مەملەكەت باسشىسى اقتاۋ قالاسىنا جۇمىس ساپارمەن بارىپ, جازۋشى, قوعام جەنە مەملەكەت قايراتكەرٸ ەبٸش كەكٸلبايدىڭ 80 جىلدىق مەرەيتويى اياسىندا ورناتىلعان ەسكەرتكٸشٸنٸڭ اشىلۋ رەسٸمٸنە قاتىستى. قاسىم-جومارت توقاەۆ قالامگەردٸڭ مٷسٸنٸن سالتاناتتى تٷردە اشىپ بەردٸ, دەپ جازادى اقوردا.
تاۋ تۇلعالى تالانت, عۇلاما ويشىل ەبٸش كەكٸلبايۇلىنىڭ ەرەن ەڭبەگٸ قانداي قۇرمەتكە دە لايىق ەكەنٸن ايتقان قاسىم-جومارت توقاەۆ, زاڭعار جازۋشى, اسا كٶرنەكتٸ مەملەكەت جەنە قوعام قايراتكەرٸنٸڭ رۋحىنا تاعزىم ەتۋ تەك ماڭعىستاۋ ٶڭٸرٸنٸڭ عانا ەمەس, بٷكٸل ەلٸمٸز ٷشٸن ماڭىزدى وقيعا دەپ باعالادى.
– بٸز بٷگٸن رۋحىن ۇلىقتاپ وتىرعان ەبٸش كەكٸلباي – ادامزاتتىق بولمىستىڭ جوعارى دەڭگەيٸنە كٶتەرٸلگەن بٸرتۋار تۇلعا, قازاق حالقىنىڭ ۇلى پەرزەنتٸ. حالقىمىزدىڭ ماقتانىشىنا اينالعان ازاماتتاردىڭ ەسٸمٸن جادىمىزدان شىعارماۋ – بارشامىزدىڭ پارىزىمىز. ەلباسىنىڭ «شٸركٸن-اي, وسىنداي قازاقتار كٶبٸرەك بولسا ەكەن» دەپ ەبٸش اعاعا ريزاشىلىق بٸلدٸرۋٸ تەگٸن ەمەس. زييالى قاۋىم وعان ايرىقشا قۇرمەت كٶرسەتٸپ, «قازاقتىڭ تاڭدايى» دەپ اتادى, – دەدٸ قازاقستان پرەزيدەنتٸ.
مەملەكەت باسشىسى «قازاقستاننىڭ ەڭبەك ەرٸ» اتاعىنا يە بولعان تۇڭعىش قالامگەردٸڭ ەدەبيەت ەلەمٸنە كەلگەننەن باستاپ ۇلتتىق سانانى ساقتاۋ ٷشٸن مول ٷلەس قوسقانىنا, انا تٸلٸمٸزدٸ, سالت-دەستٷرٸمٸزدٸ جەنە تٶل مەدەنيەتٸمٸزدٸ دەرٸپتەپ, حالقىنا ادال قىزمەت ەتكەنٸنە توقتالدى. ۇلتتىق بولمىس پەن ۇلتتىق رۋح ە.كەكٸلباي شىعارماشىلىعىنىڭ دٸڭگەگٸنە اينالعانىن ايتتى.
– «اڭىزدىڭ اقىرى», «ەلەڭ-الاڭ», «ٷركەر», «شىڭىراۋ» – قايتالانباس تۋىندىلار. كلاسسيك قالامگەردٸڭ بۇل ەڭبەكتەرٸ ەلەم ەدەبيەتٸنٸڭ التىن قورىنا تيەسٸلٸ. جازۋشى قارا سٶزدٸڭ قۇدٸرەتٸ ارقىلى ەلدٸڭ نامىسىن وياتىپ, رۋحىن كٶتەردٸ,– دەپ باعا بەردٸ قاسىم-جومارت توقاەۆ.
پرەزيدەنت مەملەكەتٸمٸزدٸڭ جەتٸستٸكتەرٸ قالامگەردٸڭ ۇلت تاعدىرى تۋرالى ماقالالارىندا تولىق كٶرٸنٸس تاۋىپ, قوعامنىڭ شىنايى سيپاتىن تانىتقان ەبٸش كەكٸلبايۇلىنىڭ كٶسەمسٶزٸ حالىقتىڭ رۋحاني ازىعىنا اينالعانىن, زاڭعار جازۋشىنىڭ تۋىندىلارىنا تاريح پەن تەۋەلسٸزدٸكتٸڭ ارقاۋ بولعانىن تٸلگە تيەك ەتتٸ.
