فوتو: قر مام
2025 جىلدىڭ 18 شٸلدەسٸندە ەبٸلحان قاستەەۆ اتىنداعى قر مەملەكەتتٸك ٶنەر مۋزەيٸندە «مەرەيتوي يەلەرٸ - 2025» كٶرمەسٸنٸڭ اشىلۋ سالتاناتى ٶتتٸ, دەپ حابارلايدى Ult.kz.
ەكسپوزيتسييادا بەينەلەۋ ٶنەرٸنٸڭ دامۋىنا ەلەۋلٸ ٷلەس قوسىپ, ەلٸمٸزدٸڭ مەدەني ٶمٸرٸندە ٶشپەس ٸز قالدىرعان سۋرەتشٸلەردٸڭ تۋىندىلارى جيناقتالعان. بۇل كٶرمەدە حح عاسىردا قازاقستاندىق بەينەلەۋ ٶنەرٸ مەكتەبٸنٸڭ قالىپتاسۋ كەزەڭٸندە ەڭبەك ەتكەن ەر بۋىن ٶكٸلدەرٸنٸڭ شىعارماشىلىعى توعىسىپ جاتىر. ولاردىڭ قاتارىندا حلۋدوۆ نيكولاي, انتوششەنكو-ولەنەۆ ۆالەنتين, كاپتەرەۆ ۆالەريي, گلەبوۆا تاتيانا جەنە ت.ب. بار.
نيكولاي حلۋدوۆ قازاقستانعا XIX عاسىردىڭ سوڭىندا كەلگەن. ونىڭ شىعارماشىلىعى XIX عاسىرداعى رەاليستٸك كەسكٸندەمە مەكتەبٸ قازاق جەرٸندە كەڭٸنەن تانىلىپ, جالعاسىن تابۋىنا ىقپالى زور بولدى. سۋرەتشٸ كٶپ جەرگە ساياحاتتاپ بارعان, سونىڭ نەتيجەسٸندە تۇرمىس پەن تابيعات كٶرٸنٸستەرٸن بەينەلەيتٸن كەسكٸندەمەلٸك تۋىندىلار جازدى.
فوتو: قر مام
قازاقستاننىڭ بەينەلەۋ ٶنەرٸندە قازاق كسر-ٸنٸڭ حالىق سۋرەتشٸسٸ مولداحمەت كەنباەۆتىڭ شىعارماشىلىعى ەرەكشە ورىن الادى. ول – شەتەلدە اكادەمييالىق كٶركەم بٸلٸم العان العاشقى قازاق سۋرەتشٸلەرٸنٸڭ بٸرٸ. ونىڭ تۋىندىلارى تەرەڭ مازمۇنىمەن جەنە ۇلتتىق بولمىسىمەن ەرەكشەلەنەدٸ. حاكٸمجان ناۋرىزباەۆ – ۇلتتىق مٷسٸن ٶنەرٸنٸڭ نەگٸزٸن قالاۋشى, قازاقستان رەسپۋبليكاسىنىڭ حالىق سۋرەتشٸسٸ. ول مەدەنيەت پەن ٶنەر قايراتكەرلەرٸنٸڭ پورترەتتەر گالەرەياسىن جاساپ, ەڭبەك ەرلەرٸنٸڭ كەلبەتٸن قاعازعا تٷسٸرٸپ ٷلگەرگەن. ۆالەنتين انتوششەنكو-ولەنەۆ – رەسپۋبليكاداعى اسا كٶرنەكتٸ گرافيك-سۋرەتشٸلەردٸڭ بٸرٸ بولعان. ونىڭ شىعارماشىلىعى جانر, تاقىرىپ جەنە كٶڭٸل-كٷي تۇرعىسىنان الۋان تٷرلٸ. سۋرەتشٸنٸڭ سٷيٸكتٸ تەحنيكاسى – اق-قارا لينوگراۆيۋرا. بۇل ەدٸس ارقىلى ول تٷرلٸ تاقىرىپتاردى شەبەر بەينەلەگەن.
بۇل كٶرمە قىلقالام شەبەرلەرٸنە كٶرسەتٸلگەن قۇرمەت قانا ەمەس, سونىمەن قاتار ولاردىڭ كٶزقاراسىمەن سول دەۋٸرگە ورالۋعا مٷمكٸندٸك بەردٸ. ولاردىڭ شىعارماشىلىق مۇراسى ٶشپەيدٸ, شابىت سيلاپ, جٷرەكتٸ تەبٸرەنتٸپ, ٶتكەننٸڭ ٷنٸن بٸرنەشە ۇراققا جەتكٸزەدٸ. ەڭ باستىسى, شەكسٸز ۋاقىت پەن كەڭٸستٸكتەگٸ ادامنىڭ بولمىسىن ەسكە تٷسٸرەدٸ.
ەكسپوزيتسييا 2025 جىلدىڭ 18 تامىزىنا دەيٸن جالعاسادى.
