بٷگٸن وتاندىق تەلەارنالاردا كٶرسەتٸلگەن باق ٶكٸلدەرٸنە سۇحبات بارىسىندا قازاقستان پرەزيدەنتٸ نۇرسۇلتان نازارباەۆ ەلٸمٸزدەگٸ دٸني احۋالعا توقتالدى, دەپ حابارلايدى "ۇلت اقپارات".
«قازٸرگٸ زاماندا دٸني احۋال ىلعي دا كٶز الدىمىزدا بولۋى كەرەك. سيرييادا بولىپ جاتقان, بٸزدٸڭ ٸشٸمٸزدە دە بولىپ جاتقان جاعدايلاردى كٶرٸپ وتىرسىزدار. ەنەۋ كٷنٸ بارلىق مولدالارمەن كەزدەسكەنٸمدە ونى ايتقانمىن. جاقىندا ولاردىڭ باس قوسۋى بولىپ, جاڭادان مٷفتي سايلاندى. ول جەردە دە ايتتىم. بٸز, قازاقستاندىقتار - زييالى قاۋىمبىز, ەلمٸز», - دەدٸ ەلباسى.
قازاقستان پرەزيدەنتٸ دٸن مەسەلەسٸ مەملەكەتتەن بٶلەك تۇراتىندىعىن اتاپ ٶتتٸ.
«دەگەنمەن ونى باسقارماسا بولمايدى. سوندىقتان ول جاقتا نە ايتىلىپ جاتقانىن, كٸم مەشٸت سالىپ جاتقانىن ەگجەي-تەگجەيلٸ بٸلٸپ وتىرۋ ٷشٸن مينيسترلٸك قۇرىلدى. ەكەسٸنٸڭ اتىنان مەشٸت سالادى, ونىڭ ٸشٸندە نە ايتىپ جاتقانىن ەشكٸم بٸلمەيدٸ. بٸز - مەملەكەتپٸز. مەملەكەت بولعاننان كەيٸن ونىڭ بارلىعىن قاداعالاۋىمىز كەرەك», - دەدٸ نۇرسۇلتان نازارباەۆ.
مەملەكەت باسشىسى قازاق ەيەلدەرٸ ەش ۋاقىتتا قارا كيٸم كيٸپ, تۇمشالانىپ جٷرمەگەندٸگٸن باسا ايتتى.
«ەيەلدەردٸ ەكٸنشٸ سورتتاعى ادام سانايتىن ەل ەمەسپٸز. ونى دا قاراۋ كەرەك. ساقالى بەلٸنە تٷسكەن ادامداردىڭ جالاڭاياق شورتىمەن جٷرگەنٸ دە بٸزگە جارامايدى. دٸندە اتا-بابامىزدان قالعان جولىمىز بار. سونىمەن جٷرۋٸمٸز كەرەك. مەنٸڭ ايتارىم, بارلىق مەملەكەتتەردە دٸن جۇمىسى مەملەكەت قولىندا. ول - تٷركييادا دا, ساۋد ارابيياسىندا دا, ناعىز مۇسىلمانبىز دەگەن اراب ەلدەرٸندە دە بار. بٸز دە قاداعالاپ وتىرۋىمىز كەرەك», - دەدٸ مەملەكەت باسشىسى.
قازاقستان پرەزيدەنتٸ بٷگٸندە ەلٸمٸزدە ٷش مىڭعا جاقىن مەشٸت اشىلعاندىعىن ەسكە سالدى.
«بارام دەگەنٸ بارادى, قاي دٸنگە باراتىنىن ٶزٸ بٸلەدٸ. دەگەنمەن, ەلٸمٸزدە ەشقانداي بٷلٸك شىعارماۋى كەرەك. باسقا اعىمعا, باسقا شارۋاعا دٸندٸ بۇرىپ ەكەتٸپ, بٷلٸك شىعاراتىن تەرروريستەر شىقپاۋى تيٸس», - دەپ باسا ايتتى ەلباسى.