– ونىڭ بٸلٸمٸ, كٶزقاراسى, شىن مەنٸندە, شەكسٸز, بٸرەگەي جەنە ەمبەباپ. ەبٸش كەكٸلباي – قازاقتىڭ بولمىس-بٸتٸمٸنە ەلەمدٸك كەڭٸستٸكتەن كٶز سالعان كەمەل ويدىڭ يەسٸ. ۇلى اباي «ٶلدٸ دەۋگە بولا ما, ويلاڭدارشى, ٶلمەيتۇعىن ارتىندا سٶز قالدىرعان» دەيدٸ. ەبٸش كەكٸلبايدىڭ شىعارمالارى عاسىردان عاسىرعا ۇلاساتىن رۋحاني قۇندىلىق بولىپ قالاتىنى سٶزسٸز,– دەدٸ مەملەكەت باسشىسى.
قاسىم-جومارت توقاەۆ ەبٸش كەكٸلبايۇلىنىڭ عۇلاما جازۋشى عانا ەمەس, اسا كٶرنەكتٸ مەملەكەت جەنە قوعام قايراتكەرٸ ەكەنٸن, ەلباسىنىڭ سەنٸمدٸ سەرٸگٸ رەتٸندە تەۋەلسٸز قازاقستاننىڭ نەگٸزٸن قالاۋعا قوسقان ٷلەسٸ وراسان زور دەپ اتاپ ٶتتٸ.
مەملەكەت باسشىسى جازۋشىنىڭ ەلٸمٸزدەگٸ جوعارى لاۋازىمداردا قىزمەت ٸستەپ, حالىقتىڭ ىقىلاسىنا بٶلەنگەنٸن, جوعارعى كەڭەس تٶراعاسى, مەملەكەتتٸك حاتشى, سەناتور قىزمەتتەرٸن ابىرويمەن اتقارعانىن ايتتى.
– ەبٸش كەكٸلباي تەۋەلسٸزدٸگٸمٸزدٸ قورعاۋعا جەنە نىعايتۋعا اتسالىسقان اسا كٶرنەكتٸ قوعام قايراتكەرٸ بولعانىنا ەشقانداي كٷمەن جوق. ٶيتكەنٸ ول قازاقتىڭ وي-ساناسىن جاڭعىرتقان ۇلى ٶزگەرٸستەردٸڭ باسى-قاسىندا جٷردٸ. كٶرنەكتٸ قايراتكەر ەگەمەن ەلٸمٸزدٸڭ تاريحي شەجٸرەسٸندە ٶز قولتاڭباسىن قالدىردى. ونىڭ «تەۋەلسٸزدٸك – تەتتٸ سٶز عانا ەمەس, ۇلتتىق جاۋاپكەرشٸلٸك» دەگەن تۇجىرىمى بارشاعا وي سالادى,– دەدٸ مەملەكەت باسشىسى.
قاسىم-جومارت توقاەۆ ەبٸش كەكٸلبايۇلى ەل مٷددەسٸن بەرٸنەن دە بيٸك قويعان ناعىز پاتريوت, سانالى عۇمىرىن ەلٸنە قالتقىسىز قىزمەت ەتۋگە ارناعان ارداقتى ازامات, بارشا جۇرتقا ۇلتجاندىلىقتىڭ وزىق ٷلگٸسٸن كٶرسەتكەن تۇلعا ەكەنٸن ايتا كەلە, قازٸرگٸ قازاقستاندىق پاتريوتيزم ٷش تۇعىرعا نەگٸزدەلۋٸ كەرەك دەپ سانايتىنىن مەلٸم ەتتٸ.
– بٸرٸنشٸ, پاتريوتيزم تٶل تاريحىمىز بەن شىققان تەگٸمٸزدٸ تەرەڭ ۇعىنۋدان باستالادى. حالقىمىزدىڭ باسىنان ٶتكەن قيلى زاماندى جەنە ەل ەڭسەسٸن كٶتەرگەن جەتٸستٸكتەردٸ جاس ۇرپاقتىڭ بٸلگەنٸ ٶتە ماڭىزدى. تٷپ-تامىرىمىز مىڭجىلدىقتارعا ۇلاسادى. مۇنى ماقتانىش سەزٸممەن ايتۋ – پارىز,– دەدٸ قاسىم-جومارت توقاەۆ.
سونداي-اق ول تاريحىمىزعا قاتىستى كٶپتەگەن دەرەكتەردٸ جارىققا شىعارۋ قاجەتتٸگٸنە, ازاتتىق ٷشٸن كٷرەسكەن ارىستارىمىزدىڭ ەسٸمٸن ۇلىقتاۋ ارقىلى ازاماتتارىمىزدىڭ, ەسٸرەسە, جاستاردىڭ بويىنا وتانشىلدىقتى دارىتا الاتىنىمىزعا مەن بەردٸ.
