ابايدىڭ 3 تومدىق اكادەمييالىق تانىمدىق جيناعى جارىققا شىعادى. بۇل تۋرالى قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت ايتتى, دەپ حابارلايدى قازاقپارات.
«ادامزاتتىڭ العاشقى ۇستازى اريستوتەلدەن بەرگٸ بٷكٸل ۇستازداردىڭ, كلاسسيكتەردٸڭ قاي-قايسىمەن دە ابايدى تەرەزەسٸ تەڭ تۇراتىن دانىشپان دەپ ەسەپتەيمٸز. قازاقستاننىڭ جازۋشىلار وداعى ابايدىڭ 175 جىلدىق مەرەيتويىنا وراي اقىننىڭ پوەزييالىق كٷنتٸزبەسٸن شىعاردى. سونىمەن قاتار ينتەراكتيۆتٸ كٸتابىن دايىندادىق. ول قازٸر ٶندٸرٸستە. ينتەراكتيۆتٸ كٸتاپتا ابايدىڭ ٶلەڭدەرٸ, قارا سٶزدەرٸ, ەندەرٸ, كٷيلەرٸ بارلىعى دىبىستالىپ ورىندالادى. ونى قازاق راديوسىنىڭ ٷزدٸك ديكتورلارى, قازاقتىڭ ارعى-بەرگٸ عاجايىپ ەشٸلەرٸ ورىندايدى. تەحنولوگييانىڭ وزىق زامانىندا مۇنداي كٸتاپ تاپتىرمايتىن دٷنيە سانالادى. ونى فلەشكا, ديسكٸ تٷرٸندە تاراتا بەرۋگە بولادى», - دەدٸ ۇلىقبەك ەسدەۋلەت.
سونىمەن قاتار ول بٷكٸل قارجىنىڭ كوروناۆيرۋسپەن كٷرەسكە جۇمسالۋىنا بايلانىستى الماتى قالاسىنىڭ ٸس-شارالار جوسپارىنا كٸرگەنٸمەن ٸسكە اسپاي تۇرعان بٸر شارا بار ەكەندٸگٸن ايتتى.
«ول جازۋشىلار وداعىنىڭ الدىنا ابايدىڭ كەۋدە مٷسٸنٸن ورناتۋ بولاتىن. ودان باسقا ابايدىڭ شىعارمالارى 10 تٸلگە اۋدارىلىپ, قازٸر جارىققا شىعىپ جاتىر. مۇنان بٶلەك م.ەۋەزوۆ اتىنداعى ەدەبيەت جەنە ٶنەر ينستيتۋتى دايىنداعان ابايدىڭ 3 تومدىق اكادەمييالىق تانىمدىق جيناعى جارىققا شىعادى. وعان ەلٸمٸزدٸڭ پرەزيدەنتٸنٸڭ ٶزٸ باس-كٶز بولىپ, باقىلاۋىنا الىپ وتىر», - دەدٸ جازۋشىلار وداعىنىڭ تٶراعاسى.
ايتا كەتەيٸك, قازاقتىڭ ۇلى اقىنى ابايدىڭ 175 جىلدىق مەرەيتويىنا وراي قر مەملەكەتتٸك حاتشىسى قىرىمبەك كٶشەرباەۆ باستاعان بٸر توپ مەملەكەت جەنە قوعام قايراتكەرٸ ەلورداداعى اباي ەسكەرتكٸشٸنە سالتاناتتى جاعدايدا گٷل شوقتارىن قويعان ەدٸ.
ەستەرٸڭٸزدە بولسا تاياۋدا قازاقستان ٷكٸمەتٸنٸڭ قاۋلىسىمەن 10 تامىز اباي كٷنٸ بولىپ بەلگٸلەندٸ.
