بٷگٸن ٷكٸمەت وتىرىسىندا قر قارجى نارىعىن رەتتەۋ جەنە دامىتۋ مەدينا ەبٸلقاسىموۆا ەلدەن كاپيتالدى نەگٸزسٸز شىعارۋدى شەكتەۋ ٸس-شارالارىن اتادى, دەپ حابارلايدى قازاقپارات اگەنتتٸگٸ.
«مەملەكەت باسشىسىنىڭ ەلدەن كاپيتالدى نەگٸزسٸز شىعارۋدى شەكتەۋ جٶنٸندەگٸ تاپسىرماسىن ٸسكە اسىرۋ ٷشٸن اگەنتتٸك ۇلتتىق بانكپەن جەنە قارجىلىق مونيتورينگ اگەنتتٸگٸمەن بٸرلەسٸپ, وسى جىلعى 10 قاڭتاردا ترانسشەكارالىق قارجىلىق وپەراتسييالاردى جٷرگٸزۋگە باقىلاۋ ٸس-شارالارىن كٷشەيتۋ تۋرالى بٸرلەسكەن بۇيرىقتى قابىلدادى», - دەدٸ اگەنتتٸك تٶراعاسى.
ول كٷدٸكتٸ ترانسشەكارالىق وپەراتسييالار تٸزبەسٸ, سونداي-اق كليەنتتەردٸ تيٸسٸنشە تەكسەرۋدٸڭ كٷشەيتٸلگەن ٸس-شارالارى بويىنشا قارجىلىق مونيتورينگ سۋبەكتٸلەرٸنٸڭ ٸس-قيمىل تەرتٸبٸ بەلگٸلەنگەنٸن اتاپ ٶتتٸ.
«اگەنتتٸك اتالعان بۇيرىق اياسىندا بانكتەردٸڭ كليەنتتەردٸ تيٸسٸنشە تەكسەرۋ جٶنٸندەگٸ كٷشەيتٸلگەن ٸس-شارالاردى ساقتاۋىن باقىلايدى. سونداي-اق بانك كليەنتتەرٸنٸڭ ٸرٸ ترانسشەكارالىق وپەراتسييالارىنا ەلدەن كاپيتالدى زاڭسىز شىعارۋ بەلگٸلەرٸنٸڭ بولۋى تۇرعىسىنان كٷندەلٸكتٸ مونيتورينگ جٷرگٸزەتٸن بولادى», - دەدٸ مەدينا ەبٸلقاسىموۆا.
ايتا كەتەيٸك, مەملەكەت باسشىسى پارلامەنت مەجٸلٸسٸنٸڭ جالپى وتىرىسىندا جەكەلەگەن-قارجى ٶنەركەسٸپتٸك توپتاردىڭ تٶتەنشە جاعدايدى پايدالانىپ, قارجىنى شەتەلگە شىعارۋ تەۋەكەلٸ ارتىپ تۇرعانىن جەتكٸزگەن بولاتىن.
