
- جالپى قوعامدا, سونىڭ ٸشٸندە بالالار مەن جاستار اراسىندا قازاقتٸلدٸ ورتا قالىپتاستىرۋ ارقىلى مەملەكەتتٸك تٸلدٸ – ۇلتارالىق تٸل دەرەجەسٸنە جەتكٸزۋ.
«بۇل مٸندەتتەردٸ ورىنداۋ ٷشٸن 2025 جىلعا دەيٸن قارجىلىق جاعىنان نەگٸزدەلٸپ, ٶزارا بٸرٸكتٸرٸلگەن 38 اۋقىمدى ٸس-شارا مەن 8 ناقتى كٶرسەتكٸشكە جەتۋ جوسپارلانعان. ەكٸنشٸ باعىت «ەل رۋحى» دەگەن اتاۋمەن ەكٸ ٷلكەن مٸندەتتەن تۇرادى. بۇل – ەل ٸشٸندە مەدەني قىزمەتتەردٸڭ ساپاسىن كٶتەرٸپ, حالىققا قولجەتٸمدٸلٸگٸن ارتتىرۋ جەنە ەل سىرتىندا وتاندىق مەدەنيەتتٸ دەرٸپتەپ, تانىمال ەتۋ», - دەدٸ مينيستر.
وسى ورايدا 2025 جىلعا دەيٸن:
- مەدەني ينفراقۇرىلىمدى دامىتۋ مەن شىعارماشىلىق پوتەنتسيالدى بارىنشا ارتتىرۋ ارقىلى مەدەني قىزمەتتەردٸڭ ەلٸمٸزدٸڭ شالعاي اۋدان-اۋىلدارداعى قولجەتٸمدٸلٸگٸن 92,5%-عا دەيٸن جەتكٸزۋ;
- تٶل مەدەنيەت پەن ٶنەرٸمٸزدٸڭ جەتٸستٸكتەرٸن ەلەمدٸك دەڭگەيدە ٸلگەرٸلەتۋ ٷشٸن وتاندىق ٶنٸمدەردٸ شىعارماشىلىق جەنە تەحنولوگييالىق تۇرعىدا تاراتۋدىڭ تيٸمدٸ جٷيەسٸن قالىپتاستىرۋ.
بۇل ماقساتتا ٸرٸكتەلگەن 13 جالپىۇلتتىق ٸس-شارا مەن 5 ناقتى كٶرسەتكٸشكە جەتۋ جوسپارلانعان, ونىڭ ٸشٸندە 250 جاڭا مەدەني نىسان سالىنىپ, 1200 نىسان كٷردەلٸ جٶندەۋدەن ٶتەتٸن بولادى.
«ٷشٸنشٸ باعىت «تەۋەلسٸزدٸك ۇرپاقتارى» دەپ اتالادى. ول – جاستاردىڭ رۋحاني كەمەلدەنٸپ, كەسٸبي ٶسٸپ, قوعامدىق جەتٸلۋٸن كٶزدەيتٸن ٷش اۋقىمدى مٸندەتتٸ قامتيدى», - دەپ تٷسٸندٸردٸ ۆەدومستۆو باسشىسى.
سونىمەن قاتار 2025 جىلعا دەيٸن:
- جاستاردىڭ بازالىق سۇرانىستارىن شەشۋ, ياعني, ساپالى جەنە قولجەتٸمدٸ بٸلٸم بەرۋ, جۇمىسقا ورنالاستىرۋ جەنە تۇرعىن ٷيمەن قامتاماسىز ەتۋ;
- جاستاردىڭ جان-جاقتى دامۋىنا قۇقىقتىق جاعدايلار جاساپ, رۋحاني-ادامگەرشٸلٸك جەنە وتباسىلىق قۇندىلىقتارعا باۋلۋ;
- جاستاردى قوعامدىق پايدالى ٸستەرگە تارتىپ, بەسەكەگە قابٸلەتتٸ ادامي كاپيتالدىق رەسۋرسىن ۇلعايتۋ ٷشٸن جاڭا مٷمكٸندٸكتەر اشۋ.
بۇل باعىتتا ۇزىن سانى ماسشتابتى 15 جالپىۇلتتىق ٸس-شارا مەن 8 ناقتى كٶرسەتكٸشكە جەتۋ جوسپارلانعان, ونىڭ ٸشٸندە NEET ساناتىنداعى جاستارمەن جۇمىسقا ەرەكشە كٶڭٸل بٶلٸنەدٸ.
«ۇلتتىق جوبا تۇتاستاي قوعامدىق سانانى جاڭعىرتۋ اياسىندا ستراتەگييالىق مٸندەتتەردٸ شەشۋدە بٸرقاتار جالپىۇلتتىق يدەولوگييالىق مەسەلەلەرگە لايىقتى جاۋاپ بەرەتٸن قۇجات دەپ ەسەپتەيمٸز», - دەدٸ ايدا بالاەۆا.
