Búgin Úkimet otyrysynda QR Qarjy naryǵyn retteý jáne damytý Mádina Ábilqasymova elden kapitaldy negizsiz shyǵarýdy shekteý is-sharalaryn atady, dep habarlaidy QazAqparat agenttigi.
«Memleket basshysynyń elden kapitaldy negizsiz shyǵarýdy shekteý jónindegi tapsyrmasyn iske asyrý úshin agenttik Ulttyq bankpen jáne Qarjylyq monitoring agenttigimen birlesip, osy jylǵy 10 qańtarda transshekaralyq qarjylyq operatsiialardy júrgizýge baqylaý is-sharalaryn kúsheitý týraly birlesken buiryqty qabyldady», - dedi agenttik tóraǵasy.
Ol kúdikti transshekaralyq operatsiialar tizbesi, sondai-aq klientterdi tiisinshe tekserýdiń kúsheitilgen is-sharalary boiynsha qarjylyq monitoring sýbektileriniń is-qimyl tártibi belgilengenin atap ótti.
«Agenttik atalǵan buiryq aiasynda bankterdiń klientterdi tiisinshe tekserý jónindegi kúsheitilgen is-sharalardy saqtaýyn baqylaidy. Sondai-aq bank klientteriniń iri transshekaralyq operatsiialaryna elden kapitaldy zańsyz shyǵarý belgileriniń bolýy turǵysynan kúndelikti monitoring júrgizetin bolady», - dedi Mádina Ábilqasymova.
Aita keteiik, Memleket basshysy Parlament Májilisiniń jalpy otyrysynda jekelegen-qarjy ónerkásiptik toptardyń tótenshe jaǵdaidy paidalanyp, qarjyny shetelge shyǵarý táýekeli artyp turǵanyn jetkizgen bolatyn.
