«نازارباەۆ» ۋنيۆەرسيتەتٸندە ٶتٸپ جاتقان Self-made فورۋمى اياسىندا قازاقتىڭ ەيگٸلٸ سۋرەتشٸسٸ ەبٸلحان قاستەەۆتٸڭ شٶبەرەسٸ ايسەنٸم قازاقى ناقىشتاعى كيٸم ٷلگٸلەرٸن تانىستىردى, دەپ حابارلايدى قازاقپارات تٸلشٸسٸ.
«قازاق ۇلتتىق ۋنيۆەرسيتەتٸندە 4-كۋرستا وقيمىن. ماماندىعىم - كوستيۋم سۋرەتشٸسٸ. وسى ماماندىعىم بويىنشا قازاقى ناقىشتاعى كيٸمدەر تٸگۋدٸ قولعا العانىما بٸر جىل بولدى. وسى شىعارماشىلىق جۇمىستارىم ارقىلى قازاقتىڭ سالت-دەستٷرٸن ەلەمگە تانىتقىم كەلەدٸ. مەسەلەن, مىنا كوستيۋمدە ۇزاتىلاتىن قازاق قىزى سۋرەتتەلگەن. كەلەسٸ كيٸمدە سەۋكەلە كيگەن قازاق قىزىنىڭ تويعا دايىندالىپ جاتقانى بەينەلەنگەن», - دەدٸ فورۋم اياسىندا ۇيىمداستىرىلعان كٶرمە بارىسىندا جۇمىستارىن تانىستىرعان ايسەنٸم قاستەەۆا.
ە.قاستەەۆتٸڭ شٶبەرەسٸ مۇنان دا ٶزگە يدەيالارىنىڭ بار ەكەنٸن, الايدا ونى جٷزەگە اسىرۋعا قاراجات قول بايلاۋ بولىپ وتىرعانىن ايتتى. وسى رەتتە جاستار جىلىنان كٷتەرٸ كٶپ ەكەنٸن اتاپ ٶتتٸ.
«ٷكٸمەت نەمەسە تٷرلٸ قوعامداستىقتار تاراپىنان قولداۋ بولسا, حالىققا قاجەتتٸ دٷنيەلەردٸ جاساپ شىعاراتىن ەدٸم. ارمانىم - قازاقتىڭ ەيگٸلٸ سۋرەتشٸسٸ, بەينەلەۋ ٶنەرٸنٸڭ نەگٸزٸن سالۋشىلاردىڭ بٸرٸ, اتام ەبٸلحان قاستەەۆتٸڭ ٶنەر جولىن جالعاستىرۋ. بولاشاقتا اعىلشىن تٸلٸنە باسىمدىق بەرۋ ارقىلى بالالاردى شىعارماشىلىققا باۋليتىن ورتالىق تا اشقىم كەلەدٸ», - دەدٸ ايسەنٸم قاستەەۆا.
