بەلگٸلٸ زاڭگەر ابزال قۇسپان قازاقستاندا 1 ملن تەڭگەگە جالعان كۋەلٸك ٸستەتٸپ, 2 ملن-عا 140 بالل الۋعا بولاتىنىن جەتكٸزدٸ. بۇل تۋرالى ادۆوكات "Qasqa Jol" باعدارلاماسىنا بەرگەن سۇحباتىندا ايتتى دەپ حابارلايدى KAZ.NUR.KZ.
ادۆوكاتتىڭ سٶزٸنشە, زاڭگەر تۇرسىنبەك قاباتوۆتىڭ قىزىنىڭ ۇلتتىق بٸرىڭعاي تەستٸلەۋگە جالعان قۇجاتپەن كٸرگەنٸ تۋرالى ەلگە جارييا ەتكەن سوڭ وعان تەستٸلەۋدەگٸ تٷرلٸ زاڭسىزدىقتار تۋرالى حاتتار كەلە باستاعان.
«مەن ۇبت-تا زاڭسىز جولمەن جوعارى بالل الۋدىڭ ورتاشا باعاسىن بٸلٸپ قويدىم. 1,5 – 2 ملن تەڭگەڭ بولسا سٸز 120-140 بالل الىپ شىعاسىز. كەپٸلدٸگٸمەن. ال بىلاي قاراساڭىز سول ۇبت بولاتىن جەردە ۇلتتىق قاۋٸپسٸزدٸك قىزمەتٸنەن باستاپ بارلىق قۇقىق قورعاۋ ورگاندارى جٷرەدٸ. كامەرالار ورناتىلعان. سونىڭ ٶزٸندە جولىن تابۋعا بولادى ەكەن. بۇل رەسپۋبليكا بويىنشا قانات جايعان مەسەلە»,- دەدٸ ابزال قۇسپان.
ادۆوكات سونىمەن بٸرگە قازاقستاندا جالعان كۋەلٸك دايىنداۋ يندۋستريياسى قاتتى دامىپ كەتكەنٸن مەلٸمدەدٸ.
«جالعان قۇجات ەزٸرلەۋ ٶتە وڭاي بولىپ كەتتٸ. قازٸر ونىمەن اينالىساتىن قىلمىستىق توپتار بەلگٸلٸ بولىپ جاتىر. مەنٸڭ ەستۋٸمشە, 1 ملن تەڭگەنٸڭ تٶڭٸرەگٸندەگٸ اقشاعا جەكە كۋەلٸك دايىنداتا الاسىز», - دەپ ايتتى ول.
ەسكە سالساق, بەلگٸلٸ ەزٸلكەش تۇرسىنبەك قاباتوۆتىڭ قىزى ەدەمٸ امانعاليدىڭ ورنىنا ۇلتتىق بٸرىڭعاي تەستٸلەۋگە ٶزگە ادامنىڭ جالعان كۋەلٸكپەن كٸرگەنٸن قۇقىق قورعاۋ ورگاندارى 15 ماۋسىمدا انىقتاعان. الايدا ونى ەلەۋمەتتٸك جەلٸگە «سەنٸمدٸ دەرەككٶزدەردٸڭ» بەرۋٸمەن ابزال قۇسپان جاقىندا سالدى.
