نۇرسۇلتان نازارباەۆ قازاقستانعا رەسمي ساپارمەن كەلگەن ابۋ-دابيدٸڭ تاق مۇراگەرٸ, بٸرٸككەن اراب ەمٸرلٸكتەرٸنٸڭ قارۋلى كٷشتەرٸ جوعارعى باس قولباسشىسىنىڭ ورىنباسارى, شەيح مۇحاممەد بەن زايد ەل ناھايانمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
رەسمي قارسى الۋ رەسٸمٸ اياقتالعاننان كەيٸن تاراپتار ەكٸ ەل اراسىنداعى ىنتىماقتاستىق پەن بايلانىستاردى ودان ەرٸ دامىتۋدىڭ ٶزەكتٸ مەسەلەلەرٸن تالقىلادى.
ەڭگٸمەلەسۋ بارىسىندا مەملەكەت باسشىسى قازاقستان مەن بٸرٸككەن اراب ەمٸرلٸكتەرٸ اراسىندا بەرٸك دوستىق قارىم-قاتىناس ورناعانىن ايتىپ, تاق مۇراگەرٸنە جۇمىس كەستەسٸنٸڭ تىعىزدىعىنا قاراماستان, ەلٸمٸزگە رەسمي ساپارمەن كەلگەنٸ ٷشٸن ريزاشىلىق بٸلدٸردٸ.
– ەكٸ جاقتى دوستىق قاتىناستاردىڭ ارقاسىندا ەلدەرٸمٸزدٸڭ بيزنەس جەنە مەملەكەتتٸك قۇرىلىمدارى اراسىنداعى ىنتىماقتاستىق دامىپ كەلەدٸ. ساۋدا-ساتتىق كٶلەمٸ 2 ەسە ٶستٸ. بٸز ينۆەستيتسييانى قورعاۋ جەنە سالىق سالۋ سالاسىندا ۋاعدالاستىقتارعا قول جەتكٸزدٸك, – دەدٸ قازاقستان پرەزيدەنتٸ.
سونداي-اق, نۇرسۇلتان نازارباەۆ سۋ ەنەرگەتيكاسى, گاز جەنە حيمييا كەشەنٸن تۇرعىزۋ سالالارىنداعى جوبالاردى ودان ەرٸ ٸسكە اسىرۋ مەسەلەلەرٸنە توقتالدى.
مەملەكەت باسشىسى بٸرٸككەن اراب ەمٸرلٸكتەرٸنٸڭ عىلىم مەن تەحنولوگييانى دامىتۋ ٷشٸن اتقارىپ جاتقان جۇمىستارىن اتاپ ٶتٸپ, ەكٸ ەل اراسىندا ەنگٸزٸلگەن ۆيزاسىز رەجٸمنٸڭ تيٸمدٸلٸگٸن ايتتى.
قازاقستان پرەزيدەنتٸ بٸرٸككەن اراب ەمٸرلٸكتەرٸنٸڭ قولداۋىمەن قولعا الىنعان ەلەۋمەتتٸك جەنە ينفراقۇرىلىمدىق جوبالاردىڭ ٸسكە اسىرىلۋ بارىسىنا توقتالدى.
ابۋ-دابيدٸڭ تاق مۇراگەرٸ قازاقستان پرەزيدەنتٸ نۇرسۇلتان نازارباەۆ پەن شەيح زايد بەن سۇلتان ەل ناھاياننىڭ كٷش-جٸگەرلەرٸنٸڭ ارقاسىندا ەكٸ ەل اراسىندا دوستىق ەرٸ تىعىز بايلانىستار قالىپتاسقانىن اتاپ ٶتتٸ.
– ەلدەرٸمٸز اراسىندا باۋىرلاستىق قاتىناس ورناعان. بٸز سٸزدٸ ٷلكەن اعامىز دەپ سانايمىز. ٶمٸرلٸك تەجٸريبەڭٸز مول. سٸزدٸ قۇرمەت تۇتامىز. 30 جىل بۇرىن قازاقستان وسىنداي ٶزگەرٸستەردٸ باستان ٶتكەرەدٸ دەپ ەشكٸم كٷتپەگەن ەدٸ. قازٸر قازاقستان – كٶشباسشى ەل, ٶڭٸردەگٸ جەتەكشٸ مەملەكەتتەردٸڭ بٸرٸ. وسىنىڭ بەرٸنە سٸزدٸڭ كٶرەگەندٸگٸڭٸز بەن پايىم پاراساتىڭىزدىڭ ارقاسىندا قول جەتكٸزٸلدٸ, – دەدٸ شەيح مۇحاممەد بەن زايد ەل ناھايان.
تاق مۇراگەرٸ شەيح مۇحاممەد بەن زايد ەل ناھايان ەكٸ جاقتى قاتىناستاردى ٸلگەرٸلەتۋدٸڭ ماڭىزدىلىعىن اتاپ ٶتٸپ, قازاقستاننىڭ ەرٸ قاراي ٶسٸپ-ٶركەندەي بەرۋٸنە تٸلەكتەستٸك بٸلدٸردٸ.
كەزدەسۋ بارىسىندا مەملەكەت باسشىسى ابۋ-دابيدٸڭ تاق مۇراگەرٸنە ونىڭ ەكەسٸ شەيح زايد بەن سۇلتان ەل ناھاياننىڭ قازاقستاندا باسىپ شىعارىلعان «بٸرٸگۋدٸڭ كٷش-قۋاتى» اتتى كٸتابى مەن «استاناعا 20 جىل» مەرەيتويلىق مەدالٸن سىيلادى.
***
شەيح مۇحاممەد بەن زايد ەل ناھاياننىڭ قازاقستان رەسپۋبليكاسىنا رەسمي ساپارىنىڭ قورىتىندىسى بويىنشا مىناداي قۇجاتتارعا قول قويىلدى:
– قازاقستان رەسپۋبليكاسى مەن بٸرٸككەن اراب ەمٸرلٸكتەرٸ اراسىنداعى سوتتالعان ادامداردى بەرۋ تۋرالى شارت;
– قازاقستان رەسپۋبليكاسىنىڭ مەدەنيەت جەنە سپورت مينيسترلٸگٸ مەن بٸرٸككەن اراب ەمٸرلٸكتەرٸنٸڭ مەدەنيەت جەنە بٸلٸمدٸ دامىتۋ مينيسترلٸگٸ اراسىنداعى مەدەنيەت سالاسىنداعى ىنتىماقتاستىق تۋرالى كەلٸسٸم;
– قازاقستان رەسپۋبليكاسىنىڭ اقپارات جەنە كوممۋنيكاتسييالار مينيسترلٸگٸ مەن بٸرٸككەن اراب ەمٸرلٸكتەرٸنٸڭ «ساۋاب» راديكالسىزداندىرۋ حالىقارالىق ورتالىعى اراسىنداعى ىنتىماقتاستىق تۋرالى مەموراندۋم.