– ەكٸنشٸ, پاتريوتيزم مەملەكەتٸمٸزدٸ جەنە مەملەكەتتٸك ينستيتۋتتاردى قۇرمەتتەۋدەن باستالادى. مەملەكەتٸمٸزدٸڭ قازٸرگٸ قۇندىلىقتارىن باعالاۋ – بارشامىزعا ورتاق مٸندەت. بەرەكە مەن بٸرلٸك, تۇراقتىلىق پەن تىنىشتىق, تاتۋلىق پەن كەلٸسٸم – بٸزدٸڭ باستى بايلىعىمىز. كٶپشٸلٸك, ەسٸرەسە, جاستار مەملەكەت بولماسا, ۇلت بولمايتىنىن ۇعىنعانى جٶن. بٷگٸنگٸ بۋىن تٷرلٸ قاۋەسەتتٸڭ جەتەگٸنە ەرمەي, ەل ٸرگەسٸنٸڭ بٷتٸندٸگٸن ساقتاۋعا اتسالىسۋى كەرەك, – دەدٸ قازاقستان پرەزيدەنتٸ.
مەملەكەت باسشىسى «قازاقستان پاتريوتيزمٸ» ۇعىمى بەرٸمٸز ٷشٸن ۇلتتىق قۇندىلىق بولۋى قاجەت ەكەنٸنە, بٷكٸل يدەولوگييا وتاندى شەكسٸز سٷيۋگە باعىتتالۋ كەرەكتٸگٸنە توقتالىپ, ەلٸمٸزدەگٸ جاستار ۇيىمدارىن وسى يگٸ باستاماعا جۇمىلۋعا شاقىردى.
– ٷشٸنشٸ, بٸزدٸڭ ماقساتىمىز – ەڭ دامىعان مەملەكەتتەردٸڭ قاتارىنا قوسىلىپ, ەلەمدەگٸ لايىقتى ورنىمىزدى الۋ. وتانسٷيگٸشتٸك – جاي عانا ۇران تاستاۋ ەمەس. قازٸرگٸ تاڭدا بۇل بٸلٸم الۋ, عىلىمعا ۇمتىلۋ, يننوۆاتسييا مەن تەحنولوگييانى يگەرۋ ارقىلى جٷزەگە اسادى. بٷگٸنگٸ زامان – بٸلەكتٸنٸڭ ەمەس, بٸلٸمدٸنٸڭ, ياعني, اقىل-وي بەسەكەسٸنٸڭ زامانى,– دەدٸ قاسىم-جومارت توقاەۆ.
پرەزيدەنت جاستارىمىز قازاق ەلٸن بٷكٸل دٷنيەجٷزٸنە تانىتاتىن جوبالار مەن باستامالاردى جٷزەگە اسىرۋعا تالپىنۋى كەرەك دەدٸ. سوندا عانا وتانشىل, ۇلتجاندى ۇرپاقتى جاڭا گەوساياسات, گەوەكونوميكا جاعدايىنا بەيٸمدەي الاتىنىمىزدى ايتتى. قازاقستان پاتريوتيزمٸ وسىنداي ٷش تۇعىرعا نەگٸزدەلسە, تەۋەلسٸزدٸگٸمٸزدٸڭ نىعايىپ, ەلٸمٸزدٸڭ جارقىن بولاشاعىنا جول اشاتىنىنا توقتالدى.
مەملەكەت باسشىسى قازاق زييالىلارىنىڭ سالماقتى سٶزٸ – تەربيەنٸڭ تيٸمدٸ قۇرالى دەپ ەرەكشە ەكپٸن بەردٸ.
– بٷگٸنگٸ كٷنٸ زييالى قاۋىمنىڭ ماڭىزدى مٸندەتٸ ٶسكەلەڭ ۇرپاقتى پاتريوتتىق رۋحتا تەربيەلەۋ دەپ سانايمىن,– دەدٸ قاسىم-جومارت توقاەۆ.
قازاقستان پرەزيدەنتٸ سٶز سوڭىندا ەبٸش كەكٸلبايۇلىنىڭ «ۇرپاعىنا يە بولا الماعان جۇرت ۇلتتىقتان ايىرىلادى» دەگەن سٶزٸ ەردايىم ەسٸمٸزدە تۇراتىنىن ايتىپ, جازۋشىنىڭ مول مۇراسى, ٶنەگەلٸ تاعىلىمى وسى ماقساتقا قىزمەت ەتە بەرەتٸنٸنە سەنٸم بٸلدٸردٸ.
